Azərbaycan dilinin etimoloji lüğəti

Azərbaycan dili qədim dövrlərdən bu günə qədər uzun və zəngin tarixi inkişaf yolu keçmiş və bugünkü formasını həm mənsub olduğu dil ailəsinin ümumi, müştərək xüsusiyyətləri, həm də tarix boyu əlaqədə olduğu başqa dillər, o cümlədən ərəb, fars, hind, yunan, latın və başqa dillərin xüsusiyyətləri əsasında almışdır. Dilimizin inkişaf tarixini orta əsrlərdən başlayaraq yazılı mənbələrdə izləmək mümkün olsa da, onun tam təsvirini vermək çətin olur. Bunun üçün Azərbaycan dili tarixinin ayrı-ayrı dövrlərinə dair əsərlərin meydana gəlməsi zəruridir və bu əsərlərdən biri də dilin etimoloji lüğətidir. Etimoloji lüğət ilk növbədə dilin tarix varlığını sübut edən sənəd rolunu oynayır, belə ki, bu növ əsərlər ana və ya kök dil adlanan dildən ayrıldıqdan sonra dilin müstəqil inkişaf xəttinin, onun digər dillərlə əlaqəsi nəticəsində meydana gəlmiş dəyişikliklərin araşdırılmasını nəzərdə tutur, digər tərəfdən, etimoloji araşdırmaların davamlı olması dilin gələcək inkişaf qanunauyğunluqlarını da düzgün müəyyən etməyə imkan verir və araĢdırmalar göstərir ki, bütün dillərdə

olduğu kimi, Azərbaycan dilində də heç bir element təsadüfi şəkildə yaranmamıĢdır və hər birinin formalaĢması və inkiĢafı tarixi və nəzəri əsaslara söykənir.