Mirzə Mrimli – Mirzə Mirim oğlu Mirimli 1954 cü ildə Cəbrayıl rayonunun Qovşudlu kəndində doğulub. Gəncə Dövlət Pedaqoji Universitetinin tarix fakültəsini bitirib. Uzun müddət ixtisası üzrə müəllim işləyib.
Məlum hadisələrdən sonra məcburu köçkünlük həyatı yaşayan şair, hazırda məskunlaşdığı Biləsuvar ərazisindəki iki saylı qəsəbədə yerləşən Cəbrayıl rayonu 8 saylı tam orta məkrəbdə təlim-tərbiyə işləri üzrə direktor müavini vəzifəsində çalışır. Poeziyasının mayasında Vətənə məhəbbət, doğma ocağa və yurda intəhasız bağlılıq dayanan, ömrün şaqraq çağlarında ata-baba torpağından didərgin düşərək, yurd sarıdan acılar çəkən şairin yaradıcılıq nümunələri indiyədək bir çox dövri nəşrlərdə dərc edilib, sevilə-sevilə oxunub. Onun şeirlərinə həmçinin, ədəbi ictimaiyyətin diqqətini cəlb edən poeziya almanaxlarında da yer ayrılıb.
