Boris Leonidoviç Pasternak ( təxminən 1920-ci ilə qədər Boris İsaakoviç Pasternak; 10 fevral 1890, Moskva, Rusiya İmperiyası— 30 may 1960, Peredelkino, Moskva vilayəti, SSRİ) — rusiya sovet şairi, yazıçı, Ədəbiyyat üzrə Nobel mükafatı laureatı (1958). Boris Leonidoviç Pasternak yəhudi əsilli rusiya sovet şairi və yazıçı, sovet ədəbiyyatının Nobel mükafatı alan ilk nümayəndəsidir. Moskvada, ziyalı ailəsində doğulmuşdu. Atası Leonid Pasternak Rəssamlıq, Heykəltəraşlıq və Memarlıq məktəbinin professoru və tanınmış portretçi-rəssam, anası Poza Kaufman isə uşaqlarının tərbiyəsi üçün musiqi karyerasından imtina etmiş məşhur pianoçu idi. Ailənin mütəvazi güzəranına baxmayaraq, Pasternakların evi Moskva bomondunun toplaşdığı əsas yerlərdən biri idi. Bu evdə Lev Tolstoy, Raxmaninov, Skryabin, Erix Mariya Rilke və s. məşhur adamlar olmuşdular.
