Bakıda, ziyalı ailəsində anadan olub. 2001-ci ildə Bakı Slavyan Universitetinin filologiya fakültəsini bitirib. 1998-ci ildə Azərbaycan Radio və Telleviziyasının “Xalq yaradıcılığı” redaksiyasında redaktor kimi fəaliyyətə başlayıb. Radioda “Qərib axşamlar”, “Xeyrə qənşər”, "Söz naxışı" və s. tədqiqatyönlü verilişlərin müəllifi və aparıcısıdır.. 2010-2012-ci illərdə Azərbaycan televiziyasında incəsənətdən bəhs edən “Şəbəkə” müəllif proqramını hazırlayıb. Azərbaycan Jurnalistlər və Yazıçılar Birliyinin üzvüdür. Məqalələri və hekayələri “Azərbaycan”, “Ulduz”, “Yazı” jurnallarında, “Aydın yol”, “Kaspi” və s. qəzetlərdə çap olunub. Habelə bir çox saytlarda məqalə, esse və hekayələr, eləcə də köşə yazılarıyla çıxış edib. Natiq Səfərovun ömür yolundan və yaradıcılığından bəhs edən “Ən gözəl uçuş” kitabının redaktorudur. 2015-ci ildə hekayə, esse, portret yazılar və araşdırmalardan ibarət “Kağız gəmilər” kitabı nəşr olunub.