Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Roman

Kateqoriyalar

Cildi

Müəlliflər

Tərcüməçilər

Əsər İrandakı siyasi rejimlə mübarizə aparanların ağır taleyindən, ağuşuna düşdükləri işgəncə və ölümlərindən, onların işini davam etdirən övladlarının sarsıntılarından və sönməyən azadlıq arzularından bəhs edir. Müəllif müxtəlif dövrlərə aid kəskin süjetləri çarpazlaşdıraraq, fərqli nəsillərin vahid dramını yaradır.
Güclü insanların sevgisi də, nifrəti də güclü olur.

Soyuq fevral gecəsi onun bütün həyatını dəyişdi. Çiyinlərinə düşən yük yetkin insanın belə qaldıra bilməyəcəyi qədər ağır idi. Amma o dözdü, yaşadı, mübarizə apardı. İçindəki nifrət və kin onu cəhənnəmdən diri qayıtmağa, döyüşlərdən sağ çıxmağa və bütün varlığına sahib olmuş qisas hissinin ardınca qaçmağa vadar etdi.
Yaratmaqla məhv etmək arasında qalmaq, həyatla ölüm arasında qalmaq kimidir. Qaranlığın dərinliklərindən bir şimşək kimi çaxan kiçik işıq parıltısı. Parıltının nə qədər uzaqda olduğu bilinməsə də, o, sürətlə böyüyərək sənə tərəf gəlir. O parıltı, sanki nə isə böyük bir şeyin partlayışı. Amma bu partlayış hər şeyi yox etmək üçün deyil, yaratmaq, var etmək üçün gəlir. Bu güc yaradılışın gücüdür. Belə bir gücün nəyinsə məhvindən yarandığı aydındır. Bəlkə də, bir şeyləri yaratmazdan əvvəl, başqa bir şeyləri məhv etmək məcburiyyətindəsən. Axı gələcəyi qurmaq üçün keçmişi yıxmaq lazımdır. Bəlkə də, o işıq sənin üçün gəlir. Çünki sən də keçmişin bir parçasısan. Bu, qaranlıq tunelin sonunda görülən işıq kimidir. Özü ilə həyat gətirən işıq sənə ölüm gətirəcək. Ölümdən qorxursan? Səncə ölmək qorxuludur, yoxsa yaşamaq? Məncə, ölümdən qorxmamalısan. Sən onun gəldiyini heç hiss etməyəcəksən. Yaşamaq ölümdən daha qorxuludur. Kainata yaşamı bəxş edən həyatın mənbəyi, həyat ilə birlikdə ölümü də gətirəcək. Əzablı bir həyat yaşadığın üçün sən sonda ölümlə mükafatlandırılacaqsan. Ölümdən sonra nə olacağını bilmədiyin üçün ondan qorxursan. Amma nə səbəbə yaşadığını bilməsən belə, yenə də "Yaşamaq gözəldir" deyirsən. Sənin üçün nə fərqi var? Ölümdən sonra nə olacağını düşünməkdənsə, nə üçün yaşadığını düşün. Amma yaratmaq məhv etməkdən daha yaxşıdır, elə deyilmi? Hər yeni yaradılış özündən əvvəlkinin məhv olmağı deməkdir. Xaosdan yaranan nizam və nizamın sonunu gətirən xaos. Xaos olmasa, nizamın dəyəri bilinməz. Xaos olmasa, nizama da ehtiyac olmaz. Nizam yaratmaq üçün ilk növbədə xaos yaratmalısan. Xaosdan nizam yaradıb hər şeyi qaydasına salan, əlbəttə ki, yaxşı birisi olmalıdır.

Hər şey bir dönüş nöqtəsiylə başlayır...

Bəzən hər şeyin bitdiyini düşündüyün anda, ruhunun dərinliklərində gizlənmiş, bir qığılcıma həsrət qalmış çağırış özünü xatırladır. Sənin uzun müddət bu vəziyyətə düşməyinə səbəb olan sərhədlər aradan qalxır və sən asta, amma inamlı addımlarla daxilində dərinləşən gerçəkliyə doğru irəliləməyə başlayırsan.

Ərsəyə gətirdiyim bu kitab, əslində, tək bir insanın daxilində yaşadığı çətinlikləri deyil, iç dünyasında dolub-daşan suallara sükutun kölgəsində cavab axtaranların keçdikləri yoldur. Unutma ki, həyat hər kəsin qapısını müxtəlif zamanlarda və məkanlarda, amma eyni məqsədlə döyür: özünü yenidən xatırlayıb, içinə yuvarlandığın boşluqdan xilas ola biləsən deyə.

