Ay və tonqallar

Çezare Pavezenin son əsəri və ən yaxşı romanı sayılan, 1950-ci ildə Milli Streqa Mükafatına layiq görülən “Ay və tonqallar” sol təfəkkürlü yazıçının könüllü sağollaşdığı həyatına nisgilli baxışdır. Bu kitab sərgərdan vətəninə, doğma dağlarına, meşələrinə, üzümlüklərinə, ən ülvi cavanlıq xatirələrinə qayıdışıyla bərabər, müharibənin insan talelərinə vurduğu zərbənin bariz nümunəsidir.