Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Biznes və Marketinq

Kateqoriyalar

Cildi

Müəlliflər

Tərcüməçilər

Google-un iki yüksək vəzifəli meneceri – Baş İcraçı direktoru Erik Şmidt və İstehsalın Baş vitse-prezidenti Conatan Rozenberq tərəfindən yazılmış bu kitab, dünyanın hər yerində ən çox satılan kitabları geridə qoydu. Google-ın dəyərləri və korporativ mədəniyyəti ilə dünyada lider bir təşkilata çevrilməsinin hekayəsidir.
“Əclaflıq etmə” kitabı iş yerlərində rast gəlinən psixoloji və fiziki şiddət, təqib, kobudluq kimi arzuolunmaz davranışlardan bəhs edir. Müəllif iş yoldaşlarına qarşı kobudluq nümayiş etdirən bu insanları “əclaf” adlandırmaqla kifayətlənmir, hətta onları “müvəqqəti” və “sertifikatlı” “əclaf”lara ayırır.
Robert Satton “əclaf”ları tanımağın yollarını oxucularla bölüşməyi də unutmur. Lakin ətrafımızdakı “əclaf”ları tanıyıb, onlarla dil tapmaqla iş bitmir. “Daxilimizdəki yaramaz”ın öhdəsindən vaxtında gələ bilməsək, özümüz də “potensial əclaf”a çevrilə bilərik.
Müxtəlif sahələrdə çalışan insanlar arasında aparılmış sorğunun nəticəsinə görə, hansı sahədə işləməyimizin, kişi və ya qadın, müdir və ya işçi olmağımızın fərqi yoxdur, onsuz da hamımız işlədiyimiz müddət ərzində heç olmasa bir dəfə “əclaf”la rastlaşırıq.


Mani – bu, on iki yaşlı qıza pul ilə davranmağı öyrədən itin adıdır. Və Kira, nəinki, özü pulla düzgün rəftar etməyi öyrənir, həm də valideynlərinə maliyyə çətinliyindən yaxa qurtarmaqda kömək edir.


Bu kitab xoşbəxtlik və zənginlik arzusunda olan və bunu necə əldə etməyin yollarını öyrənmək istəyənlər üçün yazılmışdır. Bu yolların çətin, lakin şərəfli olduğunu qeyd edən müəllif həmin arzulara çatmağın 7 strategiyasını göstərmişdir. Bu strategiyalar biri digərini tamamlamaqla anlaşılan ardıcıllıqla verilmişdir. Kitab geniş oxucu dairəsi üçün nəzərdə tutulmuşdur.

Məşhur sahibkar və müəllif Riçard Kox biznes dünyasının gedişatını 80/20 prinsipi ilə dəyişdirdi. “80/20 yolunu yaşamaq” bestsellerində o, az işləmək və az nigaran olmaqla şəxsi həyatımızın necə dəyişdirilməsinin mümkün olduğunu açıqlayır.

Kox tanınmış 80/20 prinsipini götürür və bu günün dağınıq və stresli dünyasında həqiqətən əhəmiyyət kəsb edən az sayda iş və metodların necə böyük uğurlar və xoşbəxtliklərə apardığını açıqlayır. “80/20 yolunu yaşamaq” bizə “daha az daha çox deməkdir”in, sadəcə, bir deyim deyil, amma hədəflərinizə çatmaq və ən uğurlu həyatınızı yaşamaq üçün əmin bir metod olduğunu ortaya qoyur.


Sual-cavab formasında tərtib edilmiş bu kitab strateji marketinq sahəsində dünyanın ən məş­hur ek­spert­lərindən biri, müasir marketoloqların yol­gös­tərəni hesab edilən Filip Kotlerin bilik və çoxillik təc­rü­bəsinin məhsulu sayıla bilər. Siz bu kitabı oxumaqla marketinq üzrə mütəxəssislərə uğur qazanmaq üçün hansı vər­dişlərin vacib olduğunu, şirkətdə marketinqin effektivliyinin necə qiymətləndirilməsini, tənəz­zül zamanı hansı marketinq strategiyalarının daha məqsədəuyğun olduğunu, qloballaşma və yeni texnologiyalar ilə əlaqədar hal-hazırda marketinqin rolunun necə də­yişdiyini, marketinq şöbələrinin gələcəkdə necə olacağını öyrənəcəksiniz.

