Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Poeziya

Kateqoriyalar

Cildi

Müəlliflər

Tərcüməçilər

Türk dünyasının ən böyük şairlərindən olan Yunus İmrənin bu kitabı onun “Divan”ından seçmələrdir. Adından göründüyü kimi kitab gözəl bir gül dəstəsini, gül buketini xatırladır. İslam-irfan dünyagörüşünə söykənən və bu dərin mətləbləri sadə xalq dilində ustalıqla ifadə edən Yunus şeiri öz müəllifini yüz illərdir yaşatmaqdadır. Onu sevənlərin, könlünə sultan bilənlərin sayı heç vaxt azalmayıb. Yunus İmrə öz dövründə də, sonrakı əsrlərdə də həm şəxsiyyəti, həm yaradıcılığı ilə insanlara güclü təsir etmiş, bir çox şairlər ən yaxşı şeirlərini onun adı ilə yazmışdır. Bu böyük sənətkar bizim zamanımızda da çox sevilir, yaradıcılığı üzərində yeni şeirlər, musiqilər meydana gəlir. Yunus təkrar-təkrar oxunanda da təravətini itirmir, düşüncələrə aydınlıq, ürəklərə dinclik gətirir. Onun bu qədər sevilməsinin və yüz illərlə yaşamasının sirri həm də burdadır.


Azərbaycanın ilk xalq şairi, şeirləri haradasa bir əsrə yaxın dövrdə dillər əzbəri olan, əsərləri ilə ana dilimizin inkişafına öz danılmaz töhfələrini verən Səməd Vurğunun adı və poetik dünyası yüz illər sonra da yaşayacaq. “Qanun” nəşriyyatının yeni layihəsi “Azərbaycan poeziyası seçmə şeirlər” adlanır. Sizə təqdim etdiyimiz bu kitaba şairin müxtəlif illərdə qələmə aldığı və oxucular tərəfindən maraqla qarşılanan poetik nümunələri toplanıb. Kitabdakı şeirlər Aslan Salmansoyun tərtib etdiyi və redaktoru olduğu S. Vurğunun “Seçilmiş əsərlərindən” götürülüb.
Əlirza Xızılı sovetlərin qanlı, faciəli qurbanı olmuş şairlərimizdən biridir. Ədəbi aləmdə yenicə parlayan, sayılan, seçilən bu gənc iyirmi yeddi yaşında ikən gedər gəlməzdə Sibirdə susdurulmuşdur. Bu “Yadigar yarpaqlar” onun xəzəl olmuş, sovrulmuş ömründən, yaradıcılığından əlimizə gələn vərəqlərdir.
Müasir poeziyamızın tanınmış nümayəndələrindən olan Məmməd Tahirin yaradıcılığı oxuculara “Vətən, məni qınama”, “Yurdum – and yerim”,“Yaz nağılı”, “Yol ver keçim dünya səndən”, “Könlüm came qapısı”, “Birazdan günəş doğacaq”, rus dilində “Den koqda ya vernus” adlı poetik toplularla yaxşı tanışdır. Üstəlik də, dövrü mətbuatda, xüsusilə, internet saytlarında vaxtaşırı imzası görünür. İnanırıq ki, onun şeirlər və poemalardan ibarət yeni kitabı da geniş, həm də populyar auditoriyalarda rəğbətlə qarşılanacaq.
Şair-publisist Taleh Həmidin “Seçilmiş əsərləri”nin yeddinci cildinə müəllifin dram əsərləri, bir poeması və ömrünün son illərində yazdığı şeirlər daxil edilib.


Azərbaycanın xalq şairi, millət vəkili Sabir Rüstəmxanlı seçilmiş əsərlərinin 5-ci cildinə ona ümumxalq məhəbbəti qazandırmış və geniş yayılmış “Ömür kitabı” adlı əsəri ilə yanaşı ölkəmizdə müstəqil demokratın mətbuatın ilk qaranquşu olan məşhur “Azərbaycan” qəzetində çap etdirdiyi “Azərbaycanın harayı” adlı publisist yazılar silsiləsini daxil etmişdir. Ötən əsrin 80-90-cı illərində Azərbaycan bədii publisistikasında şah əsər olan “Ömür kitabı” və “Azərbaycan” qəzeti gənc nəslin milli şüurunun formalaşması və inkişafında, dövlət müstəqilliyinin bərpası uğrunda aparılan mübarizədə müstəsna rol oynamışdır.


...İnsan həmişə böyük düşünməli, lakin gücünün yetdiyi yerdən başlamalıdır
– sən olduğun yerdən olduğun kimi yazırsan
– sənin fərqliliyinin bir halı budur
– kim nə deyir desin
– Sən busan – səni qəbul edənlər belə qəbul etsin, qəbul

etməyənlər isə monoton yanaşma tərzini dəyişməlidir..

