Ələddin Məmmədli 1990-cı ildə indiki Bakı Dövlət Universitetinin mexanika-riyaziyyat fakültəsini ən yüksək dövlət təqaüdü ilə bitirib. 1990-1993-cü illərdə Milli Elmlər Akademiyasının Riyaziyyat və Mexanika İnstitutunun aspirantı olub, 1993-1996-cı illərdə həmin İnstitutda kiçik elmi işçi vəzifəsində çalışıb. 1990-cı ildən 1996-cı ilədək “Zəngi” liseyində, Bakı Dövlət Universitetinin Mexanika-Riyaziyyat fakültəsində, Heydər Əliyev adına Müasir Təhsil Kompleksində riyaziyyat müəllimi işləyib. Hazırda Akademik Zərifə Əliyeva adına məktəbin riyaziyyat profili üzrə direktor müavinidir. "Ən yaxşı müəllim" müsabiqəsinin qalibidir, (2008, 2015) "Tərəqqi" medalı ilə təltif olunmuşdur (2010). Ali dərəcəli riyaziyyat müəllimidir.