Yuliya Borisovna Qippenreyter 25 mart 1930-cu ildə Moskvada doğulub. 1953-cü ildə Moskva Dövlət Universitetinin fəlsəfə fakültəsinin psixologiya şöbəsini bitirib. Fəlsəfə elmləri doktorudur (1975). Yuliya Borisovna hazırda M.V.Lomonosov adına MDU-nun ümumi psixologiya kafedrasının professorudur (1978).
Elmi-tədqiqat sahələri: eksperimental psixologiya (qavrayış, maraq və hərəkətin psixologiyası), sistemli ailə psixologiyası və neyro-linqvistik proqramlaşdırma.
O, psixologiya üzrə 80-dən artıq elmi-publisist məqalələrin, o cümlədən dünyada şöhrət qazanmış, valideynlər və pedaqoqlar üçün nəzərdə tutulmuş «Uşaqla necə ünsiyyət saxlamalı?» kitabının müəllifidir.
