Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Psixologiya

Kateqoriyalar

Cildi

Müəlliflər

Tərcüməçilər


SİZİN AZADLIĞINIZ, SƏRHƏDLƏRİNİZİN GÜCÜ QƏDƏRDİR

Yox Deyə bilməyin Danılmaz Gözəlliyi
“Yox” deyə bilməmək, təbii ki, şəxsiyyət pozuqluğu deyil. Ancaq “yox” deyə bilməyənlər sərhədlərinin pozulmasına icazə verdikləri qədər mənliklərini itirir və bəzi psixoloji problemlər yaşayırlar.
Özünüdərketmə ətraf mühit tərəfindən qəbul edilmə tərziniz, nə olduğunuz və nə olmağınız barədə düşüncələrdir. Mənlik şüuru isə insanın özünü şəxsiyyət kimi tanıması və dərk etməsi prosesindən ibarətdir. Mənlik şüurunun formalaşması üçün aşağıdakılar vacibdir:
  • Özünü tanımaq
  • Cəmiyyət içində münasibət qura bilmək
  • Özünü qəbul etmək
  • Öz-özünə bəs etmək
  • Özünəinamlı olmaq
  • Özünü dərk etmək




Kitab yazıçı Artur Konan Doylun özündən məşhur qəhrəmanı və dünya ədəbiyyatının ən tanınan detektiv obrazı Şerlok Holmsun nümunəsində düşüncələrimizi necə istiqamətləndirməkdən, beyin çardağımızı düzgün doldurmağın yollarından, bizdən xəbərsiz bizə təsir edən zehni faktorlardan, beynimizin qurduğu tələlərdən bəhs edir. Müəllif Şerlok Holmsla bağlı hekayələrə tez-tez istinad edərək problemlərdən çıxış yolu tapmaqdan ötrü beynimizin düzgün qərar verməsi üçün onu necə formalaşdırmağı bizə öyrədir. Maria Konnikova ətraf mühitin, təhtəlşüurun, qərəzin bizim düşüncəmizə və deduksiyamıza necə təsir etdiyini mükəmməl nümunələr əsasında göstərməklə yanaşı, təxəyyülün misilsiz rolundan da məharətlə bəhs edir.

Kitabda müəllif depressiyanın öhdəsindən gəlmək üçün özünün uğur qazanmış məşhur ideyalarını daha da genişləndirir. Əslində, bizim iki beynimiz var: üst və alt şüurun yerləşdiyi beyin. Bir çox qərarlarımız alt şüurumuzdan qaynaqlanır. Kitab diqqət yayınmaları, nəfsə qalib gəlmək, refleksiv qərarların qəbulu və özünü sabotajın qarşısını almaqda bizə yardımçı olur. İnsanı məhv edən vərdişlərə qarşı yol xəritəsi təklif edir. Bu vərdişlərin arasında işləri təxirə salma, həddən artıq narahatlıq, internet aludəçiliyi, çox yemək, aşırı risk etmək, özünümüalicə və sair var. Müəllifin sistemi ilə yeni, daha uğurlu və xoşbəxt həyat qura bilərik. Yeni bacarıq və vərdişlər qazanarıq. Məsələn, şüurluluq, özünənəzarət, qorxulara qarşı müqavimət, özünü əsassız günahlandırmadan qaçmaq və s.

