Əkbərov Rahib Abdulla oğlu Siyəzən (keçmiş Dəvəçi) rayonunun Tuğay kəndində anadan olub. Elmi-pedoqoji fəaliyyətə A.A.Bakıxanov adına Tarix İnstitutundan başlayıb. 1994-cü ildə dissertasiya müdafiə edərək tarix üzrə fəlsəfə doktoru elmi dərəcəsi almışdır. 2001-ci ildən Azərbaycan Respublikasının Prezidenti yanında Dövlət İdarəçilik Akademiyasının Hüquq kafedrasında dosent vəzifəsində fəaliyyət göstərir.
Ali məktəblərdə “hüquqşünaslıq” ixtisası üzrə dövlət və hüquq tarixinin öyrənilməsindən bəhs edən və Azərbaycan Respublikasının Təhsil Nazirliyi tərəfindən təsdiq edilmiş bir sıra dərslik, dərs vəsaiti,
metodik vəsait və fənn proqramlarının müəllifidir.
R.Əkbərov hüquq tarixindən bəhs edən “Feodalizm dövründə idarəçilk sistemi və hüquq”-dərs vəsaiti (“Diqesta” nəşriyyatı-2000-ci il, 174 səh.), “Azərbaycanın dövlət və hüquq tarixi”-dərs vəsaiti (“Diqesta” nəşriyyatı-2001-ci il, 488 səh.), “Xarici ölkələrin dövlət və hüququ”- mühazirə kursu (“Qanun” nəşriyyatı-2003-cü il, 248 səh.), “Baltikyanı və slavyan xalqlarının dövlət və hüquq tarixi”-dərs vəsaiti (“Qanun” nəşriyyatı, 2004-cü il, 128 səh.), “Xarici ölkələrin dövlət və hüquq tarixi”- dərs vəsaiti (“Qanun” nəşriyyatı, 2005-ci il, 516 səh.), “Azərbaycanın dövlət və hüquq tarixi”-monoqrafiya, (“Qanun” nəşriyyatı, 2009-cu il, 604 səh.), “Müasir hüquq sistemləri”-dərslik (“Qanun” nəşriyyatı, 2014-cü il, 700 səh.) və “Avropa hüququ”-dərs vəsaiti (“Elm və Təhsil” nəşriyyatı, 2016-cı il, 354 səh.) kitabları nəşr olunmuşdur. Azərbaycan Xalq Cümhuriyyətinin hüquq tarixinə dair məqalələri bir sıra beynəlxalq elmi konfranslarda, həmçinin Belorus, Moldova və Türkiyə respublikalarında çap edilib.
Dos. Rahib Əkbərov hal-hazırda Azərbaycan Respublikasının Prezidenti yanında Dövlət İdarəçilik Akademiyasında “Azərbaycanın hüquq tarixi”, “Müasir hüquq sistemləri”, “Hüququn tarixi və
metodologiyası” fənnlərini tədris edir.
