Zahir Məlikli 1962- ci ildə Yardımlı rayonunun Hamarkənd kəndində müəllim ailəsində doğulub. 1978-1983 - cü illərdə indiki ADPU- nun kimya- biologiya fakültəsində təhsil alıb və oranı fərqlənmə diplomu ilə bitirib. 1983-2013 - cü illərdə Hamarkənd kənd orta məktəbində müəllim işləyib. Elmi-metodik məqalələri yerli və mərkəzi qəzet və jurnallarda dərc olunan Zahir Məlikli həm də rəssam- heykəltaraş kimi tanınıb, bir çox diplomlara, fəxri fərmanlara layiq görülüb. Sənət əsərləri dəfələrlə ölkədə və xaricdə keçirilən sərgilərdə nümayiş olunub. Bakı şəhərində 3 fərdi sərgisi keçirilib. Beynəlxalq müsabiqələr laureatıdır. Gavin Francisin "İnsan vücuduna səyahət", David İqlmanın "Beyin sənin hekayən", Co Dispenzanın "Özünüz bir plasebosunuz", İrvin Yalomun "Nitsşe ağlayanda" kitablarını dilimizə tərcümə edib. "O və Yerdə qalanlar" kitabının müəllifidir. “Yerlə Göy arasında” kitabı Zahir müəllimin çap olunan ikinci kitabıdır.