Kitab şirkət rəhbərləri, marketinq menecerləri, prak­­tik marketoloqlar, brend menecerlər, ali ixtisas mək­təblərinin müəllim və tələbələrinə ünvanlanıb.

“Reklamın atası” hesab olunan Deviq Oqilvi 37 yaşında öz reklam agentliyinin əsasını qoymuşdur. Sonralar bu agentlik indi “Ogilvy & Mather” kimi tanınan beynəlxalq reklam şirkətinə çevrilmişdir.
Reklama reklam agentliyinin gözü ilə baxan bu kitab Oqilvinin təcrübəsinə əsaslanan konseptlər, taktikalar və texnologiyalardan, həmçinin insanların hansı reklamlara nə cür reaksiya verdiyi barədə araşdırmalardan bəhs edir. Reklamçısınızsa, Oqilvinin bu ilk əsəri təcrübənizə təcrübə qatacaq, yox əgər reklamı yalnız media vasitələrindən izləyənlərdənsinizsə, kitab sizi reklamın iç dünyasına aparacaq və onun necə hazırlandığını göstərəcək. “Reklamçının etirafları” reklam sahəsində işləyənlər, işləmək istəyənlər, reklamla maraqlananlar üçün elmi-praktiki vəsaitdir. Biznesin hər hansı bir sahəsində uğur qazanmaq istəyən kəs bu kitabı öz “mütləq oxunmalı kitablar” siyahısına salmalıdır.
Bu hekayədə təsvir edilən dörd xəyali surət: Ko­şarca və Koklarca adlı siçanlar, Mırın və Kırın adlı kiçik insanlar bizlərin, yəni şüurlu insanların sadə və mürəkkəb tərəflərini özlərində əks etdirirlər. Burada insanların yaşayış tərzi, irqi, dini, milli mənsubiyyəti, cinsi və digər özəllikləri nəzərə alınmamışdır.
Biz insanlar bəzən dəyişikliyin, yeniliyin qoxusunu tez hiss edən, onun fərqinə varan kiçik siçan Koklarca kimi, bəzən isə tez qərar verib cəld hərəkət edən Koşarca kimi davranırıq. Bəzən də başına xo­şagəlməz şeylərin gələcəyindən qorxaraq heç bir yeniliyi, dəyişikliyi qəbul etməyən və hadisələrə mü­hafizəkarcasına yanaşıb inkişafa qarşı çıxan Mırın kimi oluruq. Bəzən isə bunun tamamilə əksinə, yəni dəyişikliyin və inkişafın daha yaxşı nəticələr verə­cə­yini əvvəlcədən görüb, dayanmadan çalışan Kırın kimi davranırıq.
Hansı tərəfimizi, hansı xarakterimizi istifadə et­mə­yimizdən asılı olmayaraq heç vaxt dəyişməyən ortaq bir nöqtəmiz var. Hər birimiz yaşadığımız bu çətin həyatın qaranlıq, mürəkkəb labirintlərində öz yolumuzu tapmaq, gündən-günə dəyişən, inkişaf edən dünyada xoşbəxt və müvəffəq olmaq istəyirik.


Bu kitabda müəllif uğurlu biznesin analitik xəritəsini qarşıya qoyur, xüsusilə satış sferasında zəruri olan, sağlam düşüncələrə əsaslanan psixoloji yanaşmaları əsas götürür. Siz bu kitabı bir dəfə oxuduqdan sonra burada nümunə olaraq verilmiş dərslərə dönə-dönə müraciət edəcəksiniz. Siz bunu ya müntəzəm, ya da yeri gəldikcə edə bilərsiniz. Bu, biznesi, o cümlədən həyatı öyrənməyin ən yaxşı üsuludur. Geniş oxucu kütləsi üçün nəzərdə tutulmuşdur.

Kitab biznes sahibləri, biznes rəhbərləri, menecerlər, idarəçiliklə maraqlanan hər kəs üçün nəzərdə tutulmuşdur.

