Vüqar Babazadə(Vüqar Van) 2000-ci il avqustun 26-da Lerik rayonunda anadan olub.
2005–2016-cı illərdə Lerik rayon M. Bağışov adına 3 saylı tam orta məktəbdə təhsil alıb.
2016–2020-ci illərdə Bakı Slavyan Universitetinin Filologiya fakültəsinin "Fransız dili müəllimliyi" ixtisasında bakalavriat pilləsi üzrə təhsil alıb. 2011–2015-ci illərdə Lerik rayon Z. Tağıyev adına Çayrud Musiqi Məktəbinin "Tar müəllimliyi" ixtisasını bitirib.
2020-ci ildən Vüqar Babazadə imzası ilə mətbuatda dərc olunmağa başlayıb. Qanun nəşriyyatında redaktor və korrektor olaraq fəaliyyət göstərib. Bir sıra məşhur romanların redaktor və korrektorudur.
2021-ci ildən Kulis.az mədəniyyət və ədəbiyyat portalında müxbir olaraq işləyir. Bu portalda 100-ə yaxın publisistik yazısı işıq üzü görüb.
2020-ci ildə "Degenerasiya" adlı romanı çap olunub. 2021-ci ildə "Arxalardakılar" adlı psixoloji romanı işıq üzü görüb. Təhsil Nazirliyinin Ekologiya üzrə Breyn Rinq yarışmasının qalibi olub.
