Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Çiçəklənən Klassika

Kateqoriyalar

Cildi

Müəlliflər

Tərcüməçilər

Yetərincə maraqlı və son dərəcə həyati əsərdir. Ən başlıcası, müəllif bir çox qələm sahiblərindən fərqli olaraq oxucunun psixi-emosional dünyasına təcavüz etmir. Onun hiss və duyğuları ilə oynamır. Hadisələr romantik, sakit bir axarda cərəyan edir. Ağlı, qüruru, bitkin xarakteri ilə hamıda rəğbət oyadan baş qəhrəman isə gənc qızlara ən yaxşı nümunədir.

Ceyn Ostin hələ də haqlı olaraq ingilis ədəbiyyatının “Birinci xanımı” hesab edilir. Onun əsərləri Böyük Britaniyanın bütün kollec və universitetlərində məcburi oxunan ədəbiyyatlar siyahısındadır, kitabları şedevr kimi qəbul edilir, süjetin səmimiliyi və sadəliyi oxucunu cəlb edir. “Emma” haqlı olaraq Ceyn Ostinin ən yaxşı əsəri sayılır, onun yaradıcılığının zirvəsi hesab edilir. Romandakı hadisələr varlı mülkədar Vudhausun Emma adlı qızının ətrafında cərəyan edir. Bu hekayətin kifayət qədər tipik olmayan qəhrəmanı kasıb deyil, onun hər şeyi var – yaxşı evi, sevən atası, var-dövləti, – yalnız əri yoxdur. O, ümumiyyətlə, öz həyatından tam razıdır, buna görə də kiməsə vurulmaq, ərə getmək arzusu yoxdur. Əvəzində onu əhatə edən insanların romantik hekayətlərinə qarışmağı daha çox sevir. Amma bu dəfə onun planları alt-üst olmağa məhkumdur...


Avropa ədəbiyyatında və dünya kinosunda ən məşhur romantik əhvalatlardan biri.Kitab həqiqi hisslər və ideallara sədaqət, aldanmış ümidlər və nəciblik haqqında, dramatizmlə dolu təsirli bir əhvalatdan bəhs edir. Nə zamana, nə şəraitə, nə də taleyin zərbələrinə sığan sevgi haqqındadır. Həyat üzünə gülmürsə, dayanıb onu gözləməkmi lazımdır? Bu təsirli əhvalat xoşbəxt sonluqla bitəcəkmi? Nə baş versə də, sevgiyə və şəfqətə, insanlığa və ədalətə, insan ləyaqətinə və ruhun gücünə olan inamı əsərin qəhrəmanına bütün sınaqlardan alnıaçıq çıxmağa kömək edir.

ABŞ-dakı Vətəndaş müharibəsi zamanı baş verən çətinliklər, sevgi və dörd bacının sonsuz həyat hekayəsindən danışan
“Balaca qadınlar” romanı Març ailəsinin başına gələnlərdən bəhs edir. Yoxsulluq içində çapalayan Marqaret, Co, Bet və Emmi bacıları həyatın çətinliklərinə birlikdə sinə gərir, onlar bir-birinə, sevimli anaları Marmiyə möhkəm bağlıdırlar. Onlar yaşa dolduqca həyatın sınaqlarına dözür, yaxşı və pis günləri birgə yaşayır, həyatın çağırışları ilə hər biri öz yolunu tapır.
Çox səmimi bir dillə, riqqətlə yazılmış roman uşaqların da, böyüklərin də sevdiyi əsərlər seriyasındandır.

“Tufanlı yoxuşlar” dünya ədəbiyyatının ən məşhur sevgi romanlarından biridir. İllər keçdikcə bu məşhurluq nəinki azalır, əksinə, artır.

Roman əsasında onlarla film çəkilib. Əsərin süjeti bəstəkarları da cəlb edib, onun əsasında mahnı və balladalar bəstələnib, hətta Stefani Mayerin məşhur “Alatoranlıq” saqasında da “Tufanlı yoxuşlar”dan epizodlar var. Reytinq məlumatlarına görə, roman bütün dövrlərin ən romantik kitabıdır. Amma düşünməyin ki, bu, sadəcə, xoşbəxt sonluqla bitən gözəl sevgi hekayətidir. Bu, qeyri-adi kitabdır: süjetin ani şəkildə doğurduğu faciəvi nəticələri və gözlənilməz dönüşləri ilə... Təbiətin müəmmalı və anlaşılmaz təzahürləri ilə qəhrəmanların qəlbində elə ehtiraslar baş qaldırır ki, bu, ən hazırlıqlı oxucunu belə sarsıdır.

Abunə Ol