Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Uşaq İnkişafı Kitabxanası

Kateqoriyalar

Cildi

Müəlliflər

Tərcüməçilər


ƏZİZ DOST!
Qarşında əl əməyi ilə məşğul olmaq üçün iş dəftəri var. Bu dəftərin köməyi ilə sən kağızla, parça ilə, təbii və tullantı materialları ilə işləməyin sirlərini öyrənəcəksən. Bu tapşırıqları yerinə yetirərkən:
  • sərbəst şəkildə işləyəcəyin yeri və lazım olan materialı seçməyi;
  • təhlükəsizlik qaydalarına əməl etməyi;
  • müxtəlif materiallar və alətlərlə işləməyi;
  • hazırladığın materiallardan istifadə etməyin qaydalarını;
  • iynə və sapla işləməyi, sadə tikiş üsullarını;
  • hörməyi, toxumağı, tikməyi və müxtəlif şeylər hazırlamağı;
  • parça ilə işləməyi;
  • təbii və tullantı materiallarla işləməyi mənimsəyəcəksən.
Bu işləri görməkdə sənə müəllimlər və valideynlərin kömək edəcəklər.

Uğur olsun sizə, əziz balalar!


Bu kitab uşağın mənəvi təka­mülündə ata-analara istiqamət verən bir kompas, körpəlikdən yetkinliyə uzanan kəşməkəşli yolda valideynlərin qarşılaşdığı çətinlikləri asanlaşdıran bir bələdçi, uşaqları başa düşmək üçün onların daxili aləminə tutulan bir işıqdır. Qırx ilə yaxın akademik araşdırma və uzun illər xəstəxanalarda keçən praktika nəticəsində ərsəyə gəlmiş əsərin bütün ata və analara faydalı olacağına əminik.



Uşaqlarla münasibətlərdə problemlər hər kəsdə olur. “Niyə sən sözə qulaq asmırsan, niyə sən özünü belə aparırsan?” – bu kimi məzəmmətlər hər uşağa tanışdır. Və hər bir valideyn qızından və ya oğlundan cavab ala bilməyəndə bəzən öz acizliyini hiss edir. Lakin iş orasındadır ki, böyüklər uşağa öz fikirlərini və hisslərini necə çatdırmağı və onu necə başa düşməli olduqlarını hər vaxt bilmirlər. Bu kitab – uşaqlarla (məktəbəqədər yaşdan yeniyetməlik dövrünədək) necə düzgün ünsiyyət qurmaq barədə məntiqli, anlaşılan, qəşəng və yumor hissi ilə yazılan bir dərslikdir. Heç bir usandırıcı nəzəriyyə olmadan! Bütün ehtimallara qarşı yalnız yoxlanılmış praktik məsləhətlər və çoxlu canlı nümunələr! Müəlliflər — valideyn-uşaq münasibəti sahəsində dünyada məşhur olan mütəxəssislər — həm öz şəxsi (hərəsinin 3 uşağı var), eləcə də onların seminarlarına gələn çoxsaylı valideynlərin təcrübələrini oxucularla bölüşürlər. Kitab uşaqlarla tam anlaşılmaya gəlmək istəyən və “nəsillər konfliktləri”nə həmişəlik son qoyan hər bir kəs üçün maraqlı olacaq.


  • Xoşbəxt uşaqlar böyütmək üçün ailədə nizamintizam qaydaları necə yaradılmalıdır?
  • Nə etməliyik ki, körpə ana-atasına düzgün bağlansın?
  • Uşaqlara ilk günlərdən düzgün və ağıllı seçim etmə­ləri üçün necə dəstək ola bilərsiniz?
  • Uşaqlarınız arasında sağlam münasibət yaratmaq üçün nə edə bilərsiniz?
  • Uşaqların sağlam böyüməsi üçün ən vacib olan prin­­­siplər hansılardır?
  • Uşaqlarınızı cəsarətli böyütmənin şərtləri.
  • Uşaqlarda məsuliyyət hissinin yaranması üçün nə etməliyik?
  • Uşaqlara əxlaqi dəyərləri necə aşılamaq olar?
  • Uşaqlarda özgüvəni tərbiyə etmənin üsulları han­­­sı­lardır?
  • Nəzakətli və mərhəmətli uşaqlar necə böyüyür?
Bu və digər çoxsaylı suallara cavab tapmaq istəyirsinizsə, bu kitabı oxuyub və əməl etməyiniz məsləhətdir. Uğurlu və cəmiyyətdə mövqe sahibi olmaq heç də həmişə insana xoşbəxtlik gətirmir. Xoşbəxt insanlar da çox vaxt var-döv­lətə, mənsəbə, titullara sahiblənmək istəmirlər. Həm uğurlu, həm də xoşbəxt olmaq istəyirsinizsə, bu kitabı oxuyub və əməl etməyiniz məsləhətdir.
Bu kitab həm uğurlu və xoşbəxt uşaq tərbiyə etmək istə­yən analar üçün dərs vəsaiti rolu oynaya bilər, həm də geniş oxucu kütləsi üçün nəzərdə tutulub.
Müəllif bu kitabda Dr. Willam Sears, Dr. Marta Sears, Aletha S.Solter, Osho, Özgür Bolat, Naom Aldort, Oytun Erbaş, Anat Boniel və başqalarının əsərlərindən tərcümə edərək mənbə kimi istifadə etmişdir.
Bu kitabın ərsəyə gəlməsində ilk oxucularıma – Prof. Raqib Quliyevə, dostlarım Elşad bəyə, Ehtiram bəyə, mənə mənəvi dəstək olmuş oğlum Rəsula, kitabın tərtibindəki əvəz­­­siz köməyinə görə qızım Gülnaza və ailəmə təşəkkür edi­rəm.
Kitabın satışından əldə olunan vəsait ehtiyacı olan, per­spektivli tələbələrin təhsilinə sərf ediləcəkdir.
Bu kitab yetkin insanların uşaqlıqlarına müsbət və mənfi təsir göstərən xatirələrindən ibarət araşdırmadır. Kitab iki əsas hissədən ibarətdir. Birinci hissə uşaqlara mənfi təsir edən valideyn davranışları və digər travmatik təcrübələrdən bəhs edir. İkinci hissədə isə uşaqlara müsbət təsir edən davranışlar əks olunub.

Körpələriniz gecə yaxşı yatmır, qonaqlıqda, orada-burada dəcəllik edir, yeməyini yemir və həyatınızı cəhənnəmə çevirirlərsə, əmin olun, siz tək deyilsiniz! Körpəsi olan bütün valideynlərin bunu yaşamalı olduğunu düşünürsünüzsə, bir daha götür-qoy edin. Amerikalı ana Pamela da Fransaya köçənə qədər belə düşünürdü. Lakin o, Fransadakı restoranlarda uşaqların ağlamadığını, valideynləri ilə eyni şeyləri yediyini, gecələr yuxudan oyanmadığını, ata-analarına qulaq asdığını görəndə bunun sirrini öyrənmək qərarına gəlir və bu məlumatlandırıcı və əyləncəli kitabı yazır. Siz də uşağınızı fransız kimi böyüdün və həyatdan zövq alın!
Amerikalı yazıçı və jurnalist Pamela Druckerman 1970-ci ildə doğulmuşdur. Hal-hazırda ailəsilə birlikdə Fransada yaşayır.
Görkəmli ingilis psixoloqu Stiv Biddalf “Üç yaşa qədər hələ tezdir” elmi-tədqiqat əsərində körpələr evinin in­tensiv inkişaf sisteminə geniş yaradıcılıq kontekstində yanaşılmasının zəruri olduğunu elmi və praktiki əsaslarla şərh etmişdir. Bu kitabda qarşıya qoyulam problemlər ob­yektiv dəlillər üzərində öz həllini tapmışdır.

Dünyanın hər yerində valideynləri narahat edən məsələlərdən biri övladlarının təhsilidir. Xüsusilə müasir dövrdə təhsil siyasəti minalanmış ərazi kimidir. Yanlış addım həyat bahasına başa gələ bilər. Valideyn kimi övladlarımızın təhsilində nələrə diqqət etməliyik? Getdikləri məktəblərin onlara uyğun olduğuna əminikmi? Uyğun deyilsə, nə etməliyik? Bələdçimiz dünyanın ən nüfuzlu pedaqoqlarından biridir. O biz valideynlərlə üzləşdiyimiz dilemmalar barədə səmimi söhbət edir. Kitab müxtəlif təhsil formaları üzrə aydın prinsiplərdən bəhs edir və praktiki məsləhətlər verir. Bir çox mifləri dağıdır. Kritik məktəb seçimi mübahisələrinə son qoyur. Buna görə, uşağının təhsil ehtiyacını və bunun üçün nə etməli olduğunu öyrənmək istəyən valideynlərə şiddətlə tövsiyə olunur.
Bu, son dərəcə xeyirxah kitabın müəllifi hesab edir ki, balaca uşaqlar hər şeyi öyrənməyə qadirdirlər. O, ətraf mühitin yeni doğulan körpələrə güclü təsiri barədə mühakimələr yürüdür və uşağın erkən inkişafına kömək edən sadə və anlaşıqlı üsullar təklif edir. Onun fikrincə, böyüklərin çətinliklə mənimsədiklərini uşaqlar asanlıqla, oynaya-oynaya öyrənirlər. Bu proses də ən başlıcası – yeni təcrübənin vaxtında tətbiqidir. Lakin hər gün uşağın yanında olan şəxs, bu “lazımi” vaxtı duya bilər.
Bu kitab kiçik uşaqlarının qarşısında yeni, gözəl imkanlar açmaq istəyən bütün analara və atalara ünvanlanıb.
Anam Rəbiyyə və atam İsmayılın əziz xatirəsinə...

.

.

.

.

.

.

.

.
Kitab hər cür sosial və iqtisadi mühitdən olan uşaqların bacarıqlarını üzə çıxarmağı hədəf götürüb. Montessori təliminin necə tətbiq olunmasını ətraflı təsvir edir. Bu təlim sistemi təkcə sağlam deyil, həm də əngəlli, hiperaktiv və daun sindromlu uşaqların diqqətinin cəmlənməsində böyük rol oynayır. Ən maraqlısı, Montessori təlimini hər bir evin potensialı hesabına tətbiq etmək mümkündür. Bağça yaşlı uşaqların bu sistemə ən doğru şəkildə başlaması üçün kitabdakı tövsiyələr kifayətdir.
Mənim üçün çox qiymətli olan sayca üçüncü kitabımı lap kiçik yaşlarımdan etibarən hər zaman mənə güvənən, dəstək olan çox dəyərli valideynlərim Füzuli bəyə və İlhamə xanıma, həmçinin doğulduğu gündən etibarən mənə çox şey öyrədən və ideyalarımı kağız üzərinə köçürməyə həvəsləndirən dəyərli oğlum Tunara ithaf
edirəm.
Əziz oxucular!
Bu kitabı yazmaqda məqsədim bildiklərimi və öyrəndiklərimi sizinlə də paylaşmaqdır. Psixoloji janrda qələmə alınan bu kitab insanın ruhi vəziyyətinin, daxili aləminin əks olunması ilə qısa, amma hər
baxımdan insanda dərin, xoş hisslər yaradan, insanıdüşündürən, onun özünü dərk etməsinə və həyatda nikbin yaşaya bilməsinə kömək edə biləcək bir kitabdır.
Kitab iki hissədən ibarətdir: birinci hissədə insanın özünü, varlığını dərk etməyə çalışmasından, özünü ruhən necə zənginləşdirə biləcəyindən bəhs edilir. İkinci hissədə isə valideynlərin övladları ilə necə
müsbət və həvəsləndirici ünsiyyət qura bilmələrindən bəhs edilir. Əlinizə alıb oxumağa başladığınız andan etibarən kitab artıq pozitiv təsirini göstərməyə başlayacaqdır.
Xoş mütaliələr!..
Valideyn olaraq biz kimik?
Ana-ata olaraq nələri bilməliyik?
Dünyaya gətirdiyim körpə nəyə qadirdir?
Utancaqlıq duyğusu necə yaranır və insan xarakterinin formalaşmasında onun rolu nədən ibarətdir?
Övladın özgüvəni söhbət içində necə formalaşır?
Ailə toplantılarının faydası nədir və o ­hansı dəyərləri aşılayır?
Övlad niyə özünə qapanıq, yalançı, oğru, tənbəl böyüyür?
Övladın eqosu necə formalaşır?

