![Pulun Psixologiyası](https://www.qanun.az/images/news/compressed/145x215/2024-08-02-10-21-551722579715.jpeg?v=1)
Hər gün yeni bir kitab
QANUN NƏŞRLƏR EVİ
Maliyyə yazarı, məruzəçi və investor kimi tanınan amerikalı yazar Mor1an Houzel 2008-ci ildə Cənubi Kaliforniya Universitetində İqtisadiyyat üzrə bakalavr dərəcəsi aldıqdan sonra uzun illər maliyyə analitiki və məsləhətçi kimi sektorda təcrübə qazanıb. O, hələ universitetdə oxuyarkən özəl maliyyə və investisiya konsaltinq şirkəti olan “The Motley Fool”da köşə yazarı kimi işləməyə başlayıb, daha sonra bu şirkətdə Baş Analitik olub və uzun illər eyni vəzifədə çalışıb. 2014-2015-ci illər arasında “Wall Street Journal” üçün maliyyə, bazar tendensiyaları və investisiya strategiyaları haqqında yazılar yazan Houzel, maliyyə anlayışlarını başa düşülən və əlaqələndirilə bilən şəkildə çatdırmaq bacarığı ilə tanınıb. Məhz bu xüsusiyyəti sayəsində o, axtarılan natiqə çevrilmiş və çıxışları ilə əldə etdiyi bilik və təcrübəni digər insanları maarifləndirmək üçün istifadə etmişdir. 2016-cı ildə o, texnologiya, təhsil, iqlim, uşaqlar, ətraf mühit və davamlılığa yönəlmiş şirkətlərə maliyyə qaynaqları təmin edən “Collaborative Fund” adlı investisiya şirkətinin tərəfdaşı olub və bu gün də bu şirkətin tərəfdaşı olmağa davam edir. İnvestor psixologiyası, maliyyə riskləri və biznes tarixi ilə bağlı çıxışlar və təqdimatlar etməyə davam edən, eyni zamanda bəzi maliyyə qurumlarında direktor vəzifəsində çalışan müəllif ən son 2021-ci ildə “Markel” adlı sığorta şirkətinin direktorlar şurasına daxil olub. O, iki dəfə "Amerika Biznes Redaktorları və Yazıçıları Cəmiyyəti" tərəfindən iş dünyasının ən yaxşılarına verilən "Biznesdə Ən Yaxşı Mükafat"a, həmçinin “New York Times Sidney” Mükafatına layiq görülüb. 2022-ci ildə “MarketWatch” tərəfindən bazarlarda ən nüfuzlu əlli adamdan biri seçilib. O, biznes və maliyyə jurnalistikası üçün verilən görkəmli mükafat olan “Gerald Loeb” Mükafatının iki dəfə finalçısı olub. Bu gün aktiv natiq kimi tanınan Houzel həyat yoldaşı və iki uşağı ilə birlikdə Seattleda yaşayır.
Abunə olmaqla hər həftə kitablardan və kitab dünyasında baş verən yeniliklərdən xəbərdar ola bilərsiniz.