Kitab otuz ildən artıq liderlik təcrübəsinə əsasən qələmə alınıb. Müəllif karyerası boyu əldə etdiyi uğurlarla yanaşı, öz səhvlərindən də əxz etdiyi fikirləri bölüşür. Onları biznes, siyasət, idman, din və hərbi münaqişə sferalarında apardığı müşahidələrlə birləşdirərək zənginləşdirir. Liderlik qabiliyyəti irsi deyil. O yalnız öyrənilə bilər. Əgər liderliyin universal prinsiplərini mənimsəsəniz, siz də dünyanı lərzəyə gətirən dahi liderlərdən birinə çevrilərsiniz.
Kitab bir-birindən maraqlı və uğurlu liderlərin real hekayələrini nəql edir. Beləliklə, sizi məqsədinizə doğru ilhamlandırır. İçinizdə yatan gizli potensialı aşkarlamaqda sizə kömək edir. Nəticədə həyat tərzinizi dəyişdirir. Ən əsası, bu qaydalar aydın və sadə dildə xarakterizə edilir. Üstəlik, onların ailədə, cəmiyyətdə, işdə, bir sözlə, istənilən sahədə tətbiqi üçün konkret addımlar da təklif olunur.
Qaydaları müfəssəl izah edən hər fəslin sonunda tapşırıqlar yer alır. Onları yerinə yetirməklə özünüzü sınaya bilərsiniz.
“Şüuraltının gücü” kitabında Cozef Mörfi şüuraltına təsir üçün çoxsaylı sadə metodlar göstərir. Əgər onları düzgün tətbiq etsəniz, bu sizə şüuraltı problemi yaranarkən düzgün həll yolunu tapmağa, yüksək əxlaqi dəyərlər qazanmağa və pis vərdişlərdən xilas olmağa kömək edəcək.
Kitab bütün yaşlardan olan geniş oxucu çevrəsi, xüsusən də gənc nəsil üçün nəzərdə tutulub.

İnsanlar tamamilə eyni şəraitdə niyə ayrı cür hərəkət edirlər? İnsanların davranışlarına səbəb nədir və hər hansı bir situasiyada onların reaksiyasını əvvəlcədən təxmin etmək mümkündürmü? İnsanın təhtəlşüuru necə işləyir? Bütün bu sualların cavabını Erik Bernin “İnsanların oynadığı oyunlar” kitabında tapa bilərsiniz.
Müəllif insan psixikasının necə quruluşa malik olduğunu və ayrı-ayrı insanlarda necə işlədiyini addım-addım izah edir. Erik Bernin fikrincə, hər bir insan bu mümkün üç roldan birini oynayır: Valideyn, Böyük və ya Uşaq. Əlinizə götürdüyünüz bu kitab – insan münasibətlərinin psixologiyasına dair kult kitablardan biridir. Bernin hazırladığı sistemin məqsədi insanı həyat ssenarilərinin təsirindən qurtarmaq, ona özü və başqaları ilə daha az “oyun oynamağ”ı və həqiqətən azad olmağı öyrətməkdir.
Bu kitabda oxucu insan münasibətlərinin təbiətini, özünün və digərlərinin davranış səbəblərini anlamağa kömək edən bir çox məsləhətlər tapa biləcək. Müəllifin fikrincə, hər birimizin taleyi bir çox cəhətdən hələ uşaq vaxtlarımızda müəyyən olunur, lakin sonra əgər istəsək, öz həyatımızı özümüz idarə edə bilərik.

Hal-hazırda əlinizdə tutduğunuz bu kitab hər bir insanın ömür boyunca özünə verdiyi “necə zəngin ola bilərəm” sualına çox dolğun bir cavabdır. V.V.Sinelnikov bu kitab vasitəsilə biznes sirlərini və zənginliyə gedən yolda, insanlarla düzgün münasibət qurulmasını öyrədir. Siz virtual olaraq, füsunkar Yunanıstana da səyahət etmək imkanını əldə edəcəksiniz. Kitabı oxuyarkən, insan heç darıxmır, çünki müəllifin çox gözəl yumor hissi də var. Zənginliyə gedən yolda hamınıza uğurlar...

Bu kitab müasir dövrün ən böyük bestselleridir. Onun tirajının sayı və uğurları inanılmazdır.

Kitab yaradılışın qanunlarına tabe olaraq uğurun bizi hərəkətə gətirən ambisiyalar, dəqiq planlar və ağır zəh­mətin nəticəsi olması barədə əfsanələri darmadağın edir.

