Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Fantastika

Kateqoriyalar

Cildi

Müəlliflər

Tərcüməçilər


Müxtəlif dünyaların, aləmlərin qüvvələri Lord Asrielin üsyanına qoşulmaq üçün səfərbər olunub. Bu əfsanəvi döyüşdə hər kəsin oynamalı olduğu rol, edəcəyi fədakarlıqlar və verəcəyi qurbanlar var. Cadugərlər,
mələklər, casuslar, qatillər və fırıldaqçılar... Hamı üsyandan layiqli payını alacaq.
Ən təhlükəli vəzifə isə iki dostun, Lira və Villin çiyinlərinə yüklənib.
Əsərin əvvəlində on altı yaşlı gənc günlərini qalmaqallarda keçirən zadəgandır. Bu qalmaqallar kraliça I Yelizavetanın sarayında müxtəlif şadlıq məclisləri ilə müşayiət olunur. Əsərin sonuna yaxın isə artıq üç əsr keçmişdir. 1928-ci ildə gənc artıq otuz altı yaşlı qadındır.Qəhrəmanın səyahəti həm də daxilən baş verir. O, impulsivşairdir. Ürək məsələsində səbir və dözüm öyrənir. Bir qadın olsada, bilir ki, kişi olmaq nədir.
Bu qeyri-adi roman fantastik bioqrafiyadır. Eyni zamanda,məzəli, seksuallığın əsl təbiətini öyrənən cəsarətli əsərdir. Müəllif onu yaxın dostu və sevgilisi, aristokrat şair Vita Sakvil Vestin keşməkeşli həyatından ilhamlanaraq qələmə almışdır.

İnsanları nə qədər çox tanıyıramsa, bir o qədər itlərə sevgim artır.
Adolf Hitler
Musiqi müəllimi Nora günlərin birində həyatına son qoymaq qərarına gəlir. Ayılanda həyatla ölüm arasında yerləşən kitabxanaya düşür. Sonu görünməyən kitabxanadakı müxtəlif və maraqlı əsərlərin hər biri fərqli həyat yaşamaq imkanı verir.
Nora həyatının müəyyən hissəsində başqa cür hərəkət etsə idi, olimpiya çempiyonu, rok ulduz, ana, həyat yoldaşı və s. ola bilərdi. Görəsən, bütün bunlar onu xoşbəxt edərdimi?
Harri Potterin macəraları ilə bağlı ikinci kitabda o, yenidən qara qüvvələrlə amansız mübarizəyə atılır. lakin bu dəfə düşmən o qədər güclüdür ki, qələbəyə ümid azdır...

"Hoqvarts" Sehrbazlıq və Ovsun məktəbində həyəcanlı hadisələr baş verir. Kimsə şagirdlərə hücumlar edir, müəllimlər isə şübhələnir ki, bu, Sirli otaqda gizlənmiş hansısa bədheybətdir. Harri Potter və dostları Sirli otağın gizlinlərini üzə çıxarır, bundan sonra Harri yenidən Lord Voldemort ilə savaşmalıdır. Bəs bu dəfə Harri qalib gələcəkmi?