«Vətən çağırır» kitabı müəllifin sayca üçüncü kitabıdır.Kitabda şairin «Vətən çağırır», «Anam mənim, dünyamənim», « Sevgi çələngi», « COVİD – 19», «Cəmiyyətdaxili stereotiplər» və «Uşaq aləmi» mövzularında şeirləri toplanmışdır. Mövzulardan göründüyü kimi kitabda olan şeirlər mövzu və məzmun rəngarəngliyi ilə zəngindir.


Xalq şairi Sabir Rüstəmxanlının 15 cildlik seçilmiş əsərlərinin IV cildinə 2010-2022-ci illər arasında yazılmış şeirləri, iki silsilə sevgi lirikası və poemaları daxil edilmişdir. “İlk sınaq”, “Mirzə Cəlil” və “Son nəğmə” poemaları ilk dəfə nəşr olunur.



Ramiz Rövşənin bu bircildliyi sözlərdən hörülmüş evə bənzəyir. Bir
damın altında beş otaq. Bir cildin altında beş kitab. Kitablar kitabı.
Əsərləri dünyanın bir çox ölkələrində çap edilmiş, ingilis, fransız,
alman, ispan, polyak, bolqar, rus, ukrayna və s. dillərə tərcümə olunmuş
şairin bu bircildliyi ana dilimizdə işıq üzü görən ən iri həcmli kitabıdır.
İnanırıq ki, çoxdan bəri intizarla gözlənilən bu kitab şairin köhnə
oxucularını sevindirməklə yanaşı, ona həm də yeni-yeni oxucular qa-
zandıracaq.

Kitaba ömrünün 60-cı ilində dünyadan köçmüş istedadlı söz adamı, şair, folklorşünas, ssenariçi və tərcüməçi, xalq yaddaşının bilicisi və qoruyucusu, təəssübkeş ziyalı Əhməd Oğuzun şeirləri, dostlarının onun haqqında xatirələri və adına yazılmış şeirlər toplanıb. İnanırııq ki, bu toplu oxucuların təsəvvüründə unudulmaz bir insanın tutumlu portretini yaratmağa yardım göstərəcək.
Bu şeirlər müəllifini Ukrayna xalqının milli simvoluna çevirib. Eyni zamanda, ona dünya ədəbiyyatında xüsusi yer qazandırıb. Güclü poetik istedadla qələmə alınan nümunələr zamanın ictimai-siyasi mənzərəsini real boyalarla əks etdirir. Onlar həm də siyasi lirikanın gözəl örnəyidir. Əsrlər boyu öz azadlığı və istiqlaliyyəti uğrunda mübarizə aparan Ukrayna xalqının ürək çırpıntılarından yoğurulub. Fikir və düşüncələr, arzu və istəklər, hiss və duyğular tərcümədən belə aşıb-daşır, oxucunun ruhuna işləyir.
Kitabda vətən, sevgi, tənhalıq və başqa mövzularda şeirlər toplanıb. Ənənəvi heca vəznində yazılan nümunələrdə müəllifin səmimiyyəti və sərbəstliyi diqqət çəkir.

Çağdaş Azərbaycan şeirinin tanınmış simalarından biri olan İlham Qəhrəmanın “Bir adamlıq şəhər” kitabına onun son illərdə qələmə aldığı şeirlər daxil edilmişdir. Kitab şairin poeziya sahəsində oxucularla doqquzuncu görüşüdür. Bundan əvvəl onun “Gülüm yarpıza döndü”, “Ağlama, qu quşu”, “Ey dil”, “Sevgi durna çırağıdır”, “Ağlama, qələm eşidir”, “Şairin vətəni sevgidir” (Bakı), “Əsir dağlar” (Tehran) və “Məni bizə gətir” (Təbriz) şeir kitabları işıq üzü görüb. Moskvada “Пути, которыми я шел” adlı şeirlər toplusu çapa hazırlanır. Özünəməxsus obrazlar, bədii tapıntılar, orijinal ifadə tərzi İlham Qəhrəmanın şeirlərini səciyyələndirən başlıca cəhətlərdir. Xalq şeiri ənənələrini müasir poeziyanın tələbləriylə uğurla əlaqələndirən müəllifin bundan başqa bir publisistik və dörd folklor kitabı çap edilib.
Kitab sözü duyan və dəyər verən bütün oxuculara ünvanlanmışdır.


