Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Roman

Kateqoriyalar

Cildi

Müəlliflər

Tərcüməçilər

Uşaq partisi dəhşətli cinayət səhnəsinə çevriləndə, məşhur detektiv Erkül Puaro işə qarışmalı olur. Aqata Kristinin bu gərgin romanında hadisələr sakit bir ingilis kəndində, Hallouin bayramı münasibətilə təşkil olunan bir maskaradda başlayır. Gənc bir qız – 13 yaşlı Coys– partidə əvvəllər bir qətlin şahidi olduğunu söylədikdən qısa müddət sonra su ilə dolu çəlləkdə boğulmuş halda tapılır. Hadisə sadəcə uşaq zarafatı, yoxsa gizlədilmiş bir sirrin üstünün açılması idi? Erkül Puaro cinayətin izlərini kəndin
dərinliklərinə qədər aparır. Zaman keçdikcə Puaro daha əvvəl baş vermiş, unutdurulmuş qətllərlə bu hadisə arasında müəmmalı əlaqələri ortaya çıxarır. “Hallouin qonaqlığı” sirr, manipulyasiya və keçmişin qaranlıq kölgələri ilə dolu klassik Aqata Kristi romanıdır. Qatil hər zamankı kimi yaxınlıqda, amma gözlənilməz yerdədir.



“Güzgüdəki qadın” romanında üç fərqli dövrdə yaşayan üç qadının hekayəsindən bəhs edilir. Hər üç qadın həyatlarında dönüş nöqtəsinə çataraq, öz müasirlərindən
fərqli olduqlarını anlayır. Xoşbəxt olmaq üçün bu qadınların hər şeyləri var, ancaq bununla belə, özlərini həddən artıq bədbəxt hiss edirlər. Anna İntibah dövründə Brüqqedə yaşayır. Şəhərin ən tanınmış ailələrindən birinin oğlu ilə ailə qurmaq ərəfəsində qaçır, təbiət və heyvanlarla təmasda olmaq üçün meşəyə sığınır. Hanna Ziqmund Froyd dövründə, Vyanada yaşayır. Ona dəlicəsinə aşiq olan varlı bir adama ərə gedir, lakin özünü çox bədbəxt hiss edir və uşaqlıq rəfiqəsinə yazdığı məktublarda bunu etiraf edir.
Enni isə bir Hollivud ulduzudur, öz nəslinin məşhur aktrisalarından biridir. Bununla belə, daxilində heç nə ilə doldura bilmədiyi qəribə bir boşluq hiss edir, həyatının
heç bir anlamı olmadığını, dünyasının süni olduğunu anlayır, narkotik və içkidə təskinlik tapır. Bu üç personaj cəmiyyətin güzgüsündə özlərini əks etdirə bilmir və bu güzgü onlara, əslində, necə olmaq istədiklərinin görüntüsünü verir.
Müəllifinə dünya şöhrəti gətirən roman həm də onun yaradıcılığında ciddi dönüş kimi yadda qaldı. Bosniyada yazılsa da, insan haqda dünya səviyyəli diskussiyaların mövzusuna çevrildi. Əsər 30-dan artıq dilə çevrilib, motivləri əsasında rəsm və heykəltəraşlıq nümunələri yaradılıb, eyni adlı film çəkilib. Təsadüfi deyil ki, ilkin tanışlıqdan sonra oxucular müəllifə bu sualı ünvanlayırdılar: “Siz bu romanda hər şeyi demisiniz, bundan sonra nə yazacaqsınız?”
Bir çox real və xəyali dünyaların arasında vurnuxan yazıçı Kilqor Traut ədəbiyyat mükafatının dadını öyrənir...Yaradıcı hotelin banket zalında yaratdığı obrazların ən
qeyri-adisi ilə nahar edib, onunla arxayın-arxayın söhbətləşir...Mif məzhəkəyə, faciə isə qara komediyaya çevrilir...Dahi Kurt Vonnequtun antiutopiya və sürrealizmi,
modernizmi və istehzalı fantastikanı, fəlsəfi hekayəni və hətta real psixoloji nəsri özündə birləşdirən ən maraqlı və ən çoxmənalı romanlarından biri olan “Çempionlar üçün
səhər yeməyi”nin əsas motivləri məhz buna əsaslanır.


Dünya ədəbiyyatının ən məşhur detektiv yazıçılarından biri Aqata Kristinin “Erkülün qoçaqlıqları” adlı kitabı belçikalı məşhur detektiv Erkül Puaronun parlaq zəkasını və qüsursuz deduksiya bacarıqlarını əks etdirən hekayələr toplusudur. Bu kitabda Puaro mürəkkəb cinayət işlərini məntiqlə açır, saxtakarlıqları ifşa edir və günahkarları ədalət qarşısına çıxarır. Hər hekayədə oxucular Puaronun kriminala qarşı unikal yanaşmasının şahidi olur, onun iti zəkasının sirrini anlamağa çalışırlar.
«Белые ночи» — короткая повесть Федора Достоевского, опубликованная в 1848 году. Действие происходит в Санкт-Петербурге, это история молодого человека, борющегося со своим внутренним беспокойством. Легкое и нежное повествование, оно погружает в муки и вину неразделенной любви. Оба главных героя страдают от глубокого чувства отчуждения, которое изначально сводит их вместе. Сочетание романтизма и реализма, история мягко взывает к чувствам и ощущениям.
“White Nights” is a short story by Fyodor Dostoevsky that was published in 1848. Set in St.Petersburg, it is the story of a young man fighting his inner restlessness. A light and tender narrative, it delves into the torment and guilt of unrequited love. Both protagonists suffer from a deep sense of alienation that initially brings them together. A
blend of romanticism and realism, the story appeals gently to the senses and feelings.
“Beyaz Geceler” Fyodor Dostoyevski’nin 1848’de yayınlanan kısa öyküsüdür. Petersburg’da, içindeki huzursuzlukla mücadele eden genç bir adamın hikayesidir. Hafif ve hassas bir anlatım, karşılıksız aşkın acısını ve suçluluğunu derinlemesine araştırıyor. Her iki kahraman da başlangıçta onları bir araya getiren derin bir yabancılaşma duygusundan muzdariptir. Romantizmin ve gerçekçiliğin bir karışımı olan hikaye, nazikçe duyulara ve duygulara hitap ediyor.
Boranlı Yedigey vicdanlı, zəhmətkeş bir insandır. O öz yüksək mənəvi borcuna sadiqdir. Romanda qəhrəmanın taleyi müasir dövrün bir sıra sosial-mənəvi problemləri ilə paralelləşir. Yüz illərin o üzünə xəyali səyahət bu günü şərtləndirir. Bu gün isə bütün bəşəriyyətin sabahına qapı açır. Bütün zamanlarda əmin-amanlığın, xeyirxahlığın və humanizmin təntənəsi bəşəriyyətin ən böyük qələbəsi kimi səciyyələnir.

"Yetimlik bir ad deyil, bir hissdir -içindəki hər kəsin getdiyi, amma sənin qalmaq məcburiyyətində olduğun bir hiss."


Çimamanda Nqozi Adiçinin “Sarı Günəşin yarısı” əsəri, Nigeriyanın tarixi Biafra müharibəsinin (1967-1970) fonunda sevgi, ailə və insanlıq mövzularını araşdıran təsirli bir romandır. Əsər, fərqli sosial təbəqələrdən
olan üç əsas personajın gözü ilə müharibənin dağıdıcı təsirlərini və onun insan həyatında buraxdığı dərin izləri təsvir edir. Hadisələr Nigeriyanın zəngin və çoxşaxəli mədəni mənzərəsində baş verir. Əsərin qəhrəmanları müxtəlif sosial təbəqələrdən olan üç əsas şəxsdən ibarətdir: varlı bir ailənin qızı Olanna, yüksək ideallara sahib professor Odeniqbo və sadə, lakin həyat haqqında dərin düşüncələri olan ev işçisi Uqu. Müharibənin sərt reallıqları ilə üzləşən bu üç insan, həyatlarına mənalı bir istiqamət vermək üçün axtarışlarını davam etdirirlər. Roman boyu sevgi, itki, xəyanət və ümidin gücü, hadisələrin axarında
incə bir tarazlıqla təqdim olunur.“Sarı Günəşin yarısı”, təkcə bir tarixi dövrün əks-sədası deyil, həm də müharibənin insan ruhuna və əlaqələrinə necə təsir etdiyini dərindən təsvir edən emosional bir hekayədir. Adiçinin təsirli yazı üslubu, oxucuları müharibənin dəhşətlərinə və onun insani ölçülərinə daha yaxın hiss etdirir. Bu roman, tarixi anlamaqla yanaşı, insanlığa dair universal suallara cavab tapmaq istəyən hər kəs üçün əvəzsiz bir əsərdir.
Gənc şairə anasının cənazəsini yandırdıqdan sonra külünü nənəsinin və xalasının yanında dəfn etmək üçün Volqoqrad vilayətindən Sibirə aparır. Volqoqraddan Moskvaya, Moskvadan Novosibirskə, Novosibirskdən İrkutska təyyarə ilə, sonra da tayqadan keçərək ucqar Ust-İlimsk şəhərinə qədər on dörd saatlıq avtobus səyahəti... Anasının külünü apararkən həyatını düşünür və ölümü şərh edir.
Həyatda sadəcə yazıları və həzləri ilə var olan bir yazar, düşmənlərin işgəncəsinə dözüb, sonda ölümə məhkum edilən bir qadın... Onların yollarının kəsişdiyi bir roman... Müstəqillik arzusu ilə yaşayan bir xalq...

Bu günə qədər inandıqlarının əslində həqiqət olmadığını öyrənən Rəhimə nə edəcəyinə qərar verməlidir. Onun sadəcə bir yolu qalır: suallarını Tanrıdan soruşmaq. Çünki onu sadəcə Tanrı mühakimə edə bilər.

Məhərrəm işlədiyi daş karxanasında aldığı zərbədən yaddaşını itirir. Beyni bütünlüklə nəhəng bir bozluğa bürünür. Keçmişini diriltmək yanğısı onu ağlagəlməz qovğaların içinə atır. Lakin gözlənilməz hadisələr bununla bitmir. Onun rəngli bir oğlu doğulur. Bu qəribə uşaq təkcə ailəsinin yox, bütün Zığ adasının taleyini dəyişir. Roman müəllifin yaradıcılığında növbəti mərhələdir. Onu siyasət-sənət münasibətlərinə obrazlı baxış da saymaq olar, totalitarizm əleyhinə rəngli nəğmə də.
Əfsanələrə görə, çox illər öncə, sonralar yer üzərindən qeyb olub silinmiş kiçik bir şəhər varmış...
Bu şəhər həm də bir ölkə imiş...
Bu ölkəyə isə xoşniyyətli bir kral və kraliça rəhbərlik edirlərmiş.
Şəhərdə yaşayan hər kəs o qədər xoşbəxt imiş ki, hətta həftənin dörd günü insanlar bütün işini bir kənara qoyub, şəhər mərkəzinə toplanar, yüksəkdən səslənən musiqi sədaları altında karnavallar, tədbirlər, şənliklər təşkil edərək, birlikdə əylənirlərmiş..
Dünyanın ən gözəl musiqiləri bu şəhərdə bəstələnər, ən gözəl ətirləri bu şəhərdə hazırlanar, ən yaraşıqlı kişiləri və ən gözəl qadınları bu şəhərdə yaşayırlarmış...
Və ən gözəl sevgilər də məhz bu şəhərdə yaşanarmış...


Nina artıq iki Sirri fəth edib. Ancaq uşaqların fikirlərini və Ksoraksı, Altıncı Ayı xilas etmək üçün hələ də döyüşməli olacağını gözəl başa düşür; özü də bu mübarizə təkcə qəddar Qraf Karkon Ka d'Oroya qarşı olmayacaq!
Get-gedə daha təcrübəli və cəsur qızcığaza çevrilən Ninanın yanın-da həmişə olduğu kimi, Çesko, Dodo, Fyore və Roksi də var.
Avdo bacarıqlı daş ustasıdır. Uşaqlığımı onun, yoxsa o, uşaqlığının dalınca düşüb? Bilmir... Bəlkə də ölümdən daha böyük bir həqiqət olmadığını anladığı üçün qəbiristanlıqda yuva qurub. Zamanı gəlincə, ən uzun və ən qaranlıq bir gecədə, ərgüvən ağacının altındakı məzarda onu gözləyən Əlifin yanına uzanacaq...

“Daş və kölgə” kainat və insana, həyat və ölümə fərqli gözlə baxan dərin romandır.
Ölən hər ümid yeni bir rəng oğurlayır həyadan. Solan hər rəng başqa bir ömür soldurur. Həyat mütləq belə davam edir...

Hər şey rənglərdən başladı. Rəngarəng divarlar yerini boz bulanıq xəyallara verdi.