Dipak Çopra “Uğurun yeddi mənəvi qanunu” kitabında bütün həyatınızı dəyişəcək uğura yet­mək perspektivini belə təsvir edir: elə ki həqiqi tə­biətinizi anlayıb, onunla harmoniyada yaşamağa başlayacaqsınız, böyük səylər sərf etmədən asanlıqla rifah, sağlamlıq, ruhunuza məmnunluq, güc və həvəs Sizə doğru gələcək, ətrafınızdakı insanlarla xoş ünsiyyət yaranacaqdır.



Dünyaca məşhur “axın nəzəriyyəsi” insanın həqiqətən necə xoşbəxt ola biləcəyini açıq şəkildə ortaya qoyur, xoşbəxtliyin nəzarətdənkənar bir zövq axtarışı ilə deyil, şüurlu səadət, başqa sözlə desək, axın təcrübəsinin köməyi ilə qazanıldığını göstərir.
Axın nəzəriyyəsinin nə olduğunu izah edən və bu təcrübəni həyatımıza necə tətbiq edəcəyimizi təqdim edən bu kitab adı çəkilən nəzəriyyənin sahibi doktor Mihay Çiksentmihayinin xoşbəxtliyin tədqiqatlarına həsr edilmiş 25 illik zəhmətinin məhsuludur. “Axın” – “xoşbəxtlik elmi” adlandıra biləcəyimiz bu əsər elm dünyası ilə birlikdə həyatını dəyərləndirmək, onu daha dərindən kəşf etmək və özünü daha yaxşı dərk etmək istəyən hər bir oxucu üçün faydalı olacaq.



Dünya şöhrətli alim, avstriyalı həkim psixoterapevt Viktor Franklın bu əsəri ilk dəfə 1946-cı ildə çap edilib, 30 ildən bir qədər çox müddət ərzində 9 milyondan çox nüsxə ilə nəşr olunub. O, ABŞ-da 5 dəfə “ilin kitabı” elan edilərək, 90-cı illərin əvvəllərində, ABŞ-da insanların həyatına ən güclü təsir göstərmiş kitabların siyahısına daxil olub. Əsər Viktor Franklın II Dünya müharibəsi zamanı düşdüyü, qeyri-insani mövcudluğun hökm sürdüyü və sağqalma ehtimalının cüzi olduğu nasist konslagerlərindəki müşahidələri və təəssüratlarından bəhs edir. “Psixoloq konslagerdə” – bu kitabın altbaşlığı belədir. Bu hekayə, real hadisələrdən daha çox, təəssüratlar haqqındadır. Kitabın məqsədi – milyonlarla insanın başına gələn­ləri açmaq və göstərməkdir. Əsərdə konslager, burada bəhs olunanların hamısını şəxsən öz üzərində təcrübədən keçirmiş bir insanın nəzər nöqtəsindən göstərilir. Bu kitab konslagerlərin yetərincə danışılmış qlobal dəhşətlərini deyil, əzab dolu düşərgə həyatının məhbusun mənəvi vəziy­yətinə təsirini əks etdirir. Kitaba həm də Franklın “Birkenvaldda sinxronlaşdırma” adlı fəlsəfi pyesi də daxil edilib.

Hafizə etibar olunası hadisə deyil, bu baxımdan əlinizdəki kitab öz keçmişinin əhəmiyyətini dərk edən biri üçün əsl xilasdır. Dünyaca məşhur bestseller müəllifi və populyar psixoloq İrvin Yalom bu yeni kitabının səhifələrində öz həyatının ən vacib məqamlarını əks etdirib. Bu memuarın oxucusu ən uğurlu müasir yazıçılardan birinin xatirələrinə dalmaq imkanı qazanır. Həmin yazıçının “Divandakı yalançı”, “Nitsşe ağlayanda” və “Şopenhauer dərman kimi” kitabları bütün dünyanı özünə valeh etməklə yanaşı, müəllifinə söz ustadı və əla həmsöhbət adını qazandırıb.