Qəzet və jurnallarda, sosial mediada şeir çoxdur. Hamısını oxuyub başa çatdırmaq olmur. Üstəlik, kitab nəşri asandır deyə hər kəs yazdıqlarını, bədii sözə aidiyyatı oldu-olmadı nəşr etdirir və yayır. Buna görə də yaxşı ilə pisi ayırmaq getdikcə çətinləşir.
Gənc şair Elvin İntiqamoğlu şeirləri haqqında fikrimi öyrənmək istəyəndə növbəti bir qafiyəli söz yığını ilə qarşılaşacağımı düşünürdüm. Amma sonra Elvinin həm də Vətən müharibəsinin iştirakçısı, qazi olduğunu xatırlayanda onun yazılarına daha həssaslıqla yanaşmalı olduğumu hiss etdim. Şeirlərin altındakı qeydlərdən bəlli olur ki, onların demək olar ki, hamısı Azərbaycanda və Türkiyədə buraxılan poeziya toplularında, qəzet və dərgilərdə çap olunub. Bu, artıq öz-özlüyündə Elvinin ədəbiyyat aləmində yeni olmadığının, müəyyən bir yol keçdiyinin göstəricisidir.
Azərbaycanın Xalq şairi Sabir Rüstəmxanlının 15 cildlik seçilmiş əsərlərinə şeir və poemaları, publisist yazıları, pyes, roman, povest və hekayələri, eləcə də dünya ədəbiyyatından tərcümələri, çıxışları və yol qeydləri toplanmışdır. Seçilmiş əsərlərin nəşrinin yaxın üç ildə tamamlanması nəzərdə tutulur. Üçüncü cilddə müəllifin 1988-2009-cu illərdə yazdığı şeirləri toplanmışdır.
İsmayıl Arif 2002-ci il yanvar ayının 18-də Sumqayıt şəhərində dünyaya göz açmışdır. Orta təhsilini İ. Qayıbov adına 1 nömrəli tam orta məktəbdə başa vurduqdan sonra, yüksək nəticələrlə Xəzər Universitetinin Neft-Qaz Mühəndisliyi fakültəsinə daxil olmuşdur. Hal-hazırda 3-cü kurs tələbəsidir. Erkən yaşlarından ədəbiyyata, poeziyaya böyük marağı olan gənc şair, təravətli təzə-tər şeirlər müəllifidir. Həyata və ədəbiyyata eyni zamanda qədəm qoyan İsmayıl Arifin “Bəlkə də bu yol” adlı ilk kitabı dəyərli oxucularla duyğu dolu bir söhbətdir.
Bu şeirlər toplusu, müasir Azərbaycan poeziyasının özünəməxsus şairlərindən olan Xaqani Hassın dördüncü kitabıdır. Kitab iki hissədən ibarətdir. Birinci hissə - “Poetae Eruditi”, şairin daha öncə heç bir mətbuatda çap olunmamış, yeni şeirlərini ehtiva edir. Kitabın ikinci hissəsində isə, “Gül və Panoptikon” şeiri-poeması öz əksini tapmışdır. Hər kitabında dilin poetik imkanlarına yeni baxış bucağı müəyyən etməyə, habelə yeni bədii ifadə formaları tapmağa cəhd edən Xaqani Hassın bu şeirləri də yeni bədii-estetik çalarları özündə cəmləşdirməyi bacarmışdır.
Əziz oxucu!
Daha öncələr anonsunu verdiyimiz, Rafiq Tağının beşcildliyinin 5-ci cildi – «müsahibələri və haqqında yazılanlar» toplusu artıq qarşınızdadır. Siz bu yazılar vasitəsilə Rafiq Tağının yazıçı mətbəxi, onun daxili dünyası, ədəbiyyata, ictimai proseslərə baxışı ilə tanış olacaqsınız. Müsahibələri bir növ, onun həm esseçiliyinin davamı kimi oxunacaq, eyni zamanda esselərində çox vaxt qalmaqallı görünən məqamlara onun necə aydınlıq gətirməsilə tanış olacaqsınız. Rafiq Tağı yazar-esseçi olmaqla bərabər, eyni zamanda həkim, filosof, təbiətşünas idi. O, dərin erudisiya, sər­rast müşahidə qabiliyyətinə malik, mahiyyətə, mental qatlara vara bilən fikir adamı, mütəfəkkir idi. Onun müsahibələri də, esseləri kimi fəlsəfi fikirlərlə, düşündürücü kodlarla zəngindir, sıradan müsahibə deyil. Sanki Rafiq Tağı esselərində deyə bilmə­diklərini müsahibələrində demək istəyirdi. Sanki o tələ­sirdi, fikirlərini xalqa tam çatdıra bilməyəcəyinə görə narahat idi. Buna görə də həyatının son illərində ard-arda saysız-hesabsız müsahibələr verirdi. Bunu sanki qəzet-jurnallarda çalışanlar da duymuşdular... Kitabı oxuduqca bu söylənilənlərə əmin ola biləcəksiniz. Eyni zamanda, bu kitaba Rafiq Tağının müxtəlif məqalələri barədə yazıçı həmkarlarının tənqidi məqalələri də daxil edilmişdir. Burada obyektivlik naminə Rafiq Tağının fikirləri ətrafında fərqli polemik fikirlərlə tanış etmək, eyni zamanda oxucunu 1990-2011-ci illər dönəmində ədəbi cameədə baş verən ədəbi qalmaqallar barədə məlumatlandırmaq məramı güdülmüşdür. Əminliklə demək olar ki, Rafiq Tağının hekayələri və esseləri ilə bərabər ondan alınmış müsahibələr və haqqında yazılan fikirlər də onu bir mütəfəkkir kimi başqa rakurslardan tanıtmaqla yanaşı, onun fikir dünyasına təkrar baş vurmaqda sizə yardımçı olacaq, eləcə də sizi Rafiq Tağı kimi düşünməyə, xəyal dünyanızda hüdudları aşmağa sövq edəcəkdir. Beşcildlikdəki 3-cü cildə toplanmış hekayələri, 4-cü cild və bu, 5-ci cild Rafiq Tağının yaradıcılığının bir qismidir.
Ardı var, deyirik.
Xoş qiraətlər!
Əziz oxucu!
Esseləri oxumadan öncə bəzi xüsusları bilməli olduğunuzu düşünməkdəyik. Öncəliklə onu deyək ki, Rafiq Tağı Azərbaycan ictimaiyyətinə özünün məqalələri, publisistik yazıları və ya müasir dillə desək, esseləri ilə tanınıb. Bu yazılar onun ədəbiyyat çevrəsindən çıxaraq daha geniş oxucu kütləsinə təsir göstərməsinə səbəb olub. Demək olar ki, hər bir məqaləsi cəmiyyətdə böyük rezonansa səbəb olub. Hər bir yazısı geniş müzakirələrə səbəb olan ikinci belə bir yazarımız yoxdur. Xüsusən klassikləri sərf-nəzər edən yazıları ictimai fikirdə təbəddülatlar doğurur, müxtəlif səviyyələrdən olan qələm adamları ona cavab verməyi özünə borc bilirdi. Buna görə də oxumağa başladığınız bu kitablarda o yazının yazılma səbəbini, o günün şərtlərini və doğurduğu reaksiyaları nəzərə almağınız vacibdir. Məsələn, 2001-ci ildə yazılan və Səməd Vurğuna həsr olunan “Qafqazın qartalı Şaumyan belə” yazısından sonra Rafiq Tağı vurğunsevərlərin böyük təpkisiylə üzləşmişdi, çoxlu yazılar yazılır, zəng edib hədə-qorxu gələnlər, hətta ölümlə hədələyənlər olurdu. Bu hədə-qorxular qarşısında yazar bir müddət başqa ünvanlarda gecələməli olmuşdu. Rafiq, “həqiqəti söyləmək lazımdır, o, həyat üçün təhlükəli olsa belə” prinsipi ilə yazırdı və bu prinsipiallığı da onun həbsdə yatmasına, daha sonra isə faciəli şəkildə ölümünə səbəb oldu. Rafiq Tağı öz fədakarlığı ilə Azərbaycan ədəbiyyatı tarixində təkrarsız bir nümunə yaratdı, yazıçı sözünün necə yüksəklərdə dayandığını öz şəxsi nümu­nəsində sübuta yetirdi.

