Məzmuna keç

Bakının hər yerinə təhlükəsiz və sürətli çatdırılma

055 212 42 37

Ana səhifə / Haqqımızda

Haqqımızda

Azərbaycanın ən qabaqcıl nəşriyyatı. Hər gün yeni bir kitab.

Qanun Nəşriyyatının əsası 1992-ci il 18 yanvarda qoyulub. Nəşriyyatın təsisçisi və naşiri Şahbaz Xuduoğludur. İlk illərdə əsasən hüquq ədəbiyyatı nəşr edən nəşriyyat bu gün bədii və tərcümə ədəbiyyatına üstünlük verir və Azərbaycan kitab bazarında kitabların böyük hissəsi Qanun Nəşriyyatına məxsusdur.

Nələr nəşr edirik

Bədii ədəbiyyat, fəlsəfə, tarix, iqtisadiyyat, tibb, coğrafiya, elmi-fantastika, uşaq ədəbiyyatı, din, mətbəx və sağlamlıqla bağlı kitablar. Gənc oxucular üçün başladığımız "Birinci kitab" və "Ən yeni ədəbiyyat" seriyaları cəmiyyətdə populyarlıq qazanıb.

Qabriel Qarsiya Markes, Orxan Pamuk, Herta Müller, Alber Kamü, Corc Oruell, Paulo Koelyo, Den Braun, Yuval Noa Harari, Salman Rüşdi, Frans Kafka, Stiven Hokinq və başqa dünyaca oxunan yazıçıların əsərlərini türk, rus, ingilis, alman və fransız dillərindən Azərbaycan dilinə tərcümə etmişik. "Dünya klassikləri" seriyasında Dostoyevski, Tolstoy, Çexov, Hüqo, Dikkens, "Azərbaycan klassikləri" seriyasında isə Cəfər Cabbarlı, Hüseyn Cavid, Cəlil Məmmədquluzadə, İlyas Əfəndiyev, İsmayıl Şıxlı və digər müəlliflərin əsərləri çap olunub.

Layihələrimiz

  • Milli Kitab Sərgisi. 2021-ci ildə I Milli Kitab Sərgisini təşkil edərək Azərbaycanda ilk dəfə kitabçıların, naşirlərin və yazıçıların özünün təşkil etdiyi müstəqil yarmarka-sərginin əsasını qoyduq. Bu günə qədər 6 Milli Kitab Sərgisi keçirilib.
  • Təkərli kitab dükanı. 2023-cü ildə Şahbaz Xuduoğlu və "Əli və Nino" Kitab Mağazaları Şəbəkəsinin sahibi Nigar Köçərli tərəfindən təsis olunub. Səyyar dükan Azərbaycanı qarış-qarış gəzərək ən ucqar kəndlərdə kitabları sərfəli qiymətlə təqdim edir.
  • Dinlə kitab. Audio-kitab layihəsində kitablar tanınmış aktyorlar və qiraətçilər vasitəsilə səsləndirilir. Layihə həm sayt, həm də mobil tətbiqlər üzərindən təqdim olunur.
  • Yonca. 2023-cü ildə yaradılan uşaq nəşrləri redaksiyası 0-6 yaş arası oxucular üçün öyrədici, əyləncəli və ensiklopedik kitablar hazırlayır.
  • Postmodern və Ian's collection. Postmodern mədəniyyət və art mövzulu kitablar, Ian's collection isə ingilis dilində kitablar nəşr edir.
  • "Qanun" elmi-hüquq jurnalı. 1992-ci ildən çap olunan, hüquq elminin inkişafına xidmət edən dövri elmi nəşrdir.

Missiyamız

Kitab nəşr etmək bizim üçün vacib missiyadır. Məqsəd mədəniyyət və elmin yayılması ilə cəmiyyətin intellektual zənginliyinə nail olmaqdır. Hər azərbaycanlının evində kitab və kitabxana olmalıdır.

Bizimlə əlaqə

Qanun Kitab Evi Bakı şəhəri, Tbilisi prospekti 76 ünvanındadır. Onlayn sifarişlərinizi buradan ödənişsiz götürə bilərsiniz. Telefon: 055 212 42 37. Sual və təkliflər üçün info@qanun.az ünvanına yazın.

check_circle
Səbətə bax