Deyna Evans məşhur teleaparıcıdır. Bu yaxınlarda Sarayevo- dan qayıdıb, orada müharibə reportajları çəkib. Studiyadakı xəbər buraxılışlarından birinə məşhur siyasətçinin oğlu, Taylor Vintrop xeyriyyə fondlarının yaradıcısı Qeri Vintrop dəvət edilir. Qeri sonuncu Vintropdur, onun valideynləri yanğında ölüb, qardaşı avtomobil qəzasında həlak olub, bacısı xizək sürərkən bədbəxt hadisə nəticəsində dünyasını dəyişib. Verilişin səhəri günü Qeri evində ölü tapılır. Elə təəssürat yaranır ki, evə girən tablo oğruları ev sahibini öldürüblər. Amma ən qiymətli tablolar yerindədir.
Ailənin bütün üzvlərinin bir il ərzində həyatları itirməsi Deyna üçün müəmmadır. Deyna araşdırmağa başlayır və başa düşür ki, cinayətlərin üstünü açmağa çalışarkən, o, yeni, daha sirli cinayətlərlə üz-üzə gəlir.
Jurnalist Deyna Evans nəinki qeyri-adi cinayətlərlə üzləşməli, həm də ABŞ və Rusiya kimi iki qüdrətli dövlətin siyasətinə təsir etmək istəyən insanlarla qaşılaşmalı olacaq. Deynanın öyrəndiyi həqiqət təkcə onun deyil, yaxınlarının da ölümünə səbəb ola bilər.
Olimp təhlükə altındadır! Böyük bir titan ordusu toplayan
Kronos, Olimpi ələ keçirmək və məhv etmək istəyir. Planını
dəqiq həyata keçirmək üçün Titan diqqəti yayındırır və Tifonu
azad edir. Aldadılmış tanrılar məskənlərini müdafiəsiz qoyaraq
bu dəhşətli canavarla döyüşə girirlər. Ancaq Persi Cekson Kro-
nosun hərbi hiyləsini görən yeganə insandır. Yarımqan dostları
ilə birlikdə Olimpi müdafiə edir. Yırtıcıların hücumlarını dəf
edə biləcəklərmi, xeyirin qələbəsi ilə bitəcəyinə ümid etmək
olar...
Artıq altıncı ildir ki, Harri və dostları Hoqvartsdadırlar. Bu dəfə onları daha da müəmmalı hadisələr gözləyir. Voldemortun qayıtması artıq bütün sehr dünyasına bəyan olub. Gəzən şayiələrə görə, artıq Hoqvarts təhkükəsiz deyil. Dambldorun planı nədir? Hoqvartsı qoruya biləcəkmi? Voldemort haqqında Xatirə Burulğanının köməyi ilə öyəndiklərindən sonra Harri nə edəcək?

Dünya təhlükədədir. Kabusların başçısı Yer kürəsini
ələ keçirmək istəyir və onun ilk hədəfi Bakıdır. Fobetoru yalnız
beş seçilmiş yeniyetmə dayandıra bilər. Amma bunun
üçün Yuxu Aləmində öz sehrli güclərini kəşf etməli və
böyük savaşa hazır olmalıdırlar. Bu çətin yolda qarşılarına
çıxacaq maneələri aşa biləcəklərmi? Baş qəhrəmanımız
Fərhad Yuxu Aləmindəki sirri ortaya çıxarmağa nail olacaqmı?
Həyəcan və müəmma dolu bir macəraya hazırsınızmı? Elə isə bu
rəngarəng səfərə başlayın və seçilmişlərə qalib gəlməkdə kömək
edin.
Oxucular, agah olun! C.K.Roulinqin sehrli seriyasının möhtəşəm, nəfəs kəsən sonluğu ürəyi zəiflər üçün deyil. Harri Potter və Ölüm Yadigarları sürpriz dolu kəşfləri, döyüşləri və xəyanətləri ilə istənilən oxucunu təsiri altına salır. Artıq gənc oğlandan yetkin kişiyə çevrilən Harri burada əvvəlki 6 kitabın cəmindən daha çox təhlükə ilə üzləşir. Qorxmayın! Bizim təqdimatda heç bir spoyler yoxdur. Olubbitənləri danışmaq səyahəti korlayar. Siz sadəcə Harri Potter və Ölüm Yadigarları ilə indiyə qədər görmədiyiniz və heç vaxt unuda bilməyəcəyiniz sirli bir səfərə hazırlaşın. Lakin kiçik bir tövsiyə mütləq lazımdır: özünüzə kifayət qədər salfet hazırlayın.
“Kralın qayıdışı” – “Üzüklərin hökmdarı” trilogiyasının üçüncü və final hissəsidir. Burada “İki qala”dakı hadisələrin davamı təsvir olunub.
Qaranlıqlar Hökmdarı Sauronun saysız-hesabsız qoşunları Minas Tiriti, Son Ümid qalasını mühasirəyə alır. Tək Üzüyü məhv etmək üçün Ölüm Dağına yaxınlaşmaqda olan iki balacaboy hobbiti gözdən qaçıran Qara Qüvvələrin Hökmdarı artıq qələbəsini bayram etməyə hazırdır. Hobbitlərin cəsarətindən bütün Orta Dünyanın taleyi asılıdır... Onlar bunu bacaracaqlarmı? Yoxsa, şər qalib gələcək?