.


Kitabda 60-cı illər ədəbi nəslinə mənsub olan şair və publisist İsa İsmayılzadənin seçmə şeirləri toplanıb.
Şair İsa İsmayılzadə dünyaya hamı kimi gəlsə də, hamı kimi yaşamadı. Uzun ömür yaşamasa da, uzunömürlü əsərlər qoyub getdi. Şeirləri kimi Vətən üçün darıxan şair ömür adlı yolun yarısında çox sevdiyi, hüsnünə poetik libas biçdiyi doğma yurduna döndü... Dünyaya yenidən qayıtmaq üçün...

Kitabda 60-cı illər ədəbi nəslinə mənsub olan, bənzərsiz publisist, yazıçı, şair Tofiq Abdinin seçmə şeirləri toplanıb. Tofiq Abdin təkcə yaradıcılığı ilə yox, həm də bütün həyatı, xarakteri və yaşam tərzi ilə “redaktəyə yatmayan” insan idi. Hərəkətləri, dəsti-xətti ilə fərqlənməyə can atmırdı, sadəcə belə düşünürdü, dünyanı belə qavrayır, insanları belə qəbul eləyirdi. Onun özünəməxsus poetik səsi, iddiasız nəsri, canlı publisistikası, peşəkar tərcümələri vardı.

Abunə Ol