Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Gizlin qalan imzalar

Kateqoriyalar

Cildi

Müəlliflər

Tərcüməçilər

Ədəbiyyata ötən əsrin 70-ci illərində gəlmiş Şamxal Rüstəm özünəməxsus şair taleyi yaşayıb. Özü əyalətdə – Şəmkirdə yaşasa da, şeirləri könülləri fəth edib, sözlərinə yazılmış mahnılar dillər əzbəri olub. O, çap olunmaq üçün qapı-qapı gəzməzdi. Zamanında çap olunan şeirləri öz oxucularını çoxdan tapıb.Şamxal Rüstəm istedadlı şair, istedadlı publisist və istedadlı jurnalist idi. Onun bir-birindən fərqli bənzərsiz bir insanın iç dünyasını, məhəbbətini, bütün çılğınlığını əks etdirir.
Kitabda 60-cı illər ədəbi nəslinə mənsub olan, şair, tərcüməçi, dramaturq Ələkbər Salah­zadənin seçmə şeirləri toplanıb. Ələkbər Salahzadə sözü mətnin içində azdı­rıb, onu başqa bir şeyə çevirib üzə çıxara bilirdi. O, lap əvvəldən missiyasını bilir, sakit davranır, necə deyərlər gözəl mətləbləri illərlə dilinin altında saxlamağı bacarırdı. Yalnız o zaman üzə çıxarırdı ki, buna ehtiyac duyulur, zamanı gəlirdi. Ələkbər Salahzadə təsvirlərdən və mahiy-yəti tutub yaxalamaqdan qaçırdı, sadəcə ağlına, ürəyinə gələn mətnlərin içində yaşayırdı, özünü orada son damlasına qədər əridib vaxt vadisində əsrlərin qızıl tozundan mənalar emal edirdi.


Kitabda 60-cı illər ədəbi nəslinə mənsub olan şair və publisist İsa İsmayılzadənin seçmə şeirləri toplanıb.
Şair İsa İsmayılzadə dünyaya hamı kimi gəlsə də, hamı kimi yaşamadı. Uzun ömür yaşamasa da, uzunömürlü əsərlər qoyub getdi. Şeirləri kimi Vətən üçün darıxan şair ömür adlı yolun yarısında çox sevdiyi, hüsnünə poetik libas biçdiyi doğma yurduna döndü... Dünyaya yenidən qayıtmaq üçün...

Kitabda 60-cı illər ədəbi nəslinə mənsub olan, bənzərsiz publisist, yazıçı, şair Tofiq Abdinin seçmə şeirləri toplanıb. Tofiq Abdin təkcə yaradıcılığı ilə yox, həm də bütün həyatı, xarakteri və yaşam tərzi ilə “redaktəyə yatmayan” insan idi. Hərəkətləri, dəsti-xətti ilə fərqlənməyə can atmırdı, sadəcə belə düşünürdü, dünyanı belə qavrayır, insanları belə qəbul eləyirdi. Onun özünəməxsus poetik səsi, iddiasız nəsri, canlı publisistikası, peşəkar tərcümələri vardı.


Kitabda 60-cı illər ədəbi nəslinə mənsub olan, öz poetik nəfəsilə seçilən şair Camal Yusifzadənin seçmə şeirləri toplanıb. O, yalnız sözü, poeziyası, şairliyi ilə deyil, həm də xarakteri, yaşam tərzi, insanlara münasibəti ilə dostlarının, onu tanıyanların sevimlisi olub. Ona görə də, şairin təkcə söz deyil, siması da dostlarını, oxucularını heyran qoyub, siması ilə də dostlarının, oxucularının ürəyini yerindən oynadıb.

Abunə Ol