Yalvac Ural (1945, Konya). 100-dən artıq kitabın müəllifi olan yazıçı Türkiyədə və xaricdə bir çox mükafatlara layiq görülüb. Kitabları alman, ingilis, serb, xorvat, polyak, alban, makedon, qaraçı (üsküp), macar, rus, fars, ərəb və holland dillərinə tərcümə edilib. Hekayələrindən biri Yaponiyada lisey dərsliyinə,
həmçinin, başqa hekayələri Oksford Universiteti Nəşriyyatının (Oxford University Press) 1992-ci ildən bəri orta məktəbdə tədris olunan bir antologiyasına və iki kitabına daxil edilib.
2001-ci ildə “Beynəlxalq Poeziya Festivalı”nın minilliyinə təsadüf edən 32-ci tədbirində “Harmonika şairi” və “Dünya uşaq poeziyasının çempionu” adına layiq görülüb. Məşhur tərcüməçi, yazıçı və tənqidçi Dik Koopman festivalın internet saytında Yalvac Uralı “Yetkin şeirinin lirik şairi, uşaq ədəbiyyatının çempionu,
harmonika şairi, kitabları bir çox dillərə tərcümə olunan müəllif” adlandırıb