Uşaq birdən-birə isterikaya qapılır? Bağçaya getməkdən boyun qaçırır? Məktəbli öz yoldaşları ilə ünsiyyət qura bilmir? Ailə həyatında bu kimi çoxsaylı problemlərlə rastlaşırıq. İki tanınmış psixoloqun birlikdə yazdığı bu kitabda uşaqların şıltaqlığı beyin “böyüməsi”nin mərhələləri ilə izah olunur. Emosional və intellektual inkişaf üçün 12 inqilabi tərbiyə strategiyası təqdim edilir. Valideynlər bu kitab vasitəsilə beynin necə işlədiyini öyrənə və uşaqlara başa sala bilərlər. Həm də sadə və anlaşıqlı bir dildə. Nəticə tezliklə özünü göstərəcək. Balacalar özlərini daha yaxşı anlayacaq, davranışlarını tənzimləyəcəklər.
Əslən hindistanlı olsa da, özünü heç zaman heç bir millətə, dinə, ideologiyaya aid etməyən Jiddu Krişnamurtinin bu kitabında əsasən mənəvi məsələlərdən söz açılmışdır. Bu kitab, eləcə də Krişnamurtinin digər kitabları onun dinləyiciləri tərəfindən yığılıb ərsəyə gətirilmişdir. Kitabda insanlar arasındakı qarışıqlığın, ziddiyyətin, millətlərarası düşmənçiliyin səbəbi göstərilmiş və bu problemlərin həl­linin sadəcə və sadəcə insanın mənəvi aləmindəki ziddiyyətlərdən irəli gəldiyi bildirilmişdir.
Tənbəllikdən uzaq durmalıyıq. Özümüzdə sağlam düşüncə yaratmalıyıq. İstədiyimiz həyata çatmaq üçün səylərimizi dayandırmamalıyıq. Yaxşı təhsil almaq üçün ağıl və iradəmizi daim sınaqdan keçirməliyik. Amma necə? Kitab bizə hava və su kimi lazım olan bu xüsusiyyətlərlə bağlı dəyərli tövsiyələr verir. Xüsusilə gənclərə və yaradıcı zəka sahiblərinə müraciət edir. Tənbəl dostlardan, diqqətimizi yayındıran və qətiyyətimizi azaldan hallardan necə qaçacağımızı izah edir.
Müəllifə görə, hər bir insan fərdi gücünü inkişaf etdirmək üçün özünü aydın dərk etməlidir. Əks təqdirdə, təbii meyillərin inkişafına mane olan şərtlərin oyuncağına çevrilər.
Şəxsi inkişafa tuşlanan kitabları ilə tanınan Mümin Sekmanın 10-cu əsəri “Hər şey səninlə başlar” sosial uğura gedən yolları anladır. Kitabda yerli və dünya təcrübəsindən olan misallarla uğursuzluğa necə alışıldığı və uğur qazanmanın necə öyrənildiyi haqda bəhs edilir. Əsərin təməlindəki sual budur: Nə üçün uğursuzluğa uğrayırıq? Çarəsizlik psixologiyasını necə yenməliyik? Uğur qazanmağı necə öyrənə bilərik? Uğurlu insanların bildiyi və digərlərinin bilmədiyi nədir? “Həyatda ya tozu dumana qatarsan, ya da tozu, dumanı udarsan. Seçim sənindir!” kəlamı ilə çıxan və uğuru öyrədən bu kitab özünün də uğur tarixçəsini yazıb. İlk nəşri 100 min tirajla çıxan əsər 2 ildə 500 min, 8 ildə isə 1 milyon oxucuyla görüşərək Türkiyədə rekord qırıb. Bununla da “Ən uğurlu uğur kitabı” adlanmağı haqq edib.
SEVGİNİN OLDUĞU YERDƏ BƏDBƏXTLİK YOXDUR...

