Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Hekayələr

Kateqoriyalar

Cildi

Müəlliflər

Tərcüməçilər

Lev Tolstoy bu əsəri İncildən götürülmüş sitatlar əsasında yazıb. Burada günah işlətmiş mələyin "İnsan nə ilə yaşayır?" sualına cavab axtarmasından danışılır. O, sualın cavabını tapmasa, səmaya qayıda bilməyəcək. İnsanlar arasında yaşayıb, insan həyatının həqiqi mənasını anlamağa çalışacaq. Sualın cavabı isə çoх sadədir...



İrrasional və rasional zərrənin qovşağında yaranan nəsr. Dünyanın məşhur müəllifləri Con Le Karre, Aleksandr Düma, Anar, Abdulla Şaiq, Səməd Vurğun, Mirzə İbrahimov, Maqsud İbrahimbəyov nəsri ilə intertekstual dialoq. Kitabda toplanmış hekayələrdə oturuşmuş Hegel məntiqini paradokslar, absurd əvəz edir. Müəllifin qeyri-adi, təkrarsız, gözlənilməz tapıntılarından ibarət 19 hekayə. Süjet, təhkiyə, müasirlik, süni intellektdən bəhs edən smart mövzular kitabın əsasında dayanır. Konspiroloji labirintlərin sadə həlli öz orijinallığı ilə seçilir və ədəbiyyatımıza müasir trendləri gətirir.

Bu kitabda yer alan hekayələr xüsusi diqqətlə seçilən, çox düşündürücü,tərbiyəvi və ibrətamiz əhəmiyyətə malik olan, öz müdrikliyi ilə insan ruhunun dərinliklərinə enərək,həyatın hər bir üzünü öyrədən hekayələrdir.Oxuyacağınız hekayələrdə həyatın sirlərini,incəliklərini və hikmətlərini kəşf edərək,yeni üfüqlərə yelkən açacaqsınız.Buradakı hekayələrin hamısı əxlaq və dürüstlükdən doğur,keçmişin dərinliklərinə dalır,oradan cürbəcür hikmətlər aşkarlayır.Ən başlıcası isə bunu pozitiv duyğular aşılayaraq,yaşam enerjinizi artıraraq etməsidir.Bu kitabdakı belə hikmətli hekayələr insanın ali dəyərlərinin mövcudluğuna inamdır.Bu səbəbdən bu ibrətamiz hekayələr yüz illərdir bəşəriyyətin yanında-onun düşüncəsində və məişətindədir.Günün istənilən vaxtında,istənilən işin ortasında bu kitabı açıb göz atmaq yetərlidir ki,içinizdə bir işıq parlasın.Kitabı əlinizə alıb oxumağa başladığınız andan etibarən,kitab öz pozitiv təsirini göstərəcəkdir.Həm ibrətamiz ,həm yumor hissi ile yazılan bu hekayələr toplusu hərkəsin faydalanacağı,yaşam tecrübəsindən süzülən lazımlı və gərəkli tövsiyyələrdən ibarət olan bir kitabdır.
“Vida rəngləri” – sonu xoşbəxtliklə bitən münasibətlər və uğursuzluğa düçar olan sevgilər, güvən və xəyanət, həyatımız boyu bizə əzab verən xatirələr, həmişə doğru bildiklərimizin yanlışa, yanlış bildiklərimizin doğruya çevrildiyi anlardan bəhs edən hekayələr toplusudur. Bu hekayələrdə həyatın müxtəlif mərhələlərini yaşayan insanlar, onların ümidləri və əlacsızlıqları əks olunub. “Sev və istədiyini et”, – bəlkə də, xoşbəxtliyin sirri deyil, ancaq ümidsizliyə qapılmamaq üçün kifayət qədər yaxşı təsəllidir.
Sosial-siyasi vəziyyəti, cəmiyyətdəki nöqsanları, ictimai həyatdakı qüsurları özünəxas üslubda tənqid edən bu hekayələrdə, müəllifin eksperimental üslubu və feminist mövqeyi daha çox diqqət çəkir. Daha çox qısa hekayələri ilə tanınan yazar Luiza Valenzuela 1970-ci illərdə mövcud olan Argentinadakı diktaturaya, hərbi xuntaya qarşı etirazını, qəzəbini bu hekayələrdə əks etdirir. Kitabda toplanan hekayələr həm mövzusuna, həm ötürdüyü mesaja, həm də üslubi keyfiyyətlərinə görə olduqca təsirlidir.
Bu kitab siyasi terror, işgəncə, repressiya və sadaladıqlarımızın insan həyatına təsiri haqqındadır. Müəllif siyasət, nüfuz, qorxularımızın seks və ölümlə əlaqəsinə diqqət çəkir.
Diktatura dövrünün təşvişli günləri, demokratiya və ədalət uğrunda mübarizə, insanların sevgi haqqında maraqlı düşüncələri bu hekayələrin ana xəttini təşkil edir.
Nobel mükafatı laureatı Alber Kamyunun “Hə ilə Yox arasında” adlı kitabına esse və hekayələri daxil edilib. Oxucu bu esse və hekayələrdə yazıçının tənqidi baxışlarıyla yanaşı, ustalıqla təsvir edilmiş təbiətlə insan təması, istənilən müharibəyə, istilaya olan nifrət və sözsüz ki, ekzistensialist fəlsəfəylə rastlaşacaq. 

