Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Qarabağ

Kateqoriyalar

Cildi

Müəlliflər

Tərcüməçilər





Tanınmış yazıçı Etibar Muradxanlının sənədlər və faktlara əsaslanan, əsgər və zabitlərimizin vətənpərvərlik və qəhrəmanlığını inandırıcı, təsirli döyüş səhnələri vasitəsilə əks etdirən “İlin beşinci fəsli” romanı Şuşanın və işğal olunmuş digər ərazilərimizin düşməndən azad edilməsinə həsr olunub. Birinci Qarabağ müharibəsindən bəhs edən “Siz mühasirədəsiniz, leytenant” və “Tələbə taqımından“ sonra bu, müəllifin müharibə mövzusunda üçüncü, İkinci Qarabağ müharibəsi haqqında ədəbiyyatımızda ilk romandır.

Yaradanın izni ilə «Dəmir Yumruğ»un yer-göy
silkələyən qüdrəti, Haqqa aparan yola inamlı adamların
mənəviyyata söykənən ədalətli zəfəri, bu zəfərin hamısı
olan, şəhadətləri ilə tarixə qılınc haqqı deyə iz buraxan
Şəhidlərin bizə ömürlük atılmayacaq, satılmayacaq
əmanətləridir bu Vətən!

Torpağa qarışan qana Vətən deyib ucaldıq,
Endirilən bayraqları bir-bir dalğalandırdıq.

İkinci Qarabağ müharibəsi iştirakçısı olan, öndə
addımlayıb şəhadətə ucalan Şəhid Harun Alqayevin
həyatı, ailə və yaxınlarının, müəllim və məktəb heyətinin,
yaxın dost və yoldaşlarının xatirələr toplusundan ibarət bu
kitab geniş oxucu kütləsi üçün nəzərdə tutulmuşdur.



Melodramatik süjeti olan romanın 1-ci kitabında erməni işğalçılarının Dağlıq Qarabağda etnik təmizləmə apardıqdan sonra xarici güclərin köməyi ilə Düzən Qarabağa hücumundan, aborigen əhalinin
min illərlə yaşadığı yurdlarından qovulmasından, ata yurduna toy mərasiminə gəlmiş gənc jurnalist Aysunun girov götürülməsindən, onun düşdüyü ağır durumdan, hay-erməni vəhşiliyindən danışılır.
2-ci kitabda hadisələr Qarabağın güneyindən mərkəzinə – Şuşa və Xankəndi şəhərlərinə keçir, girov Aysu Şuşaya gətirilir. Qarabağın bu baş şəhərinin işğaldan sonrakı durumu, Şuşa həbsxanasında saxlanan azərbaycanlı əsir və girovların cəhənnəm əzabı yaşamaları haqqında danışılır. Sonrakı fəsillərdə Ali Baş Komandan Heydər Əliyevin qurduğu yeni ordunun hücuma keçməsindən, Füzuli və Cəbrayıl bölgələrində 23 kənd və qəsəbənin düşməndən təmizlənməsindən və s. acılı-şirinli, ölümlü-qalımlı tarixi yaşantılardan bəhs edilir. 3-cü kitabda sinirləri çox pozulmuş Aysunun Şuşada doğulmuş körpə əkizləri ilə Bakıya dönməsindən, dövlətçiliyə qarşı hərbiləşdirilmiş üsyançıların ləğv edilməsindən, təmas xəttindəki toqquşmalardan, güclənmiş Azərbaycanın regionda söz sahibinə çevrilməsindən, əcnəbi dövlətlər tərəfindən ona təzyiqlərdən, cəmiyyətdəki təzadlardan söhbət açılır, cəbhədə ermənilərin təxribatlarından, Azərbaycan Ordusu hərbçilərinin düşmən dəstələri ilə döyüşə girməsindən, öz ölkələrini tərk edən Ermənistan vətəndaşlarının Azərbaycana da pənah gətirməsindən, tarixi Aprel döyüşlərindən bəhs edilir. Trilogiya Azərbaycan Ordusunun Ali Baş Komandanı Prezident İlham Əliyevin başçılığı ilə 44 günlük müharibədə Ermənistan Ordusunu darmadağın edib, işğal edilmiş torpaqları düşməndən təmizləməsi, dövlət sərhədlərini bərpa etməsi ilə bitir.