“Birinə görə hamısını sevirsən...”
“Balaca şahzadə” Antuan de Sent-Ekzüperi

Sevdiyiniz insanı çox qısqanırsınız? Bəs sevginiz uğrunda özünüzü qurban verib fədakarlıq edirsiniz? Sevdiyiniz üçün həmişə nəyəsə dözür, əziyyət çəkir, özünüzü çarəsiz hiss edirsiniz? Sevgi dözmək, həsr etmək və özünü bu yolda qurban vermək deyil. Sevgi olaraq düşündüyünüz hissləri həyatınızdan silməyi bacardığınız zaman yerində cəhdlərinizlə böyüyən bənzərsiz bir xoşbəxtlik, inam və dinclik qalacaq. Bu mənada “Qoy həyat olduğu kimi gəlsin” kitabı sevginin nə olduğuna dair ipucları verərək sizə, doğru yolu tapmaqda bələdçilik edəcək...
Müəllifin seksual həyatla bağlı fikirləri ilə inqilab etməsi hamıya məlumdur. Bu kitabda isə o, seksual hadisələri bioloji araşdırma müstəvisindən ayıraraq psixoloji anlayışlar kontekstində araşdırıb. Elmdə ilk dəfə uşaq seksuallığını, seksual sapmaları,homoseksuallığı hərtərəfli öyrənməyə çalışıb. Böyük alim bütün bu mövzuları özünəqədərki tədqiqatçıların uğur, təcrübə və metodlarına əsaslanaraq şərh edir. Gəldiyi nəticələri anlaşıqlı bir dildə oxucularına çatdırır. Kitab təkcə bu sahədə çalışan mütəxəssislər üçün nəzərdə tutulmayıb, mövzu ilə maraqlanan bütün diqqətli oxucular ondan faydalana bilər.


Sevgi həmişə xoşbəxtlik gətirmir. Bəzən cütlüklər arasında fikir ayrılığı, mübahisə, hətta dava-dalaş yaranır. Gərginlik çox zaman ayrılığa gətirib çıxarır. Bu kitab hər cür anlaşılmazlığın səbəblərini izah edir. Müəllif cinslər arasındakı fərqi dərindən araşdırır. Sağlam sevgi münasibətləri qurmaqda sizə yol göstərən bələdçiyə çevrilir. Və bunu bacarır. Yazdıqlarının 50 milyon tirajla satılan bestsellerə çevrilməsi də bu səbəbdəndir. Həyatınızı sevgiylə doldurmaq, xoşbəxt olmaq sizin də haqqınızdır. Sevgi ecazkardır. Fərqlərinizi öyrəndikcə bu, aranızda gərginliyə səbəb olmayacaq, əksinə həyatınıza rəng qatacaq.

Psixoanaliz təliminin yaradıcısı olan Ziqmund Freydin sizə təqdim etdiyimiz bu kitabı onun geniş dinləyici auditoriyası üçün oxuduğu mühazirələrin birinci bölümüdür. Adından da göründüyü kimi, bu əsər psixoanaliz təlimini daha geniş çevrədə, anlaşıqlı bir dildə tanıtmaq məqsədi güdür. Freydin təlimini öyrənmək istəyən anadilli oxucularımızın işinə yarayacağını düşündüyümüz üçün bu kitabı dilimizə çevirib yayınlamağı gərəkli sayırıq.
Müəllifin 20-dən çox dilə tərcümə edilən və indidən klassikaya çevrilən bu əsəri beynin sirli dünyasına səyahət edir. Bu səyahətin bələdçisi təcrübələr, elmi biliklər və tarixi faktlardır. Kitab tibbi mövzuda yazılsa da, müəllifin yazıçılıq məharəti sayəsində sadə və obrazlı dillə təqdim olunur. Müəllif əsər boyu bir çox maraqlı mövzulara toxunur: sədaqət geni, qumarbaza çevrilən parkinson xəstələri, genmühit əlaqəsi, “yaxşı” və “pis” gen, şüuraltı və qərarvermə mexanizmi, məsuliyyət anlayışı, beynin insan həyatında rolu və s. O, yalnız mövzuların beyinlə əlaqəsini izah etmir, həm də müxtəlif formul və modellər irəli sürür. İnsan psixologiyası və davranışlarına neyron və gen prizmasından baxmağı öyrədir. Elmi-populyar dildə yazılmış kitab xüsusən müəllimlər, psixoloqlar, valideynlər və həkimlər üçün mühüm bilikləri ehtiva edir.