Firəngiz Kərimzadənin "Vicdan Qəbiristanlığı" kitabı eyni qəlbdə bir-birini yarım buraxan hisslərin varlığını izah edir. Bir nəfəsə oxuyacağın psixoloji əsər qisas, kin və qaranlıq hisslərin insan ruhuna təsirini göstərəcək.
Bu, Aqata Kristinin detektiv pyesi əsasında yazılmış və bütün dünyada teatr səhnələrində böyük populyarlıq qazanan romanıdır. Səhifələrə köçürülən pyes öz kəskinliyini, dinamikliyini və sirrini itirmədi və gözlənilməz süjet döngələri kağız üzərində səhnədəkindən heç də zəif görünmür. Romanda kişilər və qadınlar hadisələrə fərqli reaksiya verirlər. Bütün məsələ də budur. Kişilər çox həssasdırlar. Qadınlar daha güclüdür. Kişilər qətlin qarşısını ala bilmirlər. Qadınlar isə bunu məharətlə bacarır. Məsələ burasındadır ki, kişi qadına görə qətl törədirsə, onun gözündə qalxar. Kişilərdə isə bu, fərqli reaksiya yaradır.
Gənc qadın Oslodakı mənzilində qətlə yetirildikdə və onun göz qapaqları altında beş guşəli ulduz şəklində qırmızı brilyiant aşkar edildiyində, Harri öz uzun müddətli düşməni Tom Völerlə birlikdə istintaqı aparmağa təyin olundu. Özünü yığışdırmaq xəbərdarlığından sonra, Osloda onların əlində seriya qatil olduğu müəyyən olunduqda, Harri alkoholik əyyaş etinasızlığından özünü qurtarmağa məcbur oldu.
Norveç paytaxtını beş hərfi ilə mistik şəkildə bağlı seriya qətllər silkələyir: onun haqqında davamlı olaraq beş guşəli ulduz və kəsilmiş barmaqlar xatırladır. Hər beş gündən bir polis sirrli cinayətkarın yeni qurbanını aşkar edir, lakin özü yaxalanmır.
Sakit və mürgüləyən Norveçdə, seriya qatil mövzusunda material tapmağın demək olar ki, mümkün olmadığına baxmayaraq, Yu Nesbö həyəacan verici bir roman yaratmışdır. Detektivin üç baş qəhrəamanının qarşıdurması əla göstərilmişdir: öz şəxsi və psixoloji problemlərini anlamağa çalışan yüksək intellektual müstəntiq; Norveç polisinin fəxri olan polis inspektoru və hər beş gündən bir gözəl qadını qətl edən və “niyə” sualına heç bir cavab verməyən manyak. Süjetin sonu gedişatından da gözlənilməz olur və daha ciddi sirrləri ortaya qoyur.


Braziliyanın görkəmli ədəbiyyat xadimlərindən birinə çevrilən Klaris Lispektor son romanı “Ulduz saatı”nda yoxsulluq, daha yaxşı həyat uğrunda mübarizə və cəmiyyətdə təhsilsiz qadının üzləşdiyi çətinliklər mövzunu araşdırır. O, romanda özünəməxsus yazı üslubunda oxucu ilə birbaşa əlaqə yaradaraq yoxsul bir qızın məsumluğunu işıqlandırır.

Hazırkı kitab Qacarlar sülaləsinin (1795-1925) dördüncü hökmdarı Nasirəddin şahın 16 qızı haqqında çoxsaylı arxiv sənədləri əsasında qələmə alınmış əsər-
dir. Əsərin müəllifi Qacarlar dövrünün tanınmış tədqiqatçısı Fatimə Qazihadır. Əsli fars dilində olan bu əsər şah qızlarının həyatı fonunda dövrün ictimai-siyasi
və ədəbi-mədəni həyatını dolğun şəkildə əks etdirir. Əsər tarixçi alimlərlə yanaşı geniş oxucu kütləsi üçün də nəzərdə tutulmuşdur.
Hər insanın həyatında bir dönəm olur; sanki üzərindən böyük bir qara bulud keçir. Amma buludların arxasında bir işıq var və bəzən yalnız sevgi o işığı tapa biləcək gücü verir. Amma... Sevgi hər zaman sağaldırmı? Ürək – ən ağır yaraları bağlaya bilən tək şey olur. Amma necə? Hansı sevgi bu qədər güclüdür? Bir yara nə qədər sağalsa da izi qalır. Bəs sevgi, bu izləri necə silir?
Güzel Yaxina müasir dövr rus ədəbiyyatı tarixində ən parlaq debütant, “Böyük kitab” və “Yasnaya Polyana” mükafatlarının laureatı, “Züleyxa gözlərini açır” və “Övladlarım” bestsellerlərinin müəllifidir. Onun “Səmərqənd eşelonu” adlı yeni kitabı səyahət romanı və bir növ, “qırmızı istern”dir. 1923-cü il. Gənc və həlim Vətəndaş müharibəsi veteranı Deyevlə əzmkar, “sərt” “uşaq komissarı” Belaya Kazandan Səmərqəndə beş yüz kimsəsiz uşaq təxliyə edirlər. Yolboyu qarşılaşdıqları saysız-hesabsız qorxunc və həyəcanlı sərgüzəştlər, Volqaboyu meşələrindən və Qazaxıstan çöllərindən tutmuş, Qızıl-Qum səhralarına və Türküstan dağlarınadək – geniş coğrafiya, qaçqın-kəndlilər, çekistlər, kazaklar, özünəməxsus dilləri, psixologiyaları, inancları və ümidləri olan balaca sərsərilərin ekssentrik dünyasından ibarət talelər və personajlar palitrası bu kitabda əksini tapmışdır. Roman tarixçilərin əsərləri, kəndlilərin məktubları, FK-nın
idarədaxili yazışmaları, uşaq evləri və sığınacaqlarının sənədləri, qəzetlər, memuar kitabları, kimsəsiz uşaqların taleyində, aclığın aradan qaldırılmasında, təxliyə işində bilavasitə iştirakı olan adamların xatirələri kimi sənədli mənbələrə əsaslanır.

Abunə Ol