Aytən Cavanşir Bakı şəhərində dünyaya gəlib. Azərbaycanda "Tərcümə və regionşünaslıq" ixtisası, İtaliyada "İtalyan dili və incəsənəti" sahəsi üzrə təhsil alıb.
Ədəbiyyata 2012-ci ildə işıq üzü görmüş “Vəkil” romanı ilə gəlib. Roman gənc vəkilin bacısının Ukraynadan Bakıya qayıtması və özünün də yüksək vəzifəli məmurun şəxsi vəkili olmasından sonra həyatının köklü şəkildə dəyişməsindən bəhs edir. Baş qəhrəmanın şahidi olduğu haqsızlıqlar özünə qarşı çevrilir və bu yolda rastlaşdığı məhəbbət də amansızcasına hədəfə alınır.
2014-cü ildə yazıçının “Ayaqlarım üşüyürdü” adında hekayələr toplusundan ibarət kitabı çap olundu. Müxtəlif məzmunlu zərif dildə nəql olunan hekayələr əsl məhəbbət və digər aktual problemləri əhatə edir.
2015-də Aytən Cavanşirin “Pərdələri çəkin” kitabı nəşr olundu. Kitabda müəllifin dilindən əsasən retro kino və musiqi fədailəri; gözəl, ancaq bədbəxt qadınlar, gözəl, amma qəddar qadınlar və əksinə qürurlu, fədakar və yalnız bir insanla xoşbəxt olmağı bacaran məşhurlar, onların sənət yolları və özlərinin həyat barədə fikirləri şərh olunub.
2017-ci ildə yazıçının “klassiklər” seriyasına daxil olan azərbaycan dilinə tərcümə etdiyi düncaya məşhur “Tikanlıqda şərqi deyənlər” əsəri işıq üzü gördü.
Yazıçı mediada onlarla müəllif yazısı və incəsənət layihələrinin yaradıcısı kimi çıxış edib.
