1948-ci ildə Bakıda anadan olub. Ötən əsrin 80-ci illərində vüsət alan milli-azadlıq hərəkatında fəal iştirak edib. “20 Yanvar” cəmiyyətinin təsisçilərindən və 1992-ci ildə bu cəmiyyətin nəzdində yaradılmış özünümüdafiə taborunun rəhbərlərindən biri olub. 2000-ci ildə “Azəri” İctimai Birliyini yaradıb və hazırda həmin təşkilatın sədridir.
2002-ci ildən etibarən, Azərbaycan Ziyalılar Birliyi İcra Aparatının rəhbəri olub və 2012-ci ildə bu vəzifəsindən istefa verib. 1974-cü ildən başlayaraq, dövri mətbuatda ictimai-siyasi, satirik-publisistik və bədii yazılarla müntəzəm çıxış edir.