Dünya şöhrətli ingilis yazıçısı, klassik detektiv janrının ən böyük nümayəndələrindən biri Artur Kanon Doylun (1859-1930) “Qozbel” adlı kitabına müəllifin müxtəlif illərdə qələmə aldığı “Qloriya Skott”, “Mesqreyvlərin ayini”, “Qozbel”, “Daimi xəstə”, “Tərcüməçinin başına gələn hadisə”, “Dəniz müqaviləsi”, “Holmsun son əməliyyatı”, “Boş ev” və digər hekayələr daxil edilib. Kitabda A.K.Doylun ədəbi qəhrəmanı Şerlok Holms və Doktor Uotsonun müxtəlif macəraları yer alıb. Kəskin süjetli hadisələr oxucunu öz ardınca aparır.

Dünya detektiv ədəbiyyatının banisi hesab edilən ingilis yazıçısı Artur Konan Doylun məşhur Şerlok Holmsun macəraları silsiləsindən olan növbəti – “Ebbi-Qreyncdə qətl” kitabına müəllifin “Rəqs edən fiqurlar”, “Tənha velosipedçi qadın”, “Qara Piter”, “Milvertonun ölümü”, “İtkin düşmüş reqbiçi” və digər hekayələri daxil edilib. Digər əsərlərində olduğu kimi burada da bir-birindən maraqlı, gərgin, həyəcanlı hadisələr oxucunu öz arxasınca çəkib aparır. Detektiv həvəskarlarının bu kitabı da böyük maraqla qarşılayacağına əminik.
Çar hökumətinin Azərbaycana köçürdüyü rusların çoxu malakan adlanırdı, bu onların inanclarının pravoslavlardan fərqlənməsinə görə idi. Bu malakanları Azərbaycana köçürəndə yerli əhalinin torpaqlarından bir hissəsini əllərindən alıb onlara verirdilər.
Malakanlardan bir bölüyünü də Yeddioymaq kəndinin torpaqlarına köçürmüşdülər. Çar hökuməti yıxılandan və hakimiyyətsizlik yaranandan sonra yeddioymaqlılar malakanlardan öz dədə-baba torpaqlarından çıxıb getməyi tələb elədilər. Malakanların başbilənləri Yeddioymaq kəndinin ağsaqqallarının yanına gəlib dedilər: “Bizim ata-babalarımız yüz ildən artıqdır köçüb buraya gəliblər, biz indi onların Rusiyanın harasından gəldiklərini belə bilmirik; biz neçə vaxtdır buralarda yurd-yuva qurmuşuq, sizinlə də mehriban qonşular olmuşuq, barış içində yaşamışıq. İndi dünyanın bu qarışıq vaxtında biz haraya gedək? Gəlin, indiyə kimi necə barış içində yaşamışıqsa elə də yaşayaq, gərək olsa əl-ələ verib bir-birimizə kömək eləyək, arxa duraq”.

Kitabda türkiyəli yazıçı, Avrasiya Yazarlar Birliyinin sədri Yaqub Öməroğlunun müxtəlif zamanlarda yazdığı hekayələri toplanıb. Sadə insanın ağrılarını, hiss və həyəcanlarını axıcı təhkiyə ilə qələmə alan müəllif bu hekayələrdə yalnız öz ölkəsinin deyil, ümumilikdə bəşəri problemlərə toxunur.
“İki çinar” Yaqub Öməroğlunun Azərbaycanda ilk işıq üzü görən kitabıdır. Kitab geniş oxucu kütləsi üçün nəzərdə tutulub.
Seymur Baycan oxucuların qarşısına bu dəfə maraqlı və gözlənilməz eksperimentlə çıxır. “Gecikmiş hekayələr”də Sovet Azərbaycanının ədəbiyyatı və sosialist realizmi Seymurun qələmindən keçərək yeni interpretasiya alır. Seymur 70 illik dövrün ədəbi materialını recycle prosesindən keçirərək onu bizə yeni forma və məzmunda təqdim edir. Hər yeni şey unudulmuş köhnədir deyimini bu hekayələrə tam rahatlıqla aid etmək olar, amma Seymur bu yeni-köhnə ilə sizi qətiyyən yormayacaq, əksinə, üfüqünüzü açacaq.

Realizm Seymur Baycan üçün həmişə hakim ədəbi cərəyan olub. Onun hekayələri səs-küysüz, bər-bəzəksiz, kənardan olduqca təbii görünən həyati situasiyalardan və bunların yaddaşda yaratdığı əks-sədalardan ibarətdir.
“Alınmayan hekayələr” kitabı da məhz bu bünövrənin üstündə inşa olunub. Həyatın qarışıqlığı içində itmiş, üstünü toz tutmuş hadisələr, dadlar, ifadələr, davranışlar, peşmanlıqlar, sevinclər, məqsədlər, prinsiplər Seymur Baycanın “Alınmayan hekayələr”ində üzə çıxır, gözlərini həyata yenidən açır.
O, həyatın ən incə detallarına toxunur, toxunduğu detallarla zəmanəmizin xarakterlərini, dövrün mənzərəsini, bu mənzərənin içində vurnuxan obrazları yaradır.

Seymur Baycanın “Səviyyəsiz hekayələr”inin başlıca xüsusiyyəti sosial həyat, təbiət və insan münasibətlərinin realist, ifrat minimalizm üslubunda qələmə alınmasıdır. Kitabdakı hekayələr oxucuya həddən ziyadə lakonik dillə, adi detallarla həyatın tərs üzünü göstərir. Burada qəhrəmanlar çarəsizdir, ilk baxışdan çıxış yollarını tapa bilmirlər, amma sonda ən çətin situasiyalardan da sadə və bəzən sərt üsullarla çıxmağı bacarırlar.

Seymur Baycanın “Mənasız hekayələr”i hamımızın dəfələrlə görüb, lakin fikir vermədiyi detallarla doludur. Bu detallar bir-birinin içindədir və bir-birindən asılıdır. “Mənasız hekayələr”də həyatın şablonları üzərində qurulmuş absurd situasiyalarda müəllifin oxucudan kon­­kret nə istədiyi bilinmir. “Mənasız hekayələr”dəki qə­h­rəmanlar da özlərinin kim olduqlarını axıra qədər dərk etmirlər və əslində, həyatın şablonlardan ibarət olma­sı ilə barışırlar.



Kitab müəllifin son illərdə yazdığı esse ilə açılır və doqquz hekayə ilə davam edir. Əsərlərin hər biri böyük yazıçını müxtəlif baxış bucağından göstərir. Topluda yer alan esse bir sevgi xatirəsidir. Hekayələr isə başqa-başqa mövzuda olsa da, etinasızlıq və nifrət, xəyanət və ümidsizlik, dözüm və ümid hissləri ilə doludur. Dövrümüzdə insan hisslərinin və düşüncəsinin cəmiyyətə və ailədaxili münasibətlərə necə təsir göstərməsi haqqındadır. Oxucunu cəzb edib öz əhatəsində saxlayır və onu kitabdan ayrılmağa qoymur.
Topludakı hekayələr S.Moemin müxtəlif illərdə şahidi olduğu, eşitdiyi hadisələr əsasında qələmə alınıb. Onun qəhrəmanları bəzən sirli görünsə də, yazıçı bəzi şeyləri oxucusunun öhdəsinə buraxır. Qadın mövzusu, qadın xarakteri, onun cəmiyyətdə, ailədə rolu, düşüncələri, istəkləri yazıçının yaradıcılığının ana xəttini təşkil edir. S.Moemin qadınları çılğın, inadkar, bəzən yüksək intellektə sahib olsa da, ziddiyyətli xarakter sahibidirlər. Topludakı hekayələrdə müxtəlif xarakterə malik ziddiyyətli obrazlar var.
1. Səs maşını.
Ağac və kolların canlı olduğunu və bizimlə danışa bildiyini iddia edən ekstravaqant bir adamın səs maşınını ixtira edib onu sınaqdan çıxarması.

2. Mənə oxşayan adam.
Keçmiş cəbhə yoldaşları - iki pilot 2-ci Dünya Müharibəsinin dəhşətləri və şəxsi həyatlarındakı qəribə hadisələr haqqında barda söhbət edirlər.

3. Dəridən-qabıqdan çıxan adamlar.
Sonradan çox məşhur olan cavan bir emiqrant rəssamın dostunun bədəninə etdiyi döydürmənin fantastik qiymətə minməsi.

4. Çətirli kişi.
Fırıldaqçı qoca barlardan çətir oğurlayır, satır və onun puluna viski alıb içir, lakin bunu elə inanılmaz şəkildə edir ki, heç kimin ruhu belə incimir.

5. Quzu budu.
Ərinin - polis rəisinin xəyanətindən xəbər tutan qadın dəhşətli bir yolla intiqam alır. Ərini elə qətl edir ki, cinayətin üstünü aça bilmirlər.

6. Cənnətə doğru.
Həyat yoldaşının həyatını məşəqqətə çevirən, onu daim alçaldıb, lağa qoyan bir varlı kişinin xanımı tərəfindən hiyləgərcəsinə ölümə məhkum edilməsi.

Bu kitabda XIX əsr fransız ədəbiyyatının görkəmli nümayəndələrindən biri olan Gi De Mopassanın müxtəlif mövzularda yazdığı seçmə hekayələri toplanılıb.
“Qanun” nəşriyyatının yeni layihəsi “Hekayə vaxtı” adlanır. İnsan xisləti, həyat qayəsi haqqında olan bu hekayələr vasitəsilə Mopassanın hekəyə yaradıcılığı ilə yaxından tanış ola bilərsiniz.
Xoş mütaliələr!

Bu kitabda “Möhtəşəm Qetsbi” romanının müəllifi, Amerika ədəbiyyatının ən görkəmli nümayəndələrindən biri Frensis Skott Fitsceraldın seçmə hekayələri yer alıb.
“Qanun” nəşriyyatının yeni layihəsi “Hekayə vaxtı” adlanır. Amerikan düşüncə tarixində fırtına effekti yaradan yazarın hekayə yaradıcılığı ilə yaxından tanış olmaq üçün bu fürsəti əldən verməyin.
Xoş mütaliələr!

Benjamin Battonun qəribə əhvalatı, Ağır sınaq, Baş və çiyinlər, Buz sarayı, Dəvənin dalı, Ədabaz Martin-Cons və “Uels şahzadəsi”, İsti... soyuq qan, Küləyə düşmüş ailə, Dəniz qulduru, Yenidən Babildə



Bu hekayələrin əsasını nağıllar təşkil edir. Müəllif nağıl obrazlarına yeni həyat bəxş edir. O, iki janrın sintezindən yeni üslub yaradır. Beləliklə, yazıçıdan çox sehrbaza bənzəyir. Bəlkə, buna görə Angela Karteri müasir yazıçıların xaç anası hesab edirlər. Dəhşətli film əsasında yazılan hekayələri də vardır. Kitab oxucunu heç vaxt unutmayacağı bənzərsiz bir dünyaya aparır.

“Nağıla gündəlik həyatda baş verənlər daxil edilmir, amma hekayələrdə belə deyil. Hekayələr hər gün həyatda baş verənlərin arxa qatından əldə edilmiş surətləri gündəlik təcrübə sistemi ilə şərh edir”
Bu kitabda məşhur ingilis filosofu və yazıçısı Bertran Rasselin müxtəlif illərdə yazdığı maraqlı hekayələri yeralıb.
“Qanun” nəşriyyatının yeni layihəsi “Hekayə vaxtı” adlanır. Fəlsəfə və ədəbiyyatı eyni müstəvidə kəsişdirməyi bacaran yazarın hekayə yaradıcılığı ilə tanış olmaq üçün bu əla fürsətdir.
Xoş mütaliələr!
Mülayim xasiyyətli baron on iki yaşlı Edqarın anasının xəyallarını həyata keçirməyə çalışır. Bunun üçün onu da özü ilə götürür, üçü birlikdə Avstriya dağlarının ətəklərinə istirahətə yollanır. Onun ilk cəhdləri ca­vab­sız qalır. Baron arzuladığı qadınla yaxın olmaq üçün Edqarla dost olmağa başlayır. Başlanğıcda heç nədən şübhələnməyən uşaq bir müddətdən sonra bəzi şeylərin yolunda getmədiyini başa düşsə də, yaxın vaxtlarda onun həyatını həmişəlik dəyişdirəcək alovlu sirrdən tamamilə xəbərsizdir.

Müəllif bu kitabda fərqli üslubları, təhkiyə formalarını müxtəlif hekayələrin vasitəsi ilə sınaqdan keçirir. İlk baxışdan hekayələr bir-birindən fərqli görünsələr də, onları ortaq bir cəhət birləşdirir; hekayələrdəki adamlar miskin və bəzən tragikomik vəziyyətlərə düşürlər, həyatın absurdluğunun qarşısında cılızlaşırlar. Sanki həyat onları ələ salır.
Kitabın adı – “Hər şey dəyişəndə” içindəki bütün hekayələrin qayəsini özündə daşıyır.

Abunə Ol