Dünya şöhrətli Amerika yazıçısı və filosofu Anthony Robbinsin təqdim olunmuş bu kitabı, çox güman ki, sizdə dərin maraq oyadacaq, yaşam fəlsəfəsinə dair sizə geniş məlumat verəcək. Uşaqlıq çağlarını uğursuz, kasıb ailədə yaşamış, heç bir ali təhsili olmayan, yalnız həyati müşahidələrinə arxalanıb daxili gücünə üz tutaraq şöhrət qazanmış bir adamın həyat hekayələrini maraqla qarşılayacaqsınız. Kitabda yaşamağa belə ümidini itirmiş insanlara ruhdan düşmədən öz daxilində uyuyan nəhəng gücü oyatmağın, yaşamaq üçün pul, biznesdə isə uğur qazanmağın yolu göstərilir, beləcə gələcəyə inam gücləndirilir. Müəllifin tövsiyələri nəticəsində həyatın çətinliklərinə davam gətirməyən, yaşamağa ümidini itirmiş adamlar həyatlarını yenidən qurmağı bacarmış, yaşadıqları cəmiyyətin layiqli vətəndaşına çevrilmişlər. İnanırıq ki, Robbinsin təklif etdiyi metodlar heç vaxt köhnəlməyəcək, çıxılmaz vəziyyətlə üzləşmiş insanların yaşamağa olan inamın gücləndirilməsi yolunda əvəzsiz məsləhət xarakteri kimi yadda qalacaq.

Dünya şöhrətli sosioloq-alim Entoni Giddensin təbirincə desək, “qloballaşma dünya ölkələri aralarındakı qarşılıqlı asılılığın artması ilə şərtlənir”. Tarixdə qloballaşma prosesi ilə bağlı çoxlu təcrübənin olduğu bəllidir: Makedoniyalı İsgəndərin və sonrakı fatehlərin ölkələri bir imperiyada birləşdirmək istəyi, Avropalıların çoxsaylı ölkələri müstəmləkəyə çevirmək cəhdləri, habelə, xristianlıq və islamın dünyanı bir inanc ətrafında birləşdirməklə bağlı çalışmaları və nəhayət, marksistlərin kosmopolitləşdirmə ideyaları… Yaxud, böyük coğrafi kəşflər dövründə ölkələrin coğrafiyasının genişlənməsi, elmi-texniki tərəqqinin yayılması da qloballaşma meylli proseslər sırasındadır.
Bu baxımdan, qloballaşmanın fiziki gücə, imperialist və ideoloji maraqlara əsaslanan cəhətləri ilə yanaşı dünyanın rifah və dincliyini təmin edəcək təbii proses kimi davam etməsi də zəruri bir hadisədir. Məhz Entoni Giddens bu zərurəti hiss edən ilk alimlərdən biri olmaqla ötən yüzilliyin 80-ci illərindən başlayaraq bu istiqamətdə araşdırmalar aparmış və çoxsaylı məqalələrində, kitablarında bu problemlə bağlı təhlillər vermiş, müəyyən nəticələrə gəlmişdir.
Dünyada “sözü keçən”, fikirlərinə güvənilən böyük alimlərdən biri – Entoni Giddensin təqdim olunan bu kitabının oxucular üçün maraqlı olacağına inanırıq.
Onilliklər boyu, “Bir dəqiqəlik menecer” milyonlarla adama professional və şəxsi həyatında uğur qazanmağa kömək edib. Onun istinad etdiyi prinsiplər dəyişməsə də kitabın ilk nəşrindən bəri keçən dövrdə dünyamız əsaslı surətdə dəyişmişdir. Texnologiyanın eksponensial şəkildə dəyişməsi, bazarların qlobal tarazlaşması, ani rabitə əlaqəsi imkanları və maddi ehtiyatlar, maliyyə, işçi qüvvəsi də daxil olmaqla, az məsrəflə çox iş görmək üçün korporativ iş faktorlarına göstərilən təzyiqlər yaşadığımız və işlədiyimiz dünyanı inqilabiləşdirib.
Bu dəfə Ken Blanşar və Spenser Conson kitabın güclü, vacib dərslərini yeni nəsilə təqdim etmək üçün “Bir dəqiqəlik menecer”i  yenidən işləyiblər. Onlar yığcam, asan oxunan hekayət əsasında başqalarını idarə etməyin üç praktik sirrini oxuculara öyrədir və bu metodların niyə belə yaxşı işlədiyini izah edirlər.
Bu gün də gənc oğlanın effektiv menecer axtarışı haqqında bu klassik pritça otuz il əvvəl olduğu qədər aktual və faydalıdır.