Kitabda bu səpkidə geniş spektrdə suallara cavab axtarılır. Müəllif tərəfindən şərh olunmuş düşüncə və dəyərləndirmələr övlad böyütmək kimi fövqəladə önəmli, eyni zamanda çətin və uzun yolculuqda oxuculara dəstək olmaq məqsədi daşıyır.
Kitab zəkalı, uğurlu və xoşbəxt övlad böyütmək prosesində faydalı dərs vəsaiti rolu oynaya bilər. Məsuliyyətli, çalışqan, müstəqil və həyatsevər övlad arzulayanlar, bunu yaşamlarının ali məqsədi səviyyəsinə yüksəltmək istəyənlər kitabda işıqlandırılmış fikir və təcrübələrdən faydalanacaqlar.
Müəllif özünün araşdırmalarında və irəli sürdüyü təkliflərin formalaşmasında övlad psixologiyası sahəsində dünyada sayılan Aletha J. Solterin, Con Medinanın, Doğan Cücəloğlunun, Masaru İbukanın, Mehtap Kayaoğlunun, Özgür Bolatın, Yuliya Qıppenreyterin, Dr. Willam Searsın və başqalarının əsərlərini ilk mənbə kimi isdifadə edib.

Prof. Raqib Quliyev

Düzgün valideynlik nədir və xoşbəxt uşaqlar böyüt­məkdə onun faydaları nədən ibarətdir?
Hamiləlikdə və doğuşdan dərhal sonra, valideynlər körpələri ilə necə düzgün bağ yarada bilərlər?
Körpəni əmizdirmənin və qucaqda daşımağın faydaları nədən ibarətdir?
Valideynlər körpə ağladıqda və yatmaq istəmədikdə nə etməlidirlər?
Uşaqların zəkasını və duyğularını necə düzgün inkişaf etdirə bilərsiniz?
Uşaqlarda özgüvəni və özünəinamı necə formalaşdırmaq olar?
Uşaqları müstəqil böyütmənin üsulları hansılardır?
Uşaqlara düşünmə bacarığı necə qazandırılır?
Uşaqlar necə öyrənir?
Yaradıcılıq qabiliyyəti uşaqlarda necə formalaşır?
Qorxu genetikdirmi, yoxsa sonradan qazanılır?

Bu və digər çoxsaylı problemlərə cavab tapmaq istəyir­sinizsə, bu kitabı oxumaq məsləhətdir.
Uşaqlarınızı məsuliyyətli, cəsarətli, xoşbəxt böyütmək istəyirsinizsə, bu kitabı oxumaq məsləhətdir.
Bu kitab özgüvənli, bacarıqlı, uğurlu uşaq böyütmək istəyən valideynlər üçün dərs vəsaiti rolunu oynaya bilər.
Müəllif bu kitabda Dr.William Sears, Dr.Martha Sears, Maria Luisa Ferreros, Aletha J.Solter, Noom Aldort, Anat Boniel, Ozgur Bolat, Doğan Cüceloğlu və digər məşhur psixoloqların əsərlərini ilk mənbə kimi istifadə etmişdir.

Abunə Ol