Oxuyarkən sənə tanış gələn səhnələrlə qarşılaşacaqsan. Sözlər, hadisələr, yaşananlar səni düşündürəcək, uzun müddət daxilində yatıb qalmış duyğulara xəfifcə toxunacaq.

İnsan bu həyatda öz mahiyyətini dərk etdikdə, axtardığı hər mənanın daxilində təcəssüm etdiyini gec də olsa anlayır.

İndi isə rahat bir nəfəs al və birlikdə iç dünyamıza doğru çıxacağımız bu səyahətdə, səni hansı duyğuların qarşılayacağını hiss edərək, öz həqiqətinə doğru inamla addımla.
Müsəlman azərbaycanlı Əli Xan Şirvanşir və xristian gürcü Nino Kipiani müxtəlif dinlərə, mədəniyyətlərə və dünyagörüşlərinə sahib gənclər olmalarına rəğmən bir-birini sevirlər. Onların sevgisi həm fərdi, həm də milli kimlik, Şərq və Qərb qarşıdurması fonunda inkişaf edir. Əsər yalnız romantik bir hekayə deyil. O, mədəniyyətlərarası dialoq, milliyyətçilik, azadlıq və varlıq mübarizəsi kimi dərin mövzuları da özündə birləşdirir.

Əsərdəki hadisələr XX əsrin əvvəllərində Rusiya imperiyasının süqutu, Birinci Dünya Müharibəsi və Azərbaycan Xalq Cümhuriyyətinin yaranması dövründə Bakıda baş verir.

"Əli və Nino" ən məşhur və beynəlxalq səviyyədə tanınan Azərbaycan romanıdır. Dünyanın 40-a yaxın dilinə tərcümə edilib, 70-ə yaxın ölkədə nəşr olunub. Əksər Avropa ölkələrində əsrin romanı kimi bestseller zirvəsinə yüksəlib.
Bastiani qalasında sıxıntılı günlər keçirən, əvvəlcə heç bir gün də qalmaq istəməyən gənc leytenant Covanni Droqo burada ancaq dörd ay qala biləcəyinə qərar verir. Amma yaşadığı o dörd ayın hadisələri, hərbçi qüruru və Tatar çölünün vəhşi cazibəsi ayları illərə çevirir.“...Qalanın qoruyucu məntəqələrindəki üzücü həyat, ölgün şimal çölünü nəzərdən keçirməsi, həyatda uğur qazana bilmədiyinə görə ümidsizliyə qapılması, uzun illər gözləməsi ona boş bir şey kimi gəldi...”Görkəmli İtaliya yazıçısı Dino Bussatinin ilk romanı olan “Tatar çölü” dünya ədəbiyyatının şedevrlərindən sayılır. Roman həyatın mənasına və insanın taleyə boyun əyməsinə tamam başqa yöndən nəzər salır.

Bizə nifrət etməyi öyrətdilər, amma bu nifrətin bir oyun olduğunu deməyi unutdular.
Marqaret Etvuda mükafat qazandıran bu əsər “Damazlıq qızın əhvalatları” romanının davamı, ikinci hissəsidir. Birinci romanda gizli qalan bütün sirlər, qaranlıq məqam-
lar bu romanda gün işığına çıxır. Üç qadının dilindən danışılan hekayələrdə Gilead rejimi, “Mayday” təşkilatı, xalaların, komandir Judun əsl kimliyi ətraflı təsvir olunur.
“Şahid ifadəsi sənədləri”ndə danışan qızlar kimlərdir? Gileadın içindəki rejimi çökdürməyə çalışan naməlum “qaynaq” kimdir? Lidiya xalanın məqsədi nədir? Gilead rejimi çökdürülə biləcəkmi? Roman boyu bütün bu suallara cavab tapa biləcəksiniz.
“Bəyaz Gecələr” Fyodor Dostoyevskinin 1848-ci ildə nəşr olunmuş qısa hekayəsidir. Sankt-Peterburqda baş verən bu hekayə, daxili narahatlıqları ilə mübarizə aparan bir
gəncin həyatını təsvir edir. Zərif və poetik üslubda yazılmış əsər, qarşılıqsız sevginin əzabını və insan ruhunun dərinliklərini araşdırır. Hekayənin hər iki qəhrəmanı əvvəlcə onları bir araya gətirən dərin bir tənhalıq hissindən əziyyət çəkir. Romantizm və realizmin vəhdətini əks etdirən bu əsər, oxucunun hiss və duyğularına incəliklə toxunur.
Şah əsərim saydığım bu romanı anama ithaf edirəm. Romandakı talelər yaşansa da, hadisələrin hamısı mənim başıma gəlməyib və bizim kənddə baş verməyib.
Amma avtobiografik məqamlar da çoxdur.
1942-ci il... Dəhşət və vəhşət dolu Auşvitz konsentrasiya düşərgəsi. Ora düşəndə cəmi 16 yaşı vardı. Gözəlliyi ona bəlamı gətirir, əzablarınımı artırır, yoxsa sağ
qalmasınamı səbəb olur? Yüksək rütbəli zabitlər onu digər qadınlardan ayrı tuturdular. Zavallı yeniyetmə qız tezliklə anladı ki, sağ qalmaq üçün insan nələrə qatlaşmalı olur.
Nəhayət, müharibə bitir. Əsirlər azadlığa qovuşurlar. Amma həyat və tale onu yenidən sınağa çəkir. Onu nasistlərlə yatdığına görə casusluqda ittiham edərək Vorkuta düşərgəsinə göndərirlər. Qəhrəmanımız yağışdan çıxıb yağmura düşür, sanki... Yenə də ölüm, terror, təcavüz dolu həyat, sanki filmin ikinci seriyası kimi davam edir.
Amma həyat sürprizlərlə doludur. Xeyirxah həkimlə rastlaşması onun həyatında yeni səhifə açır.
“Onun gözləri” romanında təqdim edilən əhvalat Əhməd şah Qacarı devirib Pəhləvi xanədanını qurmuş, eyni zamanda İranda sekulyar, milliyyətçi, militarist və
antikommunist bir rejim təsis etmiş Rza şah Pəhləvinin (1878–1941) dövründə baş verir. Romanda Pəhləvi hakimiyyəti ilə siyasi mübarizə aparan Makan adlı böyük rəssamdan bəhs edilir. O, rejim tərəfindən həbs edilərək, İranın ucqar bir bölgəsinə sürgün olunur və 3 ildən sonra sürgündə şübhəli şəkildə vəfat edir. Daha sonra onu
sevənlərdən bir nəfər ustad rəssam Makanın müəmmalı ölümünün sirrini açmağa çalışır. Onun təsəvvürünə görə, bu ölümün sirri rəssamın sürgündə olarkən təsvir etdiyi
və “Onun gözləri” adlandırdığı qadın portretində gizlənmişdir...
Siz bu romanda Kreml divarlarının arxasındakı sirli dünya ilə yaxından tanış olacaqsınız. Daha doğrusu, hakimiyyət oyunları və bu oyunları idarə edən bir insanla... Vladimir Putinin müəmmalı kölgəsi Baronovla... O həm sirli, həm də təhlükəli bir şəxsiyyətdir. Öz zəkası və strategiyası ilə hadisələrin axarını dəyişən sehrbazdır. Liderlərin
ən yaxın məsləhətçisi, hakimiyyət oyunlarının gizli ustasıdır. Roman yalnız siyasətin deyil, həm də insan ambisiyalarının, qorxuların və etik dəyərlərin mübarizəsini təsvir
edir. Həm bir şəxsin həyat tarixçəsinə, həm də onun şəxsində bütöv bir rejimin gerçəklərinə güzgü tutur. Əsər sizi həm valeh edəcək, həm də düşündürəcəkdir.
Qüstav Floberin “Madam Bovari” romanı dünya ədəbiyyatının ən mühüm əsərlərindən sayılır. Bu əsər XIX əsr Fransasında reallıqla xəyallar arasında sıxışıb qalan bir qadının həyatından bəhs edir. Baş qəhrəmanı Emma Bovari kənd həkimi Şarl Bovarinin həyat yoldaşıdır. O, darıxdırıcı evliliyindən, yeknəsəq kənd həyatından bezərək,
romanlarda oxuduğu ehtiraslı və həyəcanlı sevgi axtarışına çıxır. Lakin Emma xəyalları ilə reallıq arasındakı uçurumda yaşadığını görmür, bəlkə də görmək istəmir. “Madam Bovari” təkcə bir qadının deyil, öz istəklərinin burulğanında qalan hər bir insanın dramıdır. Bu klassik əsər insan psixologiyasının dərinliklərinə enmək istəyən hər
kəsdə unudulmaz izlər buraxacaq.
“Oxşar” Dostoyevskinin ilk dövr realist-fəlsəfi romanlarından biridir və 1846-cı ildə çap olunub. Əsər, kiçik bir dövlət qulluqçusu olan Yakov Petrovich Qolyadkinin psixoloji sarsıntısını və həyatına qəfil girən özünə bənzər “ikinci Qolyadkin”lə qarşılaşmasını təsvir edir.Romanın əsas ideyası şəxsiyyətin parçalanması, sosial basqılar, identiklik və psixoloji dərinliklərdir. Qolyadkinin “oxşarı” tədricən onun həyatını — işdə nüfuzunu, şəxsi münasibətlərini və sonda əqli sağlamlığını əlindən alır. Bu, sadəcə bir şəxsi faciə deyil, Dostoyevski bu əsərdə Rusiyanın bürokratik sistemini, fərdin izolyasiyasını və şəxsiyyətin psixoloji böhranını tənqid edir.

Hadisələr təyyarədə baş verir. Varlı sələmçi qadın ölür. İlk baxışdan heç nə bu ölüm faktında qəsdin, qətlin olduğunu göstərmir. Ancaq səriştəli detektiv Erkül Puaro çox
tezliklə anlayır ki, bu, bilərəkdən törədilən, ustalıqla düzülüb-qoşulan qətldir. O, araşdırmalara başlayır və sonda heç bir şübhə doğurmayan bir şəxsin bütün bunları plan-
laşdırdığını öyrənir. Qətlin motivi isə həmişəki kimi sadə və təbiidir: varlanmaq, sərvət əldə etmək ehtirası.
Hadisələr məşhur aktyor Çarlz Kartvraitin təşkil etdiyi nahar süfrəsi ilə başlayır. Qonaqlardan biri — doktor Varfolomey Streync içdiyi kokteyldən sonra qəfil və müəm-
malı şəkildə dünyasını dəyişir. Hadisə ilkin baxışda təsadüfi görünür, lakin Puaro bunun arxasında qəsd olduğunu hiss edərək işə qarışır. İkinci və üçüncü pərdə açıldıqca yeni qətllər və təzadlar ortaya çıxır. İstintaq dərinləşdikcə hər kəsin sirri açılır və nəticədə gözlənilməz qatil ifşa olunur.
Aqata Kristidən sirr, təhlükə və beynəlxalq intriqa dolu qeyri-adi casus romanı. Diplomat Stafford Nayda Londondan Frankfurta adi bir səfər gözlənilirdi. Lakin hava limanında rast gəldiyi sirli qadının xahişi ilə bir gecəlik kimliyini dəyişdiyi an, həyatının istiqaməti də dəyişdi. Bu qəribə tanışlıq Staffordu təkcə fərdi təhlükənin yox, bütün Avropanı təhdid edən gizli bir təşkilatın mərkəzinə aparır. Faşist ideologiyasının kölgəsindən çıxan, gənclərin beynini yuyan, xaosu silah kimi istifadə edən bu qüvvələrə qarşı mübarizə artıq təkcə fiziki deyil — bu, düşüncə və inam savaşıdır. “Frankfurt yolçusu” — Aqata Kristinin klassik detektiv üslubundan kənara çıxaraq yazdığı azsaylı casus romanlarından biridir. Qlobal siyasi gərginlik, manipulyasiya və kimliyini itirmək qorxusu fonunda yazılmış bu əsər, oxucunu sarsıdan və düşündürən bir hekayə təqdim edir.
Kasıb təbəqənin nümayəndəsi 21 yaşlı Martin İden fəhlə, matros olur. Bir gün Artur adlı yaşıdına sataşan avaralarla dalaşıb, onları yaxşıca əzişdirir. Burjua təbəqəyə mənsub Artur təşəkkür əlaməti olaraq Martini evlərinə nahara dəvət edir. Nahar zamanı Martin yüksək təbəqənin adamlarına, onların savadına heyran qalır. Üstəlik Arturun bacısı Rufu görür və ona aşıq olur. Ruf yarıtəhsilli Martinə ingilis dilində gözəl danışmağı öyrədir, onda ədəbiyyata maraq oyadır. Martin öyrənir ki, jurnallar yazıçılara onların əməyi müqabilində yaxşı qonorar verir. Qəti qərara gəlir ki, yazıçı olsun və sevgilisinin də mənsub olduğu yüksək təbəqənin adamları sırasına qatılsın.


 

Yuxusuzluqdan əziyyət çəkdiyi gözlərindən bilinən, amma bu haqda – ümumiyyətlə, çox şeylər barədə danışmağı xoşlamayan, pişikləri sevməyən, çox əziz bir insanın – nənəsinin ölümündən sonra özünə gələ bilməyən, valideynlərinə qarşı doğmalıq hiss etməyən bir qadının, bir yazıçının hekayəsini oxumağa hazırsınızmı?
Son vaxtlar daha da səssizliyə çəkilmiş, az qala, gözəgörünməz olmağı arzulayan Əsli çoxdan müraciət etdiyi beynəlxalq yazıçılar proqramına qəbul olunaraq Avstriyaya gedir. Burada gözlənilmədən qarşısına çıxan iki insan – bütün hesablamalarına görə yüz otuz yaşında, ölümsüz olduğunu deyən bir qadınla əlil arabasına məhkum kişi onun həyatını başqa istiqamətdə dəyişəcək. Başqa qəhrəman da var: Bu, Suzi adlı pişikdir. O da bu hekayəyə təsadüfən daxil olmayıb... Əsli Perkerin bu romanı “Mənə kömək et” həm də insanların daxili aləminə, bir-birindən fərqlənən talelərin coğrafi və siyasi reallıqlardan nə qədər təsirləndiyinə də toxunur...
Dünya casusluq ədəbiyyatının zirvəsində dayanan Con Le Karre bu romanında bizi Yaxın Şərq münaqişələrinin qaranlıq tərəflərinə aparır. “Balaca barabançı qız” siyasətin, şəxsi inancın və kimliyin iç-içə keçdiyi, gərginliklə dolu bir psixoloji dramdır. Baş qəhrəman – gənc ingilis aktrisası Çarli – heç gözləmədiyi bir anda İsrail kəşfiyyatının diqqət mərkəzinə düşür. İstedadı, inadı və azadlıq eşqi onu bir missiyanın mərkəzinə çevirir: yalanlarla dolu bir dünyada, özünü həm aktrisa, həm də casus rolunda tapır. Amma
bu dəfə səhnə realdır, tamaşa isə həyat və ölüm arasındadır. Roman yalnız casusluqla bağlı deyil – o, həm də insanın ideologiyalar qarşısında necə dəyişdiyini, öz kimliyini necə sorğuladığını təsvir edir. Le Karrenin ustalıqla qurduğu süjet oxucunu son səhifəyə qədər gərginlikdə saxlayır. “Balaca barabançı qız” – yalnız kəşfiyyat yox, həm də vicdanın səsidir.
Qadın müvəqqəti missiya ilə Fransaya gəlmiş xarici diplomata aşiq olur. Kişi isə evlidir. Bu iki faktdan başqa onun haqqında heç nə bilmirik. Lakin sevgi buna baxmır. Qadın yaşadığı ehtiraslı anlardan heç ayrılmaq istəmir. Onun üçün zaman öz əhəmiyyətini itirir. Yalnız anı yaşamaq istəyir və ehtirasın onu udmasına imkan verir. Ən maraqlısı, bütün yaşadıqlarını qələmə alır. Ağlını başından alan ən intim hissləri belə çəkinmədən oxucu ilə bölüşür.

İnsanları nə qədər çox tanıyıramsa, bir o qədər itlərə sevgim artır.
Adolf Hitler

Paulo Koelyonun “Zəvvarlıq” adlı avtobioqrafik romanı qədim müdrikliyi axtarmağa həsr olunub. Bu əsər müəllifin şəxsi təcrübəsinə əsaslanan mənəvi bir yolçuluğun
hekayəsidir. Əsərin qəhrəmanı İspaniyanın Santiyaqo de Kompostela şəhərinə aparan qədim ziyarət yoluna çıxaraq bu müdrikliyi tədricən qazanır. O, mistik “qılınc”ı əldə
etməlidir, amma bu qılınc konkret silah deyil, simvolik mənəvi gücün, irəliləyişin və daxili yetkinliyin təcəssümüdür. Ona görə də qəhrəmanın çıxdığı bu yol təkcə səfər
deyil, ruhun sınağı, inamın yenilənməsi və özünü tanıma prosesidir. Bu yol həm də insanın ən çətin şəraitdə sakitliyini qorumağa və mənəvi güc toplamağa kömək edən ezoterik məşqləri əhatə edir.Romanın qəhrəmanı sirli müəllimi Petrusun rəhbərliyi ilə bir çox mistik məşqlərdən və simvolik sınaqlardan keçir. O öz daxilinə enir – qorxuları, arzuları, keçmişi və gələcəyi ilə üzləşir. Koelyonun öz həyat təcrübəsinə əsaslanan bu roman həm də onun dünya görüşünün və yazı üslubunun formalaşmasında əsaslı rol oynamışdır. Daha sonra yazdığı “Kimyagər” kimi əsərlərin bünövrəsi məhz bu romanın fəlsəfəsi ilə atılmışdır.

Abunə Ol