Minomyotlar hər tərəfdən üstümüzə yağır, bizsə dayanmadan, saatlardır irəliləyirik. Qarşımıza çıxan yaralılara qədər... Yolun kənarı, dərələr yaralıyla doludur. Bir də xırıltı var... ağır yaralı xırıltısıdır... Ölümlə çarpışma səsidir... Artıq tanışdır... Bumbuz bədənlər, mücərrəd istiqamətə yönəlmiş baxışlar...And olsun ki, artıq tanışdır. Üzlərindəki eyni inamsızlıq...Eyni çaşqınlıq... Eyni heyrət... Bədən təslim olsa da, gənc, nakam, yarımçıq qaldığını anlayan, ölümə hazır olmayan şüurlar... Bu dəfə insan faciəsi kitablarda, kinolarda deyil, əllə toxunacaq qədər yaxındır.

“24 Günün Hünəri” kitabında torpaqlarımızı erməni quldur­larından təmizləyərkən qəhrəmanlıqlar göstərərək şəhidlik zir­vəsinə ucalmış igid komandir, milli ordumuzun cəsur mayoru Elsevər Vaqif oğlunun qısa, lakin şərəfli ömür yolunun maraqlı məqamlarından söhbət açılır. Kitabda Qarabağın tarixi, birinci Qarabağ və Vətən müharibəsi, qəhrəmanımızın döyüş yolu, dost­larının, yaxınlarının Elsevər haqqında xatirələri geniş yer al­mışdır. Ümidvarıq ki, kitab oxucular tərəfindən maraqla qarşıla­nacaq.


Bu dünyada hər bir insanın öz hekayəsi var.
Bəzilərininki ağrılı-acılı, digərlərininki isə şad-xürrəm.
Bəzilərininki qısa, bəzilərininki uzun...
Bəzilərininki həyəcanlı, bəzilərininki anlamsız.
Bəzilərininki qürurverici, bəzilərininki utancverici.
Bəzilərinin hekayəsi isə heç oxunmur.

O uşaqlar həyatlarındakı qara günləri, illəri silmək üçün hekayələrini anlatmaq istəməz.
Bütün uşaqların həyatı rəngli şəkillərdə gördüyümüz tablo kimi xoşbəxt, firavan keçmir.
O balaca qəlblərində gücləri çatmayacağı qədər yük daşıdılar.
Onlara hər kəs baxdı, amma çoxları gözlərindəki yaşı, səssiz fəryadı görmədi.
Sevgi və mərhəmətlə, içdən gələn səmimi duyğularla onlara baxılanda isə qəlblərinə günəş doğurdu və onları isidirdi.
Onlar uşaq idi, uşaq...
Həyatlarına bir deyil, on adamın hekayəsini sığdıran vaxtından tez böyümüş uşaqlar...

