Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Siyasət

Kateqoriyalar

Cildi

Müəlliflər

Tərcüməçilər


Bu əsər haqqında danışarkən dünyanın aparıcı siyasi xadimlərindən biri soruşur: siyasət nədir, bu bizə niyə lazımdır və bizim narahat zəmanəmiz hara gedir? Devid Ransimenin kasıblarla varlılar arasındakı uçurumdan tutmuş sosial medianın təsirinə qədər, Makiavellidən tutmuş Hobbs və Veberə qədər bəhs edən bu ətraflı giriş siyasəti öyrənənlər üçün, ya da Danimarkada həyatın Suriyadakından niyə rahat olduğunu bilmək istəyənlər üçün olduqca faydalıdır.
“Animasiya” və “RSA Animates” mükafatına layiq görülən təsvirləri birləşdirən, həm çap, həm də rəqəmli formatda adaptasiya olan əsər 21-ci əsrdə nəyin zəruri olduğunu yenidən və cəsarətlə vurğulayır. Yığcam, aydın, aktual, əyləncəli, orijinal və qlobal miqyaslı “Siyasət” kitabı həm tələbələr, həm də geniş oxucu kütləsi üçündür.

Yakov İliçovun bu romanında 1920-ci illərin əvvəllərində gənc Sovet hökumətinin xarici siyasətinin mühüm bir mərhələsi öz real bədii əksini tapmışdır. Partiya MK-sının, şəxsən Leninin tapşırığı ilə Ukraynanın baş komandanı M.V.Frunzenin başçılığı altında sovet nümayəndə heyəti istiqlaliyyət uğrunda çarpışan türk xalqına köməklik göstərmək üçün Ankaraya gedir, milli azadlıq hərəkatına rəhbərlik edən Mustafa Kamalla görüşür, onunla danışıqlar aparır. O dövrün çətinlikləri, ziddiyyətləri, ictimai-siyasi mühitin keşməkeşləri, beynəlxalq toqquşmalar, Antanta təhlükələri “Türkiyə karvanı”nda inandırıcı şəkildə şərh olunur. Əsərdə soydaşımız, ilk sovet diplomatlarından biri, Azərbaycanın Ankarada ilk səfiri İbrahim Əbilovun maraqlı surəti yaradılmışdır.

Kitab Məmməd Əmin Rəsulzadənin Stalin və stalinizm haqqında 1954-cü ildə Türkiyədə çap etdirdiyi seriya məqalələrdən ibarətdir. Burada böyük vətəndaş XX əsrin əvvəllərində çarizmlə mübarizə gedişində Stalinlə bağlı hadisələri xatırlayır, bilavasitə iştirakçısı olduğu hadisələr fonunda Stalinin siyasi portretini yaradır, bu proseslərin xarakterini açır. Müstəqil Azərbaycan Respublikasının işğalından sonra başına gələn sərgüzəştlər, Stalinlə məşhur görüşü incələnir. Azərbaycan tarixi və ictimai fıkri üçün son dərəcə maraqlı olan bir sıra mətləblər açılır.
Vətən tarixinin çox əhəmiyyətli bu dövrü və M.Ə.Rəsulzadənin şəxsiyyəti, eləcə də stalinizmin anatomiyası ilə maraqlananlar üçün nəzərdə tutulmuşdur.

Görkəmli ictimai-siyasi xadim, Cümhuriyyətin "qurucu atalarından" biri olan Ə.Topçubaşovun (1863-1934) rəhbərliyi altında Azərbaycan nümayəndə heyətinin Paris sülh konfransında (1919-1920) iştirakı diplomatiya tariximizin ilk mühüm hadisəsidir. Sülh konfransı Ali Şurasının Azərbaycanın müstəqilliyini defakto tanıması isə (10 yanvar, 1920-ci il) şübhəsiz, nümayəndə heyətinin böyük qələbəsi idi. Bəs bu qələbə necə qazanılmışdı, son dərəcə çətin, mürəkkəb yol neçə keçilmişdi? Nümayəndə heyətinin İstanbul, Roma və Parisdən Azərbaycan Cümhuriyyəti Nazirlər Şurasının sədrinə göndərdiyi hesabatlar həmin yolun bütün mərhələlərini özündə əks etdirir. Cümhuriyyət tarixi ilə maraqlananlar bu hesabatlar vasitəsi ilə dövlət olmağımızın mürəkkəb prosesini əvvəldən sənadək.izləmək imkanı qazanacaqlar. Kitab politoloq, tarixçi və diplomatlar, habelə geniş oxucu kütlələri üçün nəzərdə tutulmuşdur.

Professor N.Pavlenkonun kitabında görkəmli dövlət xadimi F.Engelsin əsl böyük insan adlandırdığı I Pyotrun bioqrafiyası verilmişdir.
Birinci Pyotrun dramatizmlə dolu, mənəvi və fiziki qüvvə­lərinin gərginliyi ilə olduqca zəngin həyatı XVIII əsrin birinci rübündəki dəyişikliklərlə bağlı idi. Bu dəyişikliklər ölkənin sürətli inkişafını təmin etdi.
Oxucunun mütaliə edəcəyi bütün materiallar mənbələrdən götürülmüşdür.
Tanınmış ictimai xadim, Azərbaycan Respublikası Milli Məclisinin sabiq üzvü Sultan Məmmədovun bu kitabında gizli fəaliyyət göstərən beynəlxalq mason təşkilatının tarixindən, mahiyyətindən, məqsəd və quruluşundan, bugünkü vəziyyətindən söhbət açılır. Kitab geniş oxucu üçün nəzərdə tutulmuşdur…

İqor Buniçin oxuculara təqdim etdiyimiz “Partiyanın qızılları” kitabı və son 10 ildə yazdığı silsilə əsərləri geniş Ru­si­­ya mə­kanında bir nömrəli ədəbi hadisə hesab edilir. Bu müvəf­f­ə­qiyyətin səbəbi nədir?
Axı dahi hiyləgər İliç, soyuq başlı əzazil komissarlar və çe­kist­lər, digər kommunist rəhbərlər haqqında xeyli ədəbiyyat möv­­­cuddur və indi də dəfələrlə onlar barədə yazılır.
Bu sualın cavabı aydındır. İqor Buniç Oktyabr inqilabının mahiyyətini, Lenin və onun silahdaşları tərəfindən hakimiyyətin zorla ələ keçirildiyini, həmçinin ondan sonrakı SSRİ-nin 70 illik tarixində pul olaraq mənfur metal sayılan qızılın – mənfur hə­mişəyaşıl valyutanın oynadığı əbədi rolu ilk dəfə olaraq kitablarında təsvir və təqdim edir.

“Hökmdar” – İntibah dövrünün florensiyalı dövlət xadimi Nikolo Makiavellinin ən mühüm və ən mübahisəli əsəridir. Bu əsər işıq üzü gördükdən sonra siyasətdə ikiüzlülüyü, həyasızlığı, özbaşınalığı bildirən “makiavelizm” termini meydana çıxdı. Uzun illər bu kitab “zəhər və xəncər” siyasətinin əsası kimi şöhrət qazandı. Lakin müəllifin müasir dövrdə öz tətbiqini tapan bir çox fikirləri təbii hal kimi qəbul olundu.
Nikolo Makiavelli dövlət idarəçiliyinin metodikasını yaratdı. Hakimiyyəti qəsb etmək və əldə saxlamaq prinsiplərini irəli sürdü. Geosiyasi bilikləri sistemləşdirdi, dövlətlər və hökmdarlar haqqında ətraflı məlumat verdi, “Hökmdar” əsərində hakimiyyəti qazanmanın və dövləti idarə etmənin yollarını göstərdi.

Məşhur italyan diplomatı və Renessans dövrünün yazarı Nikolo Makiavelli şahidi və iştirakçısı olduğu tarixi hadisələrin dərin tədqiqatçısına çevrildi. Bir çoxları Makiavellini politologiyanın banisi hesab edirlər. Onun yaratdığı “Hökmdar” əsəri bütün dövrlərin və bütün xalqların siyasətçiləri üçün əsl dərs vəsaitidir.

“Makiavellizm”in tərəfdarları beş yüz ildir ki, “Hökmdar”ın reseptlərindən istifadə edir, əleyhdarları isə ona qarşı çarə axtarmaq üçün baş sındırırlar.

Dahi yoxsa xudpəsənd? Diktator yoxsa xilaskar? Hazırda bütün dünya Rusiya prezidenti Vladimir Putinin növbəti addımlarını gözləyir. Məşhur Norveçli araşdırmaçı jurnalist Bernhard Möhr Rusiyada təhsil alıb və bir neçə il bu ölkədə çalışıb. İllər sonra Rusiyaya dönən Möhr bir neçə şəhərdə olub, əhalinin müxtəlif təbəqələrinin nümayəndələri ilə görüşüb, araşdırma aparıb. Jurnalisti yalnız bir sual düşündürür: Bütün olanlardan sonra ruslar niyə hələ də Putinə səs verib dəstəkləyir. Müasir rus cəmiyyətinin gizlinlərini, reallıqlarını norveçli peşəkar araşdırmaçı jurnalistin təqdimatında Alatoran oxucularına təqdim edirik.


Kitabda müəllifin demokratik islahatlar haqqında müxtəlif
dövrlərdə dövrü mətbuatda yazdığı məqalələr toplanıb.
İslahatlar bütün dövrlərin aktual mövzusudur. Bu baxımdan
mövzular bu gün də, sabah da aktualdır. Müəllif məqalələrində
islahatlar imtiyazının zərərlərini, eyni zamanda fundamental de-
mokratik islahatların isə faydalarını göstərməyə çalışır.
Hazırda yeni dünya düzəni yaranır. Avtokratiyanın çöküşü
sürətlənir, demokratiyanın həlledici dalğası baş verir. Cəmiyyətlər-
də inqilabi dəyişikliklərə səbəb olan islahalatların rolu və əhəmiy-
yəti getdikcə artır.
Hesab edirik ki, islahatların fəlsəfəsi ilə maraqlananlar üçün və-
sait faydalı ola bilər.

“Cinayət mühakimə icraatında dövlət dilinin tətbiqi: ümummilli lider H.Ə.Əliyevin dil siyasəti kontekstində” adlı monoqrafiyada uzun illər toplanmış istintaq və məhkəmə praktikası materialları əsasında cinayət mühakimə icraatında milli dil problemləri, ümumiyyətlə, bütövlükdə milli dillə bağlı məsələlər geniş öyrənilmiş, cinayət prosesində tərcüməçilər institutunun əhəmiyyəti barədə söhbət aparılır, sadalanan problemlər üzrə bir sıra xarici ölkələrin təcrü­bəsi təhlil edilir, cinayət-prosessual qanunvericiliyinin gələcək inkişafı və təkmil­ləşdirilməsinə dair konkret təkliflər irəli sürülür.
Monoqrafiya hüquq institutları və fakültələrinin müəllimləri, alimləri, aspirantlar, doktorantlar, tələbələr, habelə hüquq-mühafizə orqanlarının praktiki işçiləri üçün nəzərdə tutulmuşdur.
Bu ki­tabda Azərbaycanda 1988-ci ilin 19 fevralından 1992-ci ilin 16 iyununadək baş vermiş irili-xırdalı bütün önəmli hadisələr (ermənilərlə Qarabağ uğründa savaş, Qorbaçovun Qarabağı ermənilərə vermək üçün siyasi oyunları, Azərbaycan Xalq Cəb­həsinin yaranması və xalqa rəhbərliyi, respublika başçılarının qorxaqlığı, yaltaqlığı və fərsizliyi, hakimiyyət davaları, xalqımızın azadlıq və müstəqillik uğrunda ölüm-dirim mübarizəsi, 20 Yanvar, Xocalı soyqırımı, Moskvanın Qarabağı Azərbaycan tabeli­yin­dən necə çıxarması…) öz əksini tapıb. Müəllif həmin hadisələrin şəxsən iştirakçısı olub, onları anındaca yazaraq qeydə alıb və 1997-ci ildə həmin gündəlik-qeydlərini ilk dəfə kitab şəklində nəşr etdirib. Ə.Tahirzadə bu 2-ci nəşrdə mətni əsasən olduğu kimi saxlamaqla yanaşı, ona yeni qısa ön sözü, əsərdə adı çəkilmiş bəzi şəxslər haqqında qısa bilgiləri, əsərdə adı çəkilən, ancaq indi dəyişdirilmiş yer adlarının siyahısını və ad­lar göstəricisini əlavə edib.
Ki­tab­ bütün təbəqələrdən olan oxucular üçün nə­zər­də tu­tu­lub.
Oxuculara təqdim olunan bu kitabda M.Ə.Rəsulzadənin 1923- 1931-ci illərdə Türkiyədə nəşr edilmiş “Yeni Qafqasiya”, “Azəri Türk”, “Odlu Yurd” jurnallarındakı və “Bildiriş” qəzetindəki yazıları toplanılıb. Onun 1934-cü ildə İstanbulda nəşr edilmiş “Azərbaycan Yurd Bilgisi” jurnalındakı “Milli Azərbaycan hərəkatının xarakteri” məqaləsi də bu cildə daxil edilib. Kitabda Azərbaycanın tarixi, müstəqillik mübarizəsi, 1918-1920-ci illərdə mövcud olmuş Azərbaycan Xalq Cümhuriyyəti haqqında geniş məlumatlar vardır. Eyni zamanda, müəllif bu əsərlərində sovet rejiminin işğalçı mahiyyətini, xalqları əsarətdə saxlayan, onları azadlıqdan məhrum edən siyasətini kəskin tənqid edir. Kitabdan tədqiqatçılar, tarixçilər, siyasətçilər, diplomatlar, mətbuat təmsilçiləri ciddi faydalana bilərlər.



Kitabda müəllifin 1936-cı ildə Varşavada çıxan “Şimali Kafkasya”, 1950-1960-cı illərdə Türkiyədə nəşr edilən “Türk İzi” dərgisindəki məqalələri toplanaraq türkçəmizdə çap edilmişdir. Eləcə də kitabda 1920-1930-cu illərdə kommunist-bolşevik işğalına qarşı mübarizədə Müsavat Partiyasının “Qarayazı” gizli təşkilatına və silahlı üsyana rəhbərlik etmiş xalqımızın milli azadlıq və istiqlal tarixində öz yerləri olan Qurban, İsaxan və Nağı Hacıbayramlılar haqqında təqdimatlar verilmişdir.
Kitab 1920-1930-cu illər kommunist-bolşevik işğalına qarşı milli mübarizə, düşüncə, azadlıq tarixini öyrənən tədqiqatçılar, bolşevik istilasının milli genefonda vurduğu zərəri qiymətləndirən sosioloqlar, gənclərin vətənpərvərlik ruhunda tərbiyəsi ilə məşğul olan pedaqoqlar və geniş oxucu kütləsi üçün maraq doğurur.

SSRİ-nin qatı və ardıcıl əleyhdarı olan Bjezinskinin kitabının çoxsaylı yeni nəşrləri onun geosiyasət sahəsində nəzəri öncəgörmələrinə böyük marağın olduğunu göstərir. Dünyanın ən məşhur politoloqlarından biri gələcək dünyanın siyasi xəri­təsini proqnoz etməklə, dünyada və xüsusilə də Avrasiya kontinentində cari onilliyin geosiyasi situasiyasını təhlil edir. Müəllif SSRİ-nin bütün kin-küdurətini miras olaraq qəbul edən Rusiyaya “Qara dəlik” simvolik adı verilən ayrıca fəsil həsr etmişdir. ………………………………………………………………………………………………………………………………………………………………………………………………………………………

На основе богатого фактического материала автор повествует об одной из ярких страниц недавней истории: драматических перипетиях идейной и политической борьбы вокруг замысла Кавказской Конфедерации, о роли и позиции в этой борьбе выдающегося политического деятеля Азербайджана первой половины ХХ века Мамед Эмина Расулзаде. Для широкого круга читателей.
На обложке использована фотография портрета М.Э. РАСУЛЗАДЕ народного художника Азербайджана ОКТАЯ САДЫХЗАДЕ
Kitabda cəmiyyət idarəçiliyi və onun ayrı-ayrı tərəfləri ilə bağlı demokratiya məsələlərindən bəhs edilir. Topluda müəllifin mühacirətdə yaşadığı dövrdə sözü gedən mövzu ətrafında yazdığı məqalələr, müxtəlif tədbirlərdə etdiyi çıxışlar və kütləvi informasiya vasitələrinə verdiyi müsahibələr əksini tapıb. Kitabda demokratiya, insan hüquq və azadlıqları, dövlət, hüquqi dövlət, hökumət, vətəndaşlıq anlayışları və s. bu kimi nəzəri məsələlərlə yanaşı, Azərbaycanda insan hüquqlarının praktik vəziyyəti ilə bağlı konkret hallar və eyni zamanda sosial dövlət olaraq Niderlandda təhsil, səhiyyə, dövlət və vətəndaş münasibətlərinin ayrı-ayrı tərəfləri barədə məlumat verilir.
Kitabdan siyasətçilər, hüquq müdafiəçiləri, aidiyyəti mütəxəssislər, tələbələr və bu mövzu ilə maraqlanan hər bir şəxs faydalana bilər.

Neçə minillik dövlətçilik tarixi və ənənəsi olan Vətənimizdə ilk dəfə “Azərbaycan” adlı müstəqil Xalq Cümhuriyyətinin ilk parlamanı – Məclisi-Məbusanının fəaliyyətinə dair “Azərbaycan” qəzetində dərc olunmuş hesabatlar və şərhlərdən bəhs edən bu kitab Cümhuriyyətin qarşıdan gələn 100 illik yubileyinə həsr olunur. Məlumdur ki, “Azərbaycan” qəzeti 23 ay fəaliyyət göstərmiş müstəqil Azərbaycan Xalq Cümhuriyyətinin salnaməsi olmuşdur. Qəzetin 443 nömrəsində xüsusilə parlament həyatına aid dəyərli hesabatlar və şərhlər vardır. Tariximizin bu mötəbər mənbəyini öyrənmək və müasir oxuculara təqdim etmək bizcə faydalı olar.

Mətni 1919-cu ilin payızında Paris sülh konfransının iştirakçıları arasında ingilis və fransız dillərində yayılmış bu sənəd Əlimərdan bəy Topçubaşovun rəhbərlik etdiyi Azərbaycan Cümhuriyyəti nümayəndə heyəti üzvlərinin kollektiv əməyinin bəhrəsidir. Lakin onun əsasında Əli­mərdan bəyin bir neçə ay əvvəl İstanbulda tərtib etdiyi «Azərbaycan Cümhuriyyətinin təşəkkülü» adlı memoran­dum dayanırdı. Paris sülh konfransı Ali Şurasında Azər­baycanın müstəqilliyinin de-fakto tanınmasında «Tə­ləblər» mühüm rol oynamışdı.


Kitabda Bakı uğrunda mübarizənin şiddətli dövründə – 1918-ci ilin avqustunda eser-menşevik-daşnak alyansının – Sentrokaspi diktaturasının çağırışı ilə Azərbaycana gələn, ingilis işğal qüvvələri – Densterforsun və onun komandanı, general Lionel Denstervilin ölkəmizə və xalqımıza, Azərbaycan Cümhuriyyətinə qarşı çevrilmiş fəaliyyəti araşdırılır!
Kitabda ABŞ-ın, İngiltərənin, Almaniyanın və Rusiyanın (sonra SSRİ) XIX əsrin sonu XX əsrin 50-ci illərinə qədər dünyanın bir çox neft neft mənbələrini ələ keçirmək uğrunda apardıqları mübarizələr geniş əks olunmuşdur. Əsərdə Osmanlı imperiyasının neftə qurban edilməsi faktı da maraq doğurur.


Tanınmış türk ictimai-siyasi xadimi və publisist Mühitdin Birgenin (1885-1951) iki cildlik “İttihad və Tərəqqidə on il” adlı memuarlarının Azərbaycana dair hissələrini əhatə edən kitabda tariximizin maraqlı, eyni zamanda kifayət qədər öyrənilməyən dövrü ilə bağlı məlumat və təəssüratlar öz əksini tapıb. Azərbaycan Xalq Cümhuriyyətinin tarixi, 1920-ci illər Azərbaycan-Türkiyə əlaqələri haqqındakı bir sıra fikirlər də yeniliyi, məsələyə baxış fərqliliyi ilə seçilir. Xalqımıza həqiqi sevgi hissi ilə yazılan bu kitab tarixçilər, politoloqlar, mətbuat işçiləri və geniş oxucu kütlələri üçün maraqlı ola bilər.

Kitabda Oktyabr İnqilabından sonra 1917-1923-cü illər arası hadisələr bir erməni tarixçi tərəfindən incələnmişdir. Qafqaz cümhuriyyətlərinin doğuşu, bir-birləri ilə, Rusiya, Türkiyə və müttəfiqlərlə münasibətləri müxtəlif qaynaqlara dayanaraq yazılmış və istiqlaldan işğala qədərki dönəm araşdırılmışdır.

Kitabda yazar XIX əsrin sonlarından başlayaraq XX əsrin birinci yarısına qədər davam edən Qafqaz türkləri aydınlarının axtarışlarını, şəkilləndirməyə çalışdıqları milli, dini və modern dünyagörüşlərini incələmişdir. Yazarın olaylara yanaşma tərzi bu gü­nə qədər oxuduğumuz dəyərləndirmələrdən fərqlən­məkdədir. Yazar modern fəlsəfə verilərindən yararlanaraq Qafqaz türkləri aydınlarının əsərlərin­dəki axtarışları ayrıntıları ilə araşdırmışdır. Aydınların ağlında dolaşan tarixi suallar və bu suallara verilən cavablar incələnmişdir.

Abunə Ol