“HƏYAT... qoca sehrbazın çubuğunun ucundakı illüziya köpüyü, siyənək balığının ülgüc kimi iti yelpənəkləri, molyuskların göz yaşından “doğulan” mirvari dənəsi, sarıdimdik qaranquş balasının ilk cikkiltisi, özünə nəğmə deyən çayın zümzüməsi, hər kəsə yaşamaq və ölmək rolu verən istedadlı rejissorun təbəssümü...”
Və toza, durnaya, ağaca çevrilib xırda bəhanələrlə yaşayanların hekayələri “Qarışqa təqvimi”ndə.

Yaradıcılığı elmi fantastika janrının inkişafında yeni mərhələ açmış ingilis yazıçı-fantastın ən məşhur romanı. Bir dəfə Birləşmiş Krallığın ərazisinə dalbadal bir neçə mərmi-kapsul düşür, bunlar Marsdan çox böyük toplardan buraxılmışdı. Yer sakinlərinin onları açmaq cəhdi əsl dəhşətə çevrilir... Və dünyaların müharibəsi başlanır. Qırmızı Planetin əslində necə olduğunu ilk dəfə Yer sakinlərinə Herbert Uellsin kitabı danışmışdı və ingilis yazıçısının ardınca Dünyaların müharibəsi mövzusu milyonlarla
insanın beyninə hakim olmuşdu...
Tolkien 1892-ci ildə Cənubi Afrikada dünyaya gəlib. Dilçilik və əski ingiliscə sahəsində ixtisaslaşan Tolkien 1945-ci ildə Oksford Universitetinin filologiya üzrə professoru olub. Oksfordda İkinci Dünya miüharibəsindən əvvəlki illərdə Ouen Barfield, C.S.Lyuis və Çarlz Uilyams kimi yazıçılarla birlikdə ədəbi dərnək yaradıb. "Üzüklərin hökmdarı"nın təməli bu dərnəyin yığıncaqlarında atılıb. Tolkienin 1937-ci ildə nəşr etdirdiyi "Hobbit" uşaqlar üçün və nağıl janrında yazılmış bir mətn olduğundan çox da diqqət çəkmir. Amma 1954 və 1955-ci illərdə üç cilddən ibarət "Üzüklərin hökmdarı"nın nəşri böyük səs-küyə səbəb olur. Heç kəs görkəmli bir Oksford professorunun "yeni dünya" (Orta Dünya) yaratmağa israr edəcəyini gözləmirdi.


Harrinin Hoqvartsda 5-ci ilinin başlamasına həftələr qalmışdı. Durslilərlə keçirdiyi bu yay tətili digər tətillərindən də cansıxıcı, əzablı keçmişdi. Səbəbi isə həyatda yeganə dayağı – xaç atası Siriusun, ən yaxın dostları – Ronla Hermionanın ona qarşı olan soyuqluğu idi. Üç ay ərzində bir-iki kəlməlik rəsmi şəkildə ona yazdıqları məktublardan başqa onu itirib-axtarmamışdılar. Bu isə Harriyə çox pis təsir edir, tək olduğu həyatda özünü olduqca tənha hiss edirdi. Beşinci sinfin dərsləri daha çətin olacaqdı. Bu ildən peşə seçiminə görə imtahanlar verməli idilər. “Gələcəkdən Xəbərlər” qəzeti təsdiqləməsə də, Harri Voldemortun qayıtdığından əmin idi. Voldemortun qayıtması isə onun həyatının təhlükədə olması demək idi...
Maya adlı balaca qızın başına gələn qorxulu, sirli-sehrli əhvalatın necə bitdiyini bu kitabdan biləcəksiniz. O, xeyirin qələbəsi naminə şərlə mübarizə aparır. Bataqlıq ifritəsinin tilsiminə düşmüşelflərin qurtuluşu Mayadan asılıdır. Başqa dünyada azmış Maya öz evlərinə gedən yolu tapa biləcəkmi? Kitabı oxuduqca bu suala cavab tapacaqsınız...


A.Belyayev «Amfibiya adam» romanında insan tale­lərinin ziddiyyətli dramatizmini ön plana çəkir.
Cərrah Salvator insan orqanizmini mükəmməlləşdirmək, onu nəinki yer üzərindəki var-dövlətin sahibi, eyni zamanda dəniz və okeanların sirrini öyrənmək, onu öz iradəsinə tabe etdirmək üçün qeyri-adi cərrahiyyə əməliyyatı aparıb insanı suda-quruda yaşaya bilən bir canlıya çevirmək istəyir. Cərrah, məqsədinə nail ola bilmir. Təklikdə, bütün aləmdən kənar, gizli bir sığınacaqda doğan və həyata keçirilən bu niyyət, vəziyyətin bütün mürəkkəbliyini əhatə edə bilmir. İxtiandr – insan-balıq bütünlüklə dənizlərin dərinliklərinin sahibinə çevrilmir və uzun müddət torpaq üzərində yaşamaq qabiliyyətini də itirir. Özünün bütün kədərini, qüssəsini, vəziyyətinin acınacaqlı olduğunu dəniz kənarına Quttiereni görüb sevəndən və öz mənfəətlərini güdən iki avantüristin gizli niyyətlərinin obyektinə çevriləndən sonra anlamağa başlayır.

Bu roman insanı görünməz edən bir sıra cihazlar kəşf etmiş ingilis fiziki Qriffinin taleyindən bəhs edir. Özünü görünməz adama çevirən və Kemp adlı alimlə məqsədli əlaqə yaratmağa çalışan Qriffin insanları qorxuya salan terror kompaniyası yaratmağa səy göstərir, lakin Kemp onun bu təklifindən qəti imtina edərək polisə xəbər verir. Ələ keçən Qriffin qəzəblənmiş insanlar tərəfindən amansızcasına döyülərək öldürülür.
Hobbitlərin yaşadığı kiçik bir kənd. Sehrbaz Qandalf köhnə dostu Bilbo Begginsin 111-ci ad gününə gəlir və onun illər öncə tapdığı üzük haqqında söhbətə başlayır. Bu üzük bir vaxtlar Orta Dünyanın Zülmət Hökmdarı Sauronun idi və öz sahibinə böyük güc verirdi. İndi Sauron Orta Dünya üzərində hakimiyyəti əlinə almaq istəyir. Buna görə də üzüyü məhv etmək lazımdır... Bu işin öhdəsindən Bilbonun qohumu, gənc hobbit Frodo gəlməlidir. Beləcə, doqquz nəfərdən ibarət dəstə – “Üzük qardaşlığı” Sauronun ölkəsi Mordordakı Alov Dağına doğru yola çıxır.
“Üzüklərin hökmdarı” xeyirlə şərin mübarizəsi haqqında gözəl bir nağıl; dostluq, ümid, sədaqət kimi əbədi mövzulardan bəhs edən klassik və ölümsüz bir əsərdir. “Üzüklərin hökmdarı” son yüz ildə ən çox oxunan yüz kitab arasında ilk yerlərdən birini tutur.

“Qəbiristanlıq kitabı” yeni çağ ədəbiyyatında Neil Gaiman-a məxsus şedevr əsərlərdəndir. Maraqlı süjet xətti ilə seçilir: qəbiristanlıq yaxınlığında yaşayan bir ailəni Cek adlı şəxs öldürür. Yalnız beşikdə qalan oğlan uşağı qurtulur. Bu uşağa qəbiristanlıqda yaşayan ruh ailəsi və vampirlər baxmağa başlayır. Ruhlar oğlanın valideynlərinin qatilinin sağ olduğunu bildiyi üçün onu qəbiristanlıqdan kənara buraxmır. Oğlan böyüdükdən sonra valideynlərinin qətlinin əslində qatillərdən ibarət orden tərəfindən törədildiyini öyrənir. Əsərdə həyəcanlı anlar da elə bundan sonra başlayır.

