Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Naşirin seçimi

Kateqoriyalar

Cildi

Müəlliflər

Tərcüməçilər

Səhv edəndə və ya tanımadığımız adamla toqquşanda özümüzü “səhv etmək insana xasdır” ifadəsi ilə sakitləşdiririk. Lakin bu, yad adamın səriştəsizliyinin qurbanı olan şəxsi də sakitləşdirirmi? Bəs kömək etməyi bacarmayan həkimə təsəlli verirmi? İnanmaq istərdik ki, həkim öz iş yerində günahsızdır. Əməliyyatda hər şeyə qadir, heç vaxt yorulmayan, özünü pis hiss etməyən, diqqətini kənar fikirlərlə yayındırmayan bir varlıqdır. Amma neyrocərrah olmaq, əslində, necədir? Nədən biləsən ki, sənin hərəkətlərindən təkcə pasiyentin həyatı deyil, həm də şəxsiyyəti – düşünmək və yaratmaq, kədərlənmək və sevinmək qabiliyyəti asılıdır.
Tez və ya gec hər bir neyrocərrah qaçılmaz şəkildə həmin suallarla üz-üzə dayanır, axı istənilən əməliyyat böyük risklə bağlıdır. Dünya şöhrətli britaniyalı neyrocərrah Henri Marş özünün bütün karyerası ərzində həmin suallar üzərində düşünmüş və onun düşüncələrinin yekunu kimi bu maraqlı, son dərəcə səmimi və təsirli kitab ortaya çıxmışdır. Kitabın əsas qayəsini üç qısa sözlə ifadə etmək olar: “Zərər vermə”.
Kitab oxucuları ümumbəşəri mədəniyyətin çox vacib elementi, bir növ dünya mədəniyyətinin sonrakı inkişafının əsasını qoymuş qədim yunan mifologiyası ilə tanış edir. Heç kəsə sirr deyil ki, dünya ədəbiyyatının, mədəniyyətinin bütün inkişaf mərhələlərində mifologiya, mifoloji motivlər və süjetlər aparıcı mövqelərdə olub. Biz antik mifologiya ilə də məhz qədim ədəbiyyat nümunələri əsasında tanış olmuşuq. Hind mifləri – “Vedalar”ın və “Mahabharata”nın, german mifləri – “Eddalar”ın, fin mifləri – “Kalevala”nın, bizim miflər “Dədə Qorqud”un və başqa oğuznamələrin mayasına hoparaq günümüzə qədər gəlib çıxmışlar və bizi təəccübləndirməkdə davam edirlər.


“4 saatlıq iş həftəsi” - kitabda müəllif iddia edir ki, insanın qarşısına qoyduğu məqsəd onun bu məqsədə hansı yollarla çatmasından daha vacib məsələdir. Odur ki, görülmüş işin kəmiyyəti deyil, keyfiyyəti haqqında düşünmək lazımdır. Bununla da, müəllif zamanın idarə olunmasının yeni modelini təqdim edir, az vaxtda daha böyük məqsədlərə çatmağın, daha ahəngdar həyat tərzi qurmağın mümkünlüyündən danışır. Bütün bunları həyatdan götürülmüş real nümunələrlə əsaslandırır.
“Mantissa” Faulzun yaradıcılığında ən kəskin tənqidlərlə üzləşən romandır. Bəs, bu kütləvi tənqidin səbəbi nə idi? Erotika? Bu, Faulzun yaradıcılığının ana xəttidir.Yazıçı Mayls Qrin gözünü xəstəxana otağında açır. O, yaddaşını tamamilə itirmiş vəziyyətdədir. İlham pərisi Erato da öz növbəsində qayğıkeş həkim, onu anti-feminist, burjua elitist kimi tənqid edən, “ədəbi cinayətləri” ndə günahlandıran pank, bir geyşa və Qrinin yarı bulanıq dünyasında nüfuzlu dryad kimi səhnəyə çıxır. Faulz “Mantissa”da yazıçı Mayls Qrin ilə ilham pərisi arasındakı fiziki və ruhi münasibəti qələmə alır. Con Faulz Mantisada toxuduğu “zərif, lakin güclü tor”da ədəbiyyat, eşq və erotizmi müxtəlif müstəvilərdə bir araya gətirsə də, oxucunu əyləndirməklə yanaşı, düşündürməkdən əl çəkmir.




Körpələriniz gecə yaxşı yatmır, qonaqlıqda, orada-burada dəcəllik edir, yeməyini yemir və həyatınızı cəhənnəmə çevirirlərsə, