Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Ustad dərsləri

Kateqoriyalar

Cildi

Müəlliflər

Tərcüməçilər

Sevdiklərinizə yeni gözlə baxmağa cəsarətiniz çatarmı? Unutmayın, xəyal qırıqlığına uğraya bilərsiniz. Əgər qorxmursunuzsa, bu kitabı oxuya bilərsiniz. Oxuduqca məftunu olduğunuz uşaqlıq qəhrəmanlarınızın sonradan həyatınızda kimlərə çevrildiyini, sizin şüuraltı dünyanızda nələr hökm etdiyini öyrənəcəksiniz. Onlar bəzən həyatımızda idarəedici qüvvəyə çevrilə bilirlər. Bu kitab həm də bizə qəhrəman kimi təqdim olunan, elə o cür də qəbul etdiyimiz tarixi simaların, əslində, xəyanətkar, aciz kimliyini heç zaman qəbul edə bilməməyimizin psixoloji yanlarını göstərir. Sevdiklərimizi yenidən tanıyırıq. Vurğun olduqlarımızı təftiş edərək əsl həqiqətə varırıq.
Nəzəriyyələr dünyası mənlik deyil. Bu fikir yürütmələr bir proqramçıya aiddir. Hər roman yazarının əsəri, özündə roman tarixinin uca səslə deyilməmiş bir əks-sədasını, romanın nə olduğuna dair bir düşüncəni qoruyur saxlayır.Mənim danışdırmaq istədiyim romanlarımın içində var olan bu roman düşüncəsidir.
Bu kitabdakı yeddi mətn 1979-cu və 1985-ci illər arası yazılıb, ya da dilə gətirilib. Müstəqil olaraq yaranmalarına rəğmən mən onları gələcəkdə bir kitabda toplamaq fikri ilə hazırladım. Bu fikir 1986-cı ildə reallaşdı.
Ədəbiyyat olmasaydı, dünya necə bir yer olardı? Ədəbiyyat insanlara həyatla bağlı nəsə öyrədirmi? Təhsilin çöküşü, mədəniyyətin və ədəbiyyatın geri plana düşməsi hansı nəticələri doğura bilər? Bütün bu suallara ədəbiyyat üzrə Nobel mükafatı laureatı Mario Varqas Lyosa müxtəlif illərdə dərc olunmuş esseləri ilə cavab verir. Həmin esselərdən seçmələr əsasında tərtib olunan bu kitabda XX əsrin ən yaxşı 25 romanı haqqında yazılar da var. Müəllif kitabda Nabokov, Kortasar və Borxes kimi görkəmli yazıçıların əsərlərini, ədəbiyyata və dünyaya baxışlarını şərh edir.
Öldükdən sonra başımıza nə gəlir? İnsanlıq haqqında yeni nələrsə öyrənirikmi? Əslində, Tanrı bir bakteriya ölçüsündədir. O bizim varlığımızdan tamamən bixəbərdir. Yanımızda isə yalnızca xatırladığımız insanları tapa bilirik. Bəziləri bütün yaşlarına uyğun haldadır, bəziləri kredit kart qeydlərinə baxılaraq yenidən yaradılır. Bəzilərinin isə əhvalı pozulur: onlar olmaq istədiyi, lakin ola bilmədiyi fərdiyyəti ilə bir arada yaşamağa məhkumdur.
Müəllif həm komik, həm kədərli, həm də sarsıdıcı hekayələri ilə ənənəvi qavrayışları yerlə yeksan edir. Bizə özümüzü “burada və indi” görə bilən ovsunlayıcı linza bağışlayır. Dodaqları uçuqladan bir təxəyyülün kökü elmə, romantizmə və şüurumuza qədər uzanır. Bu kitab həyatın, ölümün və ölümsüzlüyün yeni tərəflərini ortaya çıxaran arzu-istəyin qarışığıdır.

Topluda M.Tven, S.Bovuar, V.Nabokov, E.Heminquey, H.Murakami, R.Bredberi, K.Vonnequt, Ç.Palanik kimi dünyanın qüdrətli söz ustalarının yaradıcılıq sirləri, tarixin gedişinə təsir göstərmiş yazıçılar və kitabları, E.Dayneken, M.L.Kinq, O.Vayld, S.Ali, A.Hitler, N.Hikmət, M.Servantesin dəmir barmaqlıqlar arxasında qələmə aldıqları əsərləri, F.S. Mehmet, S.Əbdüləziz, M.K.Atatürk, M.Ə.Rəsulzadə, A,Xomeyni, M.Qandi kimi böyük hökmdarların və siyasi xadimlərin yaradıcılıq meyilləri haqqında materiallar öz əksini tapıb. Əminik ki, kitab gənclərin yazı və mütaliə mədəniyyətinin formalaşdırılmasına müsbət təsir göstərəcək.

Abunə Ol