Oldos Leonard Haksli (ing. Aldous Leonard Huxley; d. 26 iyul, 1894, Surrey qraflığı, Qoalminq – ö. 22 noyabr 1963, Los-Anceles, Kaliforniya) — ingilis yazıçısı. Oksfordda təhsil alarkən görmə ilə bağlı problemləri yarandığı üçün təhsilini yarımçıq saxladı. Sonrada bir daha kor olacağı qorxusu ilə qarşısına gələn bütün kitabları oxudu. Müasirlər Oldos Hakslinin iki ayrı ruh daşıdığını deyirdilər. Onun bir ruhu qədim şərq fəlsəfəsilə, bilinməyənlə və mistika ilə maraqlanarkən, digər ruhu son elmi kəşflərlə, rasional zəka ilə və siyasətlə maraqlanırdı. İntellektual-polemik “Sarı Krom” (1921), “Təlxək rəqsi” (1923), “Kontrapunkt” (1928), “Cəsur Yeni Dünya” (1932) romanlarında cəmiyyətin mənəvi eybəcərliyi satira atəşinə tutulur. Lakin Haksli yaradıcılığında humanizmin zəifləməsinə, əxlaqi və dini öyüdçülüyə, mistisizmə gətirib çıxarmışdır: “Meymun və mahiyyət” (1948), “Dahi və ilahə” (1955) və s. romanları var. “Komitet 300” adlı əsərdə Odlos Haksli narkotik maddələri faydalı maddələr kimi təqdim edən birisi kimi qələmə verilir. Hakslidən bir iqtibas gətirək: “Gündəlik istifadə üçün isə kimyəvi intoksikantlar mövcud olub.İnsan bütün təbii sedativlərin (sakitləşdirici vasitələr) və yuxu gətirənlərin , ağaclarda yetişən eyforiklərin, meyvələrdə toplanan qallusiogenlərin hamısını hələ özlərini tanımazdan da əvvəl istifadə etmişlər.Və elm şüuru dəyişdirən bu vasitələrlə özünün sintetik maddələr qammasını da əlavə edib.Qeyri-məhdud istifadə etmək üçün Qərb yalnız alkoqola və tütünə icazə verib.Divardakı qalan bütün kimyəvi Qapılar isə NAORKOTİK elan olunub”.