Ənənəvi marketinq daha işləmir… Keçmişdə mükəmməl işləyən “reklam – distribüterlərə paylama – satış – reklam…” qapalı dövrəsi artıq işə yaramır. Nə etməli? Reklam eləməyi dayandır, innovasiya tətbiq etməyə başla. Sənin etməli ol­du­ğun – öz brendini qeyri-adi məhsula və ya xidmətə çe­virməkdir.  Marketinq qurusu və bestsellerlər müəllifi Set Qodinin təqdim etdiyi bu kitab çox sadə bir mesaj verir. Qeyri-adi ol. “Bənövşəyi İnək” iddia edir ki, əmtəələrin və reklamın bugünkü hiper-qarmaqarışıqlığı şəraitində vəziyyətdən qurtulmağın yeganə yolu yeni bir şey, innovasiya, unikallıq və müstəsnalıqdır, – bənövşəyi inək kimi bir fenomen.

Set Qodinin bu çağırışı biznes yazıçıları, marketinq mü­­­­təxəssisləri, reklamçılar, sahibkarlar, istehsal mene­cerləri – bir sözlə, dünyaya deməyə sözü olan hər kəs üçün heç vaxt bu qədər yerində və uyğun olmayıb. Set Qodin innovasiya vasitəsilə brendinizin “xariqüladələşməsi” üçün praktiki ipucu verir və bunu tamamilə konkret, real və məşhur şirkətlərin misallarında göstərir.


Dünya səviyyəli iş adamı, “Virgin” Şirkətlər Qrupunun təsisçisi Riçard Bransonun qələmə aldığı “Dayanma, başla” kitabını avtobioqrafiya da adlandırmaq olar. Yaxın çevrəsində “doktor Bəli” kimi tanınan Branson bu kitabda keçdiyi həyat yoluna nəzər salır, qazandığı uğurların sirlərini ən xırda detallarına qədər oxucu ilə bölüşür. İlk biznesindən gələcək ideyalarına qədər bütün mərhələləri təfsilatı ilə oxucuya çatdıran müəllif özünü iş dünyasında görən, hədəfləri olan insanlar üçün bələdçilik etməyə, yol göstərməyə çalışır. Həyata, biznesə, iş dünayasına baxışlarını ayrı-ayrı fəsillərdə, müxtəlif başlıqlar altında sadə, anlaşıqlı və ən əsası səmimi dillə ifadə edən iş adamı oxucunu öz daxili aləmi, ruh halı ilə də tanış edir, ailə, dostluq, yaxşılıq kimi anlayışların həyatında oynadığı rola toxunur. Nəşrin ana ideyası, müəllifin əsas fikri insanları hədəf­­lərinə doğru cəsarətləndirmək, onları ətalətdən xilas etməkdir. Kitabın “Dayanma, başla” adlandırılması da təsadüfi deyil. Müəllif öz həyatından nümunələr gətirərək hansı risklərə imza atdığını, bunun üçün nələri qurban verdiyini dilə gətirir, insanları “Sadəcə başla” deyərək, cəsarətli olmağa səsləyir. Siz də bu kitabı oxumaqla əsl iş adamına xas keyfiyyət­lərlə tanış olacaq, həyatınızda, məşğul olduğunuz sahədə faydalı ola biləcək məlumatlar əldə edəcəksiniz.

Dünya iqtisadiyyat ətrafında fırlanır. Bəs elədirsə, niyə əksər kitab-lar onu bu qədər darıxdırıcı təqdim edir? Oxuyanda adamın yuxusugəlir. Beləliklə, cəmiyyətin bu vacib sahəsinin öyrənilməsi çətinləşir.Halbuki əksinə olmalıdır. Siz bu kitab sayəsində iqtisadiyyatı çox maraqlı bir sahə kimi öyrənirsiniz. Darıxdırıcı açıqlamalar aradan qalxır,real fayda verən praktiki dərslər təklif olunur. Cəmiyyətin asanlaşdırılmasından tutmuş marjinal faydalılığa qədər başqa heç yerdə tapabilməyəcəyiniz yüzlərlə fakt və bilgilər... İnhisarçılıq, oyun nəzəriyyəsi, inflyasiya, qiymət tavanları... Bankçılığın mənşəyi, maliyyənin əsaslarına yiyələnmək və pulun vacib olma səbəbləri... Bütün bunlar haqqında ən dolğun bilgilər əlinizin altındadır.
Müəllif böyük sərvət sahibidir. Qabaqcıl biznes modelləri ilə beynəlxalq miqyasda tanınan bir simvoldur. Onun unikal fəlsəfəsi var.
Başqaları təmtəraqlı həyatı seçərkən, o, həmişə təkrarsız yaşamağa can atıb. Fərqli konsepsiyası sayəsində geniş imkanları olmayan sahələrdə uğur qazana bilir. Müəllifin möhtəşəm səyahəti bu gün də müzakirə mövzusudur. O bu dəfə öz hekayəsini anladır. Həyatının ilk 43 ilində üzləşdiyi çətinlikləri bütün təfərrüatı ilə bölüşür. Bu, inadla inandığı şeyi yaratmağa çalışan bir insanın valehedici hekayəsidir. Kitab cazibədar bir tonda və cəlbedici bir üslubda yazılıb. Oxucuları cəsarət və özünəinamla bağlı uğurlu səyahətə aparır.
Kitabda biznesin yeni növündən – şəbəkə marketinqindən danışılır. Şəbəkə marketinqi insanın öz maliyyə imkanlarını nəzarətə alması deməkdir. Biz bununla gələcək taleyimizi müəyyən edirik. İnsanın öz şəxsi biznesinə sahib olmasının üstünlükləri nədir? Sualın ən real cavabı oxucusuna təqdim olunub. Artıq siz təkcə əlinizdəki işi deyil, özünüzü də dəyişməyə nail olacaqsınız. Üstəlik dəyişikliyin nə qədər vacib olduğunu anlayacaqsınız. Kitabın bəlli bir oxucu çevrəsi yoxdur, çünki o, hamı üçündür.
Bu kitabın məqsədi sizə, istədiyiniz qədər pul qazanmaq üçün maneələri aradan qaldırmağı öyrətməkdir. Bütün uğurlu satıcılar satış etməyi yaxşı bacarırlar. Məhsulu təqdim etməyin, müştərinin ehtiyaclarını öyrənməyin, inam qazanmağın, etirazlarla işləməyin və satışa nail olmağın bir neçə yolunu bilirlər. Müştərinin nə üçün tərəddüd etdiyini və pul ödəyib məhsul almağı nə üçün yubatdığını və bunların öhdəsindən gəlmək üçün təklifi başqa cür etməyin qaydasını bilirlər.
Bu gün satış işində narahat olmağınızın yeganə səbəbi bu sənətə hələ tam yiyələnməməyinizdir. Zamanın sınağından keçmiş bu üsullara yiyələndikdən sonra onları daim tətbiq edə bilərsiniz. Bundan sonra qısa bir zamanda siz uğurlu satıcıların sırasına qatılacaqsınız və sahənizin ən gəlirli insanlarından olacaqsınız.
Varlanmanın əsas sirrini tək-tək fərdlər bilir. Hətta kifayət qədər qazancı olanlar belə bu sirri qismən bilirlər. Əslində, onlar bu sirri hiss edirlər. Pul qazanmaq, bu prosesin mahiyyətini duymaq və başqalarına öyrətmək fərqli şeylərdir. Bu kitab nəyə qadir olduğunu anlamaq – həyatının işini tapmaq və bu işdə ən yaxşılardan olmaq üçün sizə kömək edir. Özünüinkişafın təlimçilərindən olan müəllif İshak Pintoseviç təcrübələrini, biznesini və şəxsiyyətini inkişaf etdirən şəxslərin təcrübələrini sizinlə bölüşür.
“Varlan! 4 əsas və başlıca sirr” kitabı sizə varlanmanın və qələbə bacarıqlarına yiyələnmənin psixoloji əsaslarını öyrədəcək. Siz öz fəaliyyətinizi yönləndirə biləcəksiniz. İlk nəticələri kitabı oxuduğunuz zaman hiss edəcəksiniz. Siz müəllifin illərlə topladığı ən gözəl nəticələri öyrənəcəksiniz.
Bu kitabda danışıqların aparılması üzrə dünyanın aparıcı ekspertlərindən biri olan Gavin Kennedy iddia edir ki, danışıqlarda hər şeyi razılaşdırmaq olar. Əgər siz şəraitin əksini sübut etdiyi hallar istisna olmaqla bu iddianı qəbul etmiş olsanız, gözləmədiyiniz yerlərdə də bağladığınız sövdələrə özünüz heyran qalacaqsınız. Siz hər şeyin danışıqlarla həll edilə bilməyəcəyini düşünəndə, özünüzü, şirkətinizi və sizə mal satanları, yaxşı sövdə bağlamaq imkanından sadəcə olaraq məhrum edirsiniz. Danışıqlar sadəcə olaraq biznes əməliyyatının elə strukturlaşdırılmasıdır ki, ona daxil olan hər kəs maksimum xeyir götürsün. Öz saatını gözləyən daha yaxşı təklif həmişə var. Gülməli lətifələr və faydalı ipucları ilə təchiz edilmiş bu kitab sizi danışıq aparmaq qabiliyyətiniz haqqında bir daha düşünməyə sövq edir və daha yaxşı sövdələr bağlamağınıza kömək edir. Bu kitab biznesinizə aid məsələlərin uğuruna və çiçəklənməsinə yol açan kitabdır.
Dəb necə meydana gəlir? Cinayətkarlığın səviyyəsinin artması və enməsi nə üçün baş verir? Necə olur ki, naməlum müəlliflərin kitabları bestsellerlərə çevrilir? Yeniyetmələr arasında siqaret çəkmə həvəsi nə cür yayılır? Kütlə fenomeninin və bir çox digər kütləvi təzahürlərin hansı şəkildə peyda olmasını anlamaqdan ötrü bunlara epidemiya kimi baxmaq lazımdır. İdeyalar, mallar, informasiya və davranış tipləri eynilə viruslartək yayılır. Lazımi məkanda edilmiş kiçicik cəhd qlobal tendensiya ərsəyə gətirmək üçün yetərli olur. Müəllif iki əsas suala cavab verməyə can atır: nəyə görə bir ideya, davranış tipi və ya məhsullar epidemiya yaradır, digərləri isə yox və biz öz istəyimizlə xeyirli epidemiyaları necə yaradıb, bunları idarə edə bilərik?
Kitab geniş oxucu kütləsi üçün nəzərdə tutulub.