Robert Luis Stivensonun “Doktor Cekil və cənab Haydın qəribə hekayəsi” əsəri fantastik hadisələrlə zəngindir. Əsərdə insan təbiətinin haçalanması təsvir olunur. Mərhəmətli, cəmiyyətdə böyük hörmətə sahib olan doktor Cekil hazırladığı preparat sayəsində zamanla qəzəb dolu, pislik simvolu olan Hayda çevrilir. O, əvvəlcə özünün əvvəlki obrazına asanlıqla qayıda bilir ‒ içdiyi preparat onu gah Hayda, gah da Cekilə çevirir. Robert Stivenson əsərdə göstərir ki, əgər insan pis niyyətlərinə meydan verərsə, tədricən onun əsirinə çevrilə bilər. Ehtirasları, içindəki neqativ hissləri cilovlamayanda xarakterin mənfi xüsusiyyətləri qalib gəlir

“Persi Cekson və Əcinələr dənizi” Rick Riordanın “Persi Cekson və Olimplilər” adlı romanlar silsiləsinin ikinci romanıdır. Oxuculara artıq tanış olan “Persi Cekson və ildırım oğrusu” romanın davamı kimi yazılmış bu əsərdə Yarıinsan Yarıtanrı olan qəhrəman Persi Ceksondan söhbət açılır. O, özü kimi uşaqları himayəsində saxlayan Yarımqanlar düşərgəsini və oranın qoruyucusu olan sehrli ağacı xilas etmək üçün qızıl qoyun dərisini tapmalıdır. Bunun üçün Əcinələr dənizini keçmək, siklop Polifemin adasına getmək, nəhəng məxluqu öz evindəcə məğlub etmək lazım gələcək. Əlbəttə ki, bu yolu gedəndə də, qayıdanda da mütləq müxtəlif macəralar yaşanacaq.
Silsilənin ən qısa romanı olan “Persi Cekson və Əcinələr dənizi” 2006-cı il may ayının 3-də oxuculara təqdim olunmuşdur. Əsər tənqidçilər tərəfindən müsbət dəyərləndirilmiş və bir sıra mükafatlara layiq görülmüşdür.

"Zaman maşını” Herbert Corc Uelssin ilk iri həcmli fantastik əsəridir. Gələcəyə səyahətdən bəhs edən romanın qəhrəmanı Zaman Maşınını icad edən Zaman Səyyahı bəşəriyyətin gələcəyini tədqiq etmək üçün gələcəyə yollanır. İnkişaf etmiş, parlaq və gözəl gələcək əvəzinə onu tənəzzül dövrünə qədəm qoyan dünya qarşılayır. Bəşəriyyət iki tam fərqli aləmə − Qaranlıq Dünyanın sakinləri morloklara və yer üzündə qayğısız həyat sürən eloylara bölünüb. Zaman Səyyahı gələcəkdə gözlənilmədən itirdiyi Maşınının axtarışları zamanı inanılmaz macəralar yaşayır, həmçinin özünə dost tapır. Zaman Səyyahı Bəşəriyyətin milyon illər ərzində keçdiyi yolu, uğradığı tənəzzülün səbəbləri və motivləri haqqında düşüncələrini paylaşır. Yenidən öz zamanına qayıdan Səyyah gələcəkdə səkkiz gün ərzində yaşadığı olayları dostlarına danışır və bunun sübutu kimi yenidən zamanın burulğanına atılır, lakin oradan bir daha qayıtmır.

Liranın həyatı onsuz da roman üçün maraqlı idi, amma təsadüfən əmisi lord Azrielin Oksfordun Vod İordan Kollecində həmkarları qarşısında etdiyi çıxışını eşitməsi bu həyatı daha da maraqlı edir. Kollec eksperimental ilahiyyat üzrə liderliyi ilə məşhur olmaqla yanaşı, həm də lord Azrielin bidətçi araşdırmalarını maliyyələşdirir. Lord Azriel Liranın yaşadığı, hər bir insanın öz qaraçuxası ilə doğulduğu, sehrin işlədiyi, tartarların Moskva ətrafını ələ keçirməsi təhlükəsinin olduğu, Roma papasının isə puritan protestantı olduğu dünyadan fərqli dünyaların mövcudluğunu araşdırır.

Abunə Ol