Barbara De Anjelisin bu kitabını adi kitablar sırasına heç cür aid etmək olmaz. Cərrah qətiyyətli və təcrübəli qadın kimi o, kişilərin sirli və ziddiyyətli daxili aləminə baş vurur, oxuculara onun ən intim bacarıqlarından söhbət açmaqdan çəkinmir və kişilərin psixoloji və fizioloji xüsusiyyətlərini açıb göstərir. Ancaq ciddi peşəkar psixoloq təcrübəsi müəllifə bəşəriyyətin güclü yarısının yaratdığı bir çox maraqlı vəziyyətlərdən şərəflə çıxmasına kömək edir.
Kitab cinslərin birgə dinc və xoşbəxt yaşamalarının sirlərini öyrənməyə can atan hər bir oxucu üçün nəzərdə tutulub.

Bədən dilinə aid bu möhtəşəm əsər elmi ictimaiyyətə məlum olmayan bilikləri təqdim etməklə yanaşı, həm də onların söykəndiyi elmi faktları diqqətə çatdırır. Kitabda çoxlu elmi əsərlər, yazılar, müəllifdən sitatlar gətirilir, hər bir davranışın nə anlama gələ biləcəyini daha ətraflı və etibarlı şəkildə izah etməyə çalışılır. İnsan davranışları bütün təfərrüatı ilə təsvir olunur və bu davranışlarla bağlı müəllifin rastlaşdığı, müşahidə etdiyi maraqlı əhvalatlar nəql edilir ki, bu da kitabı daha maraqlı və oxunaqlı edir.
İnsanın ilk yuvası ana qucağıdır. Orada özünə yer tapa bilməyən heç yerdə, heç kimdə tapa bilməz. Buna görə bəzilərinin məskəni olsa da, yuvası olmur. Həyatı boyu “evim” deyəcəyi yeri axtarır. O nə yaşayır-yaşasın, yenə də ana qucağına, ata ocağına can atmağa məhkumdur. Yara harada açılıbsa, orada da sağalacaq. Hər kəs nə qədər uzaqlaşsa da, gün başa çatanda evinə qayıtmaq istəyir.


“Bir dəlixananın ala-yarımçıq hekayəti” hekayədən hekayə yaradaraq qeyri-adi sürətlə inkişaf edir. Romanın məkan və zaman sərhədi yoxdur. Türkiyənin bir ucu 19-cu əsrə, digəri isə bu günümüzə qədər uzanan bu “ədəbi panoraması” insanı daima heyrətdə saxlayır, bir hekayənin bitdiyini sanan oxucu gözlənilmədən yeni heyrətamiz “insan mənzərəsi” ilə rastlaşır. “Maniniz yoxdursa anamgil sizə gələcək” adlı kult kitabın müəllifi Ayfər Tunc bu dəfə hekayəsinə kiçik bir Qara dəniz şəhərindəki arxası dənizə baxan Psixi Sağlamlıq Xəstəxanasından başlayır, insanların zəncirvari həyat yollarından gözəl, əyləncəli bir roman hörür. Siz Ala-yarımçıq hekayəti birnəfəsə oxuyarkən bir əsrə yaxın dövrdə baş verən siyasi və sosial dönüş nöqtələrinin Türkiyə insanının həyatında buraxdığı izlərin şahidi olacaq, insanların sevinc və kədərinə şərik olacaq, bəlkə də, ortaq bir hekayədə üz-üzə gələcəksiniz.

Abunə Ol