Aparıcı futuristlər və biznesmenlər qeyd edirlər ki, insanlıq Qızıl Eraya qədəm qoyur. Qərbin demokratiya, insan azadlığı və sərbəst biznes idealları bütün dünyanı bürüyür və istəyi olan hər kəs üçün inkişaf və azadlıq gətirir. Güman ki, sizin uğur qazanmaq, azad olmaq, xoşbəxtlik və maliyyə azadlığına nail olmağınız üçün bundan yaxşı fürsət olmamışdır.
Bu kitab, həyatınızı necə yaxşılaşdırmaq, məqsəd­lərinizə nail olmaq və uğur üçün tam potensialınızdan istifa­də etməyi sizə göstərəcək. Kimliyinizdən və hansı vəziyyətdə olmağınızdan asılı olmayaraq, daxilinizdə indiyə kimi əldə etdiyinizdən daha çox uğur əldə etmək bacarığınız vardır. Əvvəlki nailiyyətlərinizi üstələmək potensialınız vardır. İndiyə kimi təsəvvür etdiyinizdən, daha yaxşı ola və daha çox nailiyyət əldə edə bilərsiniz. Lazım olan yeganə şey bunu necə edəcəyinizi öyrənmək və öyrəndiyinizi praktikada tətbiq etməkdir.
Bu kitab müasir həyatda böyüyən nəslə, həm varlı, həm də kasıb uşaqlara yüksək rifah içində yaşamağın yollarını, varlanmağın sirlərini öyrədir.
Kitabdan çıxan nəticə budur ki, valideynlər öv­ladlarının elmə yiyələnmələrini qiymətləndirir, onların müstəqil hə­yatda ilk maliyyə uğurlarını alqışlayırlar. Onların bu istək­lərinin həyata keçməsi naminə fəal mübarizə aparmalarını arzulayırlar.



Abunə Ol