Erik Bern və ya əsl adı Erik Lennard Berşteyn 1910-cu ildə Kanadanın Monreal şəhərində anadan olub. Onun anası və atası Polşa və Rusiyadan Kanadaya köçmüş yəhudi əsilli mühacirlərdir. Atası ümumi praktikant, anası isə yazıçıdır. 1921-ci ildə Erik Bern cəmi 11 yaşında olanda atasını vərəm xəstəliyindən itirib. Anası yazıçı və redaktor kimi çalışaraq ailəni saxlayır və Erik Berni atasının yolu ilə getməyə və həkim olmağa təşviq edir. 1935-ci ildə Erik Bern həm anasının, həm də atasının məzun olduğu Makgil Universitetini həkim kimi bitirdi və Yel Universiteti Tibb Fakültəsinin Psixiatriya Klinikasında psixiatr köməkçisi olaraq işləməyə başladı. Daha sonra Amerika vətəndaşı olur və adını qısaldaraq Erik Bern edir.
1970-ci ildə dünyasını dəyişən Erik Bern psixatriya sahəsində çox ciddi əsərlərin müəllifidir.