Bu da müharibə görmüş uşaqların hekayələridir.
Kitabda keçmiş Ermənistan-Azərbaycan Dağlıq Qarabağ münaqişəsinin tarixi, 30 ilə yaxın müddətdə xalqımıza iztirablar yaşatmış münaqişəyə son qoyulması, torpaqlarımızın işğaldan azad edilməsi, ölkəmizin ərazi bütövlüyünün bərpa olunması üçün Prezident, Silahlı Qüvvələrin Ali Baş Komandanı İlham Əliyevin apardığı məqsədyönlü siyasətin ayrı-ayrı aspektlərinə, qaçqınlar və məcburi köçkünlərin problemlərinin həlli istiqamətində görülən işlərə, 44 günlük Vətən müharibəsinə və onun nəticələrinə həsr edilmiş elmi-təhlili məqalələr toplanmışdır.
Kitabda Qarabağın Azərbaycanın tarixi və mə­dəniy­yətində yeri öz əksini tapmışdır. “Qarabağ” adının etimoloji mənası haqqında məlumat verilmiş, XIII əsrdən başla­ya­raq XX əsrin əvvəllərinədək burada baş verən ha­di­sə­lərə işıq salınmışdır. Heç vaxt heç bir erməni dövlətinin tərkibində olmayan, XVIII və XIX əsrlərdə çiçəklənən Qa­rabağda çar Rusiyasının işğalından sonra məqsədli şəkildə həyata keçirilən inzibati-ərazi bölgüsünə toxunulmuşdur. Ermənilərin bura köçürülməsi, demoqrafik və mədəni tarazlığın pozulması milli zəmində baş verən münaqişənin əsas amillərindən biri kimi göstərilmişdir.
Kitablar tarixə salınan izdir. Qanıyla tarix yazan oğullarımızı əbədi olaraq yaddaşlara yazan yeganə vasitə kitablardır. Kitab gələcək nəsillərə mirasımızdır bizim. İllər boyu dərd-kədərlə yad etdiyimiz tarixlər qəhrəmanlarımız sayəsində zəfər günləri ilə əvəz olundu. Göz yaşlarımız qələbə sevincinə döndü. Mən bu kitablarla bizə qələbə sevincini yaşadan oğulları gələcək nəsillərə də xatırlatmaq istəyirəm. İstəyirəm ki, illər keçsə də Qarabağ deyiləndə, bütöv Azərbaycan deyiləndə, vətəninə azadlıq üçün qanad olan şəhidlərimizi, cənnət mələklərimizi heç kəs unutmasın!


Bu kitabdakı şeirlər Türk xalqlarının, Türk dövlətlərinin, Türk torpaqlarının və Türk dilinin müdafiəsi və azadlığı uğrunda mübarizə apararaq bütün qazi və şəhid olmuş Türk igidlərinin əziz xatirəsinə, uca Ruhuna ithaf olunur!
Bu kitab yazılarkən birinci və ikinci Qarabağ savaşında iştirak edənlərin, habelə həlak olanların yaxınlarının söylədiklərindən, mətbuatda və internet resurslarında gedən məlumatlardan geniş istifadə edilmişdir. Qarabağ savaşında baş vermiş hadisələr kitabda bədii şəkildə təsvir olunmuşdur. Lakin kitab bu günə deyil, sabaha, biri günə nəzərdə tutulmuşdur. Kim deyə bilər ki, sabah və yaxud biri gün nələr ola bilər? Cəbrayılı, Hadrutu, Laçını, Şuşanı ... sabah hansı şəhərlər əvəz edə bilər? Bəlkə onları Xankəndi, Ağdərə, Əsgəran, Xocalı, hətta Göyçə, Zəngəzur, Vedibasar, Pəmbək, İrəvan ... əvəz edəcək?

Yüz illər oldu ki, əsarətdə olan, üzü gülməyən Azərbaycan nəhayət ki, iyirminci əsrin sonlarında öz müstəqilliyini əldə etdi. Əlbəttə, bu müstəqillik başda Ulu öndərimiz Heydər Əliyev olmaqla, minlərlə şəhidlərimizin qanları bahasına qazanıldı. 1988-ci ildən başlayaraq Azərbaycan ağır günlərini yaşamağa başladı. Birinci olaraq Sumqayıt hadisələri (Ermənilər tərəfindən hazırlanmış ssenari). Sumqayıt hadisələrindən sonra cürbəcür terror aktlar hökm sürməyə başladı. Ən nəhayət, 1990-cı ilin 20 yanvar günündə insanlığa yaraşmayan fitnəkar ermənilər və onların himayədarları tərəfindən Bakıda misli görünməyən, ağlımıza belə gətirməzdik ki, yetmiş il bizə qardaş deyənlər əliyalın xalqın üstünə zirehli maşınlarla, tank-beterlərlə, odlu silahlarla hücuma keçdilər. İmperiyanın başdan-ayağa silahlanmış qüvvəsi Bakıda minlərlə dinc əhalini vəhşicəsinə qıraraq Azərbaycanı susdurmağa cəhd etdi. Ancaq xalqımız öz inadından heç də dönmədi və xain düşmən qüvvəsinin qarşısından qaçmadı və öz müstəqilliyini qazanmaq üçün daha cəsarətlə meydanlara toplaşaraq mitinqləri gücləndirdilər.
Başımız çox bəlalar çəksə də, ağır günləri yaşasaq da, heç bir təzyiqdən qorxmadıq, nəhayət ki, 1991-ci ilin 18 oktyabr günü müstəqilliyimizi əldə edərək üç rəngli bayrağımızı qaldırdıq.
Əlbəttə, müstəqilliyimizi əldə etdikdən sonra daha ağır günləri yaşamağa başladıq. Ölkəmizə daxildən və xaricdən (erməni qəsbkarları tərəfindən) güclü təzyiqlər göstərildi.
Dağlıq Qarabağda müharibə, ölkənin daxilində hakimiyyət davası insanların zülm içində yaşamasına gətirib çıxarmışdı. Erməni qəsbkarları bu qarışıqlıqdan istifadə edərək torpaqlarımızı zəbt edir və Ermənistanda yaşayan Azərbaycanlıları vəhşicəsinə deportasiya edirdilər.


Azərbaycan Yazıçılar və Jurnalistlər Birliyinin üzvü şair-publisist Ramiz Duyğunun əsas yaradıcılıq amalı və əqidəsi Vətənpərvərlik duyğularını tərənnüm etməkdir.
Bu kitaba daxil edilən şeir və poemaların demək olar ki, əksəriyyəti Qarabağ müharibəsi ilə əlaqəlidir və bu əsərlər, əsasən, qədim mədəniyyət, incəsənət və sənət paytaxtımız Şuşa şəhərinin erməni-daşnak faşist işğalından sonra yazılıb.
Kitaba daxil edilmiş şeir və poemaların ruhunu ancaq silaha sarılmaq və Qələbəyə böyük inam nidaları təşkil edir və ərazi bütövlüyümüzün yalnız hərb yolu ilə bərpa olunacağına çağırışdır.
Nə xoş ki, şair intuisiyası yanılmamış və nəticədə Dağlıq Qarabağ münaqişəsi qüdrətli Prezidentimiz, Silahlı Qüvvələrimizin Ali Baş Komandanı İlham Əliyevin yürütdüyü məntiqli və uzaqgörən siyasəti nəticəsində dəmir yumruq sayəsində tarixi ZƏFƏRLƏ başa çatmışdır.




Kitabda Yardımlı rayonu üzrə Birinci və İkinci Qarabağ savaşında iştirak edənlər, şəhid və qazilər, Təhsil Şöbəsi və Vətən müharibəsinin gedişinə könüllü olaraq qatılan Yardımlı rayon Təhsil işçiləri haqqında məlumatlar öz əksini tapmışdır. Müharibə iştirakçıları, şəhid və qazilərin keçdiyi döyüş yolunun öyrənilib məktəblərdə təbliğ olunmasının gənc nəslin vətənpərvərlik hissinə yiyələnməsində, Vətənə məhəbbət ruhunda tərbiyə olunmasında əvəzsiz rolu olduğunu nəzərə alsaq kitabın elmi dəyəri daha da artmış olur.
Kitabdan tarixçilər, tələbələr və məktəb şagirdləri, eləcə də geniş ictimaiyyət nümayəndələri istifadə edə bilərlər.

Bu kitab 37 illik ömrünün 20 ilini hərbi xidmətə həsr etmiş polkovnik-leytenant Quliyev Rəşad Rəşid oğlunun xatirəsini əbədiləşdirmək, insanların ona olan sevgisini bəyan etmək, gələcək nəsillərə şəhidimizi tanıtmaq üçündür. Ruhun şad olsun Cəbrayılın fatehi... Əmin ola bilərsən ki, yerin daim olaraq Azərbaycan xalqının qəlbindədir. Hər bir qəhrəmanımız özünəməxsus igidliyi ilə ölməzlik qazanıb, yaddaşlarımıza həkk olunur. Sənin özünəməxsusluğun isə məhz bu kitabın səhifələrində gizlidir...
Böyük fransız yazıçısı Viktor Hüqo deyir ki, “Öldükdən sonra yaşamaq istəyirsinizsə, ya oxumağa dəyər şeylər yazın, ya da yazılmağa dəyər bir həyat yaşayın”. Bu sözdən yola çıxaraq, qələmə aldığım kitabda Vətən müharibəsində ölkəmizin ərazi bütövlüyü uğrunda şəhid olan beyləqanlılar haqqında böyük fəxarət hissi ilə məlumat verib onların şərəfli ömür yollarına işıq tutmağa çalışmışam.

Qarabağın erməni işğalından azad edilməsi savaş tariximizin qızıl səhifəsidir. 44 günlük azadlıq müharibəsinin bünövrəsi isə 2016-cı ilin Aprel və 2020-ci ilin Tovuz döyüşlərində qoyuldu. Şəhidimiz mayor Anar Novruzov hünəri və şücaəti ilə hər iki döyüşün əfsanəsinə çevrildi, ondan da əvvəlki qarşıdurmalarda düşmənə qan uddurdu, kəşfiyyat uğurlarına görə ordumuzda düşünən beyinə çevrildi. Anar həmin Anardır ki, geri durması təkid edilsə də, silahdaşları general Polad Həşimov, polkovnik İlqar Mirzəyev, mayor Namiq Əhmədov və digərləri ilə bir yerdə döyüşüb bir məqamda şəhidlik zirvəsinə yüksəlmişdir!

Xalq şairi Sabir Rüstəmxanlının “Qarabağa dönüş” poemasında 44 günlük Vətən Müharibəsinin qəhrəmanlıq səhnələri ilə yanaşı, xalqımızın müstəqillik və bütövlük uğrunda mübarizəsi yüksək bədiiliklə tərənnüm edilir.

Dağlıq Qarabağ münaqişəsinin həlliylə bağlı aparılan danışıqlar dalana dirənmişdi. Ermənistanda hakimiyyətə gələn yeni qüvvələrin Azərbaycana qarşı təxribatları artırdı. Ermənistanın baş naziri Nikol Paşinyanın işğal altındakı Şuşaya mütəmadi gəlişləri, Azərbaycanın qədim şəhərində yallı oynaması, Dağlıq Qarabağ “prezidentinin andiçmə mərasimini” Şuşada keçirməsi və separatçıların parlamentini də qədim şəhərimizə köçürməsini bəyan etməsi müharibənin qaçılmaz olduğunu göstərirdi. Ermənistan silahlı qüvvələrinin iyul ayında törətdiyi təxribat səbir kasamızı daşıran son damla oldu.



Əziz oxucu...
Sən bu kitabı oxuduğun zaman artıq Azərbaycan başqa bir, otuz ildən çox davam etmiş həsrətin, nigaranlığın, narahatlığın, ağrı-acının içindən sıyrılıb çıxmış Azərbaycandır. Yadırğadığımız qələbəyə sahiblənmiş, canı-qanı bahasına zəfər qazanmış oğulların Vətəni Azərbaycan! Qırx dörd günlük çətin və şiddətli döyüşlərdən sonra illərlə qəlbimizin dərinliyində gizlənmiş arzulara yetişmiş Azərbaycan.

Bu kitab “Qanun” nəşriyyatının vəsaiti hesabına
nəşr olunur və pulsuz paylanacaq.



Abunə Ol