Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

İnkişaf və Motivasiya

Kateqoriyalar

Cildi

Müəlliflər

Tərcüməçilər


Mark Mensonun “Vecinə Almamağın İncə Sənəti” kitabı, müasir şəxsi inkişaf janrına fərqli bir yanaşma gətirir.Ənənəvi “həmişə pozitiv olun” tövsiyələrinə qarşı çıxan
Menson, oxucularına həyatın hər sahəsində mükəmməlliyə çatmağa çalışmaqdansa, həqiqətən vacib olan şeylərə diqqət yetirməyi öyrədir. Kitabda Menson, xoşbəxtlik və uğur axtarışında diqqətimizi dəyərsiz şeylərə yönəltməkdənsə, həyatda önəmli olan məqamları seçib onlara fokuslanmağın daha mənalı və dayanıqlı olduğunu izah edir. Mensonun sərt, amma səmimi üslubu ilə yazılmış bu kitabda, insanın öz dəyərlərini və prioritetlərini yenidən dəyərləndirməsi üçün praktik məsləhətlər və hekayələr yer alır.
“Vecinə Almamağın İncə Sənəti,” həyatda məna tapmaq, doğru məqsədləri seçmək və qəbul etmə bacarığını inkişaf etdirmək üçün axtarışda olanlar üçün ilhamverici bir
yol göstərir. Bu əsər, özünü təkmilləşdirmə və qəbul etmə mövzularında dərin və realist bir baxış təqdim edir.
Əsər Oshonun canlı auditoriya qarşısındakı söhbətləri əsasında tərtib edilib. Oshonun bütün söhbətləri kitab halında çap edilib. Bundan başqa onun danışıqlarının səs yazılarını da əldə etmək mümkündür. Səs yazılarını və Oshonun bütün arxivini onlayn Osho kitabxanasında əldə etmək mümkündür.
www.osho.com/library

Bu balaca kitab vasitəsilə həyatınızı dəyişə bilərsiniz. Bu kitab həyatda uğur əldə etmək üçün lazım olan prinsipləri özündə ehtiva edir:
NƏD – Nikbin Əqli Düşüncə. Bu ardıcıl bələdçidə sadə və aydın dildə qeyd edilən sübut olunmuş prinsiplərə əməl edərək arzularınızı gerçəkləşdirə və Nikbin Əqli Düşüncəyə nail ola bilərsiniz.
.Həyatda necə uğur qazanmaq olar? Gənclər necə etməlidirlər ki, özlərinə münasib karyera qursunlar? Uğurun düsturu varmı?
Mümin Sekman hüquqşünas olmasına baxmayaraq, ömrünü bu yöndə araşdırmalara həsr edib, insanlara uğur qazanmağın yollarını öz təcrübəsindən istifadə edərək öyrədir. İlk olaraq “Fərdi İnkişaf mütəxəssisi” titulunu qazanan müəllif bütün kitablarını insanların həyati biliklərini təkmilləşdirməsinə praktik olaraq yardım üçün yazır. M.Sekman biliklərə yiyələnməyin, yaddaşı gücləndirməyin yollarını göstərir və biliklərdən istifadəni təlqin edir. Çünki uğur biliklərə yiyələnməkdən daha çox, ondan istifadədən asılıdır.
Bu kitab daha çox gənclər, həyatın başlanğıcında olan yeniyetmələr, tələbələr üçün nəzərdə tutulub. Amma karyerasının müəyyən mərhələsində olan və seçimini dəyişmək istəyən insanların da bu kitabdan öyrənəcəkləri az deyil.


“İstedadlı uşağın dramı” kitabının 1979-cu il ilk nəşri ilə yenidən yazılmış versiyası arasında Alis Millerin 15 illik təcrübəsi var; bu təcrübənin arxasında müəllifin şəxsi özünüterapiyası, digər yeni terapiya üsulları və nəhayət, ona məktub yazan mindən çox oxucunun həyat hekayələrinin məhsulu dayanır. Millerin bu illər ərzində uşaqlıq dövrü ilə bağlı apardığı araşdırmaları onu əvvəlki müşahidələrini daha dərindən öyrənməyə vadar edib. O, müşahidələrini bu kitabda çoxsaylı nümunələrlə
tədqiq və təsvir edir.
Müəllif zorakılığın şəxsi və sosial sferadakı nəticələrindən, uşaqlıq dövründəki psixoloji zədələrin səbəbləri və onların qarşısının alınmasından və nəhayət, erkən travmanın nəticələrini aradan qaldırmaq üçün yalnız bu gün mövcud olan yeni imkanlardan bəhs edir.
Siz bu kitabda uğurlu insanlara xas vərdişləri kəşf edəcək, onları həyatınıza tətbiq etməyin yollarını öyrənəcəksiniz. Bu isə o deməkdir ki, siz də uğur qazanacaqsınız. Kitabda sadə təlimatlarla yanaşı onları həyata keçirmək yolları da göstərilib. Bu fənd və vərdişləri ailə həyatında, işdə, məktəbdə, təqaüd dövründə istənilən istiqamətdə tətbiq etmək mümkündür. Kitab sayəsində siz uğura aparan düşüncə tərzinə yiyələnəcəksiniz.
İş adamları və xırda biznes sahibləri, karyerasına yeni başlayan, yaxud inkişaf mərhələsinə qədəm qoyanlar, böyük xəyallar qurmağın nə demək olduğunu başa düşmək istəyənlər, mövcud şirkət mədəniyyətindən və ya dəyərlərdən əziyyət çəkən bütün rəhbərlər, insanları idarə etmək və davamlı iş qurmaq haqqında yaxşı mənbə axtaran təkcə biznes quruluşları yox, bütün təşkilatlar – “Söhbət kofedən getmir” sizə uğurun sirlərini açır.
Beynəlxalq “Starbucks” kofe şirkətinin keçmiş prezidenti Hovard Behar bu kitabında uğurlu biznesin sirlərini oxucularla bölüşür.
Norveçli araşdırmaçı jurnalist, yazıçı Hilda Östbi 45 yaşına çatdığında dərk edir ki, 30 ilə yaxındır öz qarnına nifrət edir. Hilda bu özünə nifrətin kökünü, səbəblə­rini müxtəlif aspektlərdən – nevrologiya, psixologiya, bö­yüdüyün mühit, şəxsi həyatın və s. araşdırmağa baş­la­yır. Axı bir insan qarnına niyə nifrət etsin? Səbəb beyni­mizdədir, yoxsa paltar istehsal edən şirkətlərdə? Hilda Östbi bu sualın cavabını axtarır, qarın haqqında, onu sevmək, ona nifrət etmək haqqında bizi düşündürən çoxsaylı suallara cavab tapmağa çalışır. Bu kitab pəhriz saxlayanlar üçün deyil, bədənini, hə­ya­tını, qarnını sevə bilənlər, hər halı ilə həyatdan zövq almaq istəyənlər üçündür.

Psixoloq-professor Riçard Vayzman özünün “59 saniyə” kitabında insanların məqsəd və ambisiyalarına aylar deyil, dəqiqələr ərzində nail olmalarına kömək edən dəyişikliyə yeni bir yanaşma sərgiləyir. Əhval-ruhiyyədən yaddaşa, inandırmadan təxirə salmağa və dayanıqlı münasibətlərə qədər yeni dəyişiklik elmini dəstəkləyən bu araşdırma, sürətli və qəribə üsulların gündəlik həyatda necə tətbiq ediləcəyini izah edir.



“Bir göz qırpımında” düşünmədən düşünməyimiz, bir göz qırpımında verdiyimiz qərarlar haqda kitabdır. Niyə bəzi insanlar qərar verməkdə mahir, digərləri isə bacarıqsızdır? Niyə bəzi insanlar instinktlərinə qulaq asıb qalib gəlir, digərləri isə xətalara ilişib büdrəyir? Beynimiz ofisdə, sinifdə, mətbəxdə, yataq otağında necə işləyir? Niyə ən yaxşı qərarlarımızı başqalarına izah etməkdə çətinlik çəkirik?
Kitabda qeyd olunur ki, qərarları daha rasional olan insanlar geniş məlumata sahib və çox götür-qoy edənlər yox, “incə dilimləmə” sənətini mükəmməlləşdirənlərdir.
Google-un iki yüksək vəzifəli meneceri – Baş İcraçı direktoru Erik Şmidt və İstehsalın Baş vitse-prezidenti Conatan Rozenberq tərəfindən yazılmış bu kitab, dünyanın hər yerində ən çox satılan kitabları geridə qoydu. Google-ın dəyərləri və korporativ mədəniyyəti ilə dünyada lider bir təşkilata çevrilməsinin hekayəsidir.
Səhv edəndə və ya tanımadığımız adamla toqquşanda özümüzü “səhv etmək insana xasdır” ifadəsi ilə sakitləşdiririk. Lakin bu, yad adamın səriştəsizliyinin qurbanı olan şəxsi də sakitləşdirirmi? Bəs kömək etməyi bacarmayan həkimə təsəlli verirmi? İnanmaq istərdik ki, həkim öz iş yerində günahsızdır. Əməliyyatda hər şeyə qadir, heç vaxt yorulmayan, özünü pis hiss etməyən, diqqətini kənar fikirlərlə yayındırmayan bir varlıqdır. Amma neyrocərrah olmaq, əslində, necədir? Nədən biləsən ki, sənin hərəkətlərindən təkcə pasiyentin həyatı deyil, həm də şəxsiyyəti – düşünmək və yaratmaq, kədərlənmək və sevinmək qabiliyyəti asılıdır.
Tez və ya gec hər bir neyrocərrah qaçılmaz şəkildə həmin suallarla üz-üzə dayanır, axı istənilən əməliyyat böyük risklə bağlıdır. Dünya şöhrətli britaniyalı neyrocərrah Henri Marş özünün bütün karyerası ərzində həmin suallar üzərində düşünmüş və onun düşüncələrinin yekunu kimi bu maraqlı, son dərəcə səmimi və təsirli kitab ortaya çıxmışdır. Kitabın əsas qayəsini üç qısa sözlə ifadə etmək olar: “Zərər vermə”.

Uşaqlarla münasibətlərdə problemlər hər kəsdə olur. “Niyə sən sözə qulaq asmırsan, niyə sən özünü belə aparırsan?” – bu kimi məzəmmətlər hər uşağa tanışdır. Və hər bir valideyn qızından və ya oğlundan cavab ala bilməyəndə bəzən öz acizliyini hiss edir. Lakin iş orasındadır ki, böyüklər uşağa öz fikirlərini və hisslərini necə çatdırmağı və onu necə başa düşməli olduqlarını hər vaxt bilmirlər. Bu kitab – uşaqlarla (məktəbəqədər yaşdan yeniyetməlik dövrünədək) necə düzgün ünsiyyət qurmaq barədə məntiqli, anlaşılan, qəşəng və yumor hissi ilə yazılan bir dərslikdir. Heç bir usandırıcı nəzəriyyə olmadan! Bütün ehtimallara qarşı yalnız yoxlanılmış praktik məsləhətlər və çoxlu canlı nümunələr! Müəlliflər — valideyn-uşaq münasibəti sahəsində dünyada məşhur olan mütəxəssislər — həm öz şəxsi (hərəsinin 3 uşağı var), eləcə də onların seminarlarına gələn çoxsaylı valideynlərin təcrübələrini oxucularla bölüşürlər. Kitab uşaqlarla tam anlaşılmaya gəlmək istəyən və “nəsillər konfliktləri”nə həmişəlik son qoyan hər bir kəs üçün maraqlı olacaq.

Mani – bu, on iki yaşlı qıza pul ilə davranmağı öyrədən itin adıdır. Və Kira, nəinki, özü pulla düzgün rəftar etməyi öyrənir, həm də valideynlərinə maliyyə çətinliyindən yaxa qurtarmaqda kömək edir.

V.Sinelnikov – məşhur psixoterapevt, psixoloq, homeopatdır. Onun unikal psixoloji metodikası milyonlarla insana öz sağlamlıqlarını bərpa etməyə, rifah halını yüksəltməyə və həyat sevincini dərk etməyə kömək edib. O, şagirdi və ardıcılı – həkim Sergey Slobodçikovu təqdim edir. Doktor Sinelnikovun işlədiyi effektiv metodika və strategiya olan unikal yeni təfəkkür modeli sizə kömək edəcəkdir ki, onun və ardıcılı olan Sergey Slobodçikovun praktik kursunu addım-addım keçərək real nəticələrə nail olasınız.

Kitabın dəyərini bilmək üçün müəllifini tanımalısınız. O, təcrübəli psixoloq və psixoterapevtdir. Effektiv müalicə üsulları minlərlə insanı sağlamlığa qovuşdurub. Həyat sevinci bəxş edən unikal metodikası vardır.
Əsərləri sizə instinktiv gücünüzü enerjiyə çevirməyi öyrədir. Öz problemlərinizdən baş çıxarır, stress və xəstəliyi birdəfəlik unudursunuz.
Bu kitab da eyni dərəcədə müalicəvi gücə malikdir. Pozitiv təsiri onu əlinizə götürdüyünüz andan başlayır.
İnsan sevgi, ailə, din, siyasət, əyləncə, təhsil, karyera, pul, azadlıq və s. ilə ünsiyyətdə həyatın məqsədini öyrənməyə çalışır. Əsl bilgi isə şərtlərin diktəsinə boyun əymək deyil, əxz etdiklərimizlə daxili harmoniya yaratmaqdır. Bununla içimizdəki şiddəti yox edib, ətrafımızı və dünyanı dəyişdirmək mərtəbəsinə yüksələ bilirik. Kitab insanın öz daxili “mən”i ilə qovuşması haqqındadır. Həyata dair rəngarəng mövzular dinləyicilərin Krişnamurtiyə ünvanladığı suallara verilən cavablar əsasında işıqlandırılır.
Bu hekayədə təsvir edilən dörd xəyali surət: Ko­şarca və Koklarca adlı siçanlar, Mırın və Kırın adlı kiçik insanlar bizlərin, yəni şüurlu insanların sadə və mürəkkəb tərəflərini özlərində əks etdirirlər. Burada insanların yaşayış tərzi, irqi, dini, milli mənsubiyyəti, cinsi və digər özəllikləri nəzərə alınmamışdır.
Biz insanlar bəzən dəyişikliyin, yeniliyin qoxusunu tez hiss edən, onun fərqinə varan kiçik siçan Koklarca kimi, bəzən isə tez qərar verib cəld hərəkət edən Koşarca kimi davranırıq. Bəzən də başına xo­şagəlməz şeylərin gələcəyindən qorxaraq heç bir yeniliyi, dəyişikliyi qəbul etməyən və hadisələrə mü­hafizəkarcasına yanaşıb inkişafa qarşı çıxan Mırın kimi oluruq. Bəzən isə bunun tamamilə əksinə, yəni dəyişikliyin və inkişafın daha yaxşı nəticələr verə­cə­yini əvvəlcədən görüb, dayanmadan çalışan Kırın kimi davranırıq.
Hansı tərəfimizi, hansı xarakterimizi istifadə et­mə­yimizdən asılı olmayaraq heç vaxt dəyişməyən ortaq bir nöqtəmiz var. Hər birimiz yaşadığımız bu çətin həyatın qaranlıq, mürəkkəb labirintlərində öz yolumuzu tapmaq, gündən-günə dəyişən, inkişaf edən dünyada xoşbəxt və müvəffəq olmaq istəyirik.

Konfutsinin aforizmləri əxlaq və dürüstlükdən doğur. Keçmişin dərinliklərinə dalır, oradan ­­cürbəcür hikmətlər çıxarır. Ən başlıcası, pozi­tiv duyğular aşılaması, yaşamaq enerjisini artır­ma­sıdır. Hikmətli sözlər insanı ali dəyərlərin möv­cudluğuna inandırır. Bu səbəbdən yüz illərdir bəşəriyyətin yanında – onun düşüncəsində və məişətin­dədir. Günün istənilən vaxtında, istənilən işin ortasında bu kitabı açıb göz atmaq yetər­lidir ki, içinizdə bir işıq parlasın...
    
Bu kitabda verilən məlumatlar yalnız maarifləndirici xarakter daşıyaraq, səhhətin korlanması zamanı diaqnostika, müalicə və ya hər hansı resept kimi nəzərdə tutulmamışdır. Bu məlumatlar peşəkar səhiyyə təşkilatlarının məsləhətləri ilə əvəz edilə bilməz. Kitabın məzmunundan istifadə, peşəkar səhiyyə təşkilatları tərəfindən verilən sağlamlıq proqramlarına vacib və səmərəli əlavə kimi məsləhət görülmüşdür.

Sabiq ingilis dili müəllimi Cek Ma cəmi on il ərzində “Alibaba Group”u təsis və təşkil edir. Hazırda bu təsisat özündə dünyaca məşhur şirkətləri birləşdirir. 2014-cü ildəki səhmləri 25 mil­yard dollara qədər yüksələrək rekord vurub. Sahibkarlığın görkəmli siması olan Cek XXI əsrin Rokfelleri hesab olunur. Bu kitab onun həyat hekayəsidir. “Walmart” və “Amazon” kimi nəhənglərə qarşı duran dünya korporasiyasını qurması haqda insayderin etirafıdır.

Bu kitab startap yaratmaq üçün məşhur müəllifin təlimatıdır. Kitabda Guy Kawasaki bir ideyanı effektiv şirkətə çevirməyin sirlərini bölüşür. Onun məqsədi nəzəriyyədə və lazımsız detallarda ilişib qalmadan, bütün zəruri bilgiləri əldə edərək, nəsə böyük bir şey yaratmağınıza yardım göstərməkdir. “Necə edəsən ki, səhvə yol verməyəsən” tipli məsləhətlərin xeyri yoxdur, onsuz da səhvlər olacaq. Ən maraqlısı, buraxdığınız səhvdən sonra ayaq üstə qalaraq, nəhayət inkişafa başlamağın yollarını aydınlaşdırmaqdır.
Kawasaki tez-tez deyir ki, sahibkarlıq iş deyil, zəkanın halıdır.
“ Startap sənəti 2.0” sizi bu əhvala kökləyəcək.

Bu kitabı niyə oxumağa dəyər
– Bu, öz biznesini qurmaq və gəlir gətirməsinə nail olmaq istəyən hər kəsin ömür yolunda əsas kitabdır.
–  Bu kitabda o qədər sağlam məntiq və konkretlik var ki, təkcə yeni əlavə, yaxud offline biznes qurmaq istəyənlərə deyil, hansısa layihə üzərində düşünən hər insanın işinə yarayar.
–  Kawasakinin boş söhbətlə, uzun-uzun mülahizələrlə arası yoxdur. Hər şey mətləbin içində və dəqiqdir – siz təxirə salmadan işinizi inkişaf etdirməyə başlaya bilərsiniz. 
Gələcəyin lideri kim olacaq? Şəxslərmi, təşkilatlarmı? Mürəkkəb zamanımızda sabaha hökm etməyin hansı mümkün yolları vardır? Gözləmə mövqeyindən çıxış edənlər geridə qalmağa məhkumdur. Hətta bəlkə həyatda qalmaq onlar üçün çətin olacaq. Bu kitab hərəkətə keçməyə dəvət edir və gələcəyi idarə etməyi öyrədir. Həm də ehtimallarla deyil, konkret göstəricilərlə.Burada qaldırılan problemlər və açılan müzakirələr artıq bütün inkişaf etmiş və inkişaf etməkdə olan ölkələrdə özünü göstərməyə başlayıb. Problemləri aşkara çıxarmaq, təhlil etmək və həlli yollarını tapmaq mümkündür. Bu istiqamətdə işləyən mütəxəssislər də var. Lakin sayları yetərli deyil. Kitab bu boşluğu doldurur.


Zənginləşməyi arzulamaqda yalnış heç nə yoxdur.  Zənginlik  arzusu əslində daha təmtəraqlı, daha dolğun və daha zəngin həyat istəyidir ki, bu da tərifəlayiqdir. Daha çox bolluq içərisində yaşamağı arzu etməmək və istədiyi hər şeyi almaq üçün kifayət qədər pul qazanmağı istəməmək  anormallıqdır.
İnsan yaxşı qidalanmadığı, rahat geyinmədiyi və isti sığınacağı olmadan, eləcə də həddindən çox işləməkdən azad olmadığı halda öz bədənində tam və dolğun, hərtərəfli şəkildə yaşaya bilməz. İstirahət və əyləncə də öz növbəsində fiziki  həyat üçün mütləqdir.
Kitablar olmadan və onları öyrənmək üçün lazımi vaxt sərf edilmədən, səyahət edərək müşahidə etmə imkanı olmadan,  intellektual insanlarla əhatə olunmadıqca insan zehni cəhətdən dolğun yaşaya bilməz.

Abunə Ol