Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Unudulmuş kitablar

Kateqoriyalar

Cildi

Müəlliflər

Tərcüməçilər


“Odlu Diyar” romanı A.Zöhrabbəyovun natamam və yeganə əsəridir. Vaxtsız ölüm bu şübhəsiz istedadlı insanın yaradıcılığını, necə deyərlər, yarı yolda qoydu. XII əsr Bakısının olduqca maraqlı tarixi səhifələrindən birinin canlandırıldığı bu əsərdə son dərəcə bədii bir ahəngdarlıqla Azərbaycanla Gürcüstan arasındakı siyasi və mədəni müna­sibətlərdən, Şirvanşahlar sülaləsi nümayəndələrinin xa­rakterlərindən, o dövrün adət-ənənələrindən, bəsit bir təsadüf nəticəsində saray fitnə-fəsadının mərkəzinə düşmüş Səlim adlı gənc bir şairdən bəhs olunur.
«Köhnə Bakı» kitabı həyatın hər üzünü görmüş, min-min əzab-əziyyətə mərdliklə sinə gərmiş mübariz bir sənətkarın yanar qəlbinin əks-sədasıdır. H.Sarabskinin xa­tirələri Azərbaycan səhnəsinin tərəqqisi naminə əl-ələ verib çalışan, imkansızlıq ucbatından bir çox arzularına yetə bilməyən, ancaq özlərindən sonra heç vaxt sönməyən bir işıq qoyub getmiş neçə-neçə sənət fədaisi barədə qiymətli, nadir faktlarla zəngindir.
«Köhnə Bakı» adlı bu əsərdə keçmiş Bakının adət-ənənələri, məşğələ və  oyunları, «qəhrəmanları»,  Azərbaycan teatrının o dövrdəki vəziyyəti, ayrı-ayrı sənətkarlar haqqında qiymətli məlumatlar öz əksini tapmışdır.

Eramızdan əvvəl VI əsrdə yaşamış qədim Çin filosofu Lao Tszı nəsnələrin və onların təzahürləri haqqında müasir çinlilərin belə bugünkü gündə dəqiq anlamaqda çətinlik çəkdikləri “Dao de Dzin” traktatını paytaxt Cjouda yaşayan zaman yaradıb. Müəllif bu əsərində qəsdən çoxmənalı sözlərdən istifadə etmişdir. Bu, kriptoqrafiya xarakteri daşıyan əsərdir, yəni şifrəli şərti gizli yazıdır. Qədim Çin kanonunun linqvistik və mədəni özəlliklərini də nəzərə alsaq, müxtəlif şərhlərin meydana çıxması tamamilə təbiidir.
Kainatın inkişafı dəqiq şəkildə müəyyən edilməsi mümkün olmayan müəyyən nümunələr və prinsiplərə uyğun şəkildə baş verir və müəllif öz traktatında bu inkişafa özünəməxsus bir tərzdə yanaşır. Bu səbəbdən də, Lao Tszının fəlsəfəsi xüsusi dialektiylə seçilir.

“Gülüstani-İrəm” – Abbasqulu ağa Bakıxanovun Şirvan və Dağıstanda yaşayan tayfa və xalqların tarixinə həsr etdiyi əsərdir. “Gülüstani-İrəm”-ə qədər Azərbaycan tarixinə aid yazılmış ümumi bir tarix əsərinə təsadüf edil­mir. A.Bakıxanov bu sahədə birinci olaraq Azərbaycan tarixinə aid olan materialları toplamış, onları müəyyən bir sistemə salmış və təsviri yolla “Gülüstani-İrəm” əsərini yazmışdır.
“Gülüstani-İrəm” əsərində A.Bakıxanov Azərbaycan xal­qının, xüsusilə Şirvan və Dağıstanda yaşayan tayfa və xalqların tarixini qədim dövrlərdən başlayaraq, 1813-cü il “Gülüstan müqaviləsi”nə qədər təsvir edir. Bu əsər, əsas etibarilə, müqəddimə, beş fəsil və nəticə­dən ibarətdir.
Abbasqulu ağa Bakıxanov 1841-ci ildə farsca yazdığı bu əsəri ilə Azərbaycan tarixşünaslığının əsasını qoymuşdur.

Qədim zamanlarda Şərq dünyasının mədəni və ictimai həyatına böyük təsir göstərmiş cərəyanlardan biri Spitman Zərdüştün yeni dini – məzdyəsna dini olmuşdur. Azərbaycan, İran, Orta Asiya və Əfqanıstanda yazılmış bu dinin müqəddəs kitablar külliyyatı – Avesta ilk dəfədir ki, Azərbaycan dilinə tərcümə edilmişdir. Müəllifi peyğəmbər Zərdüşt hesab edilən Avestanın əks etdirdiyi əxlaqi, mənəvi normalar və prinsiplər hazırda belə qüvvədədir, yenidir və bugünkü cəmiyyətimizin bunları bilməyə ehtiyacı var.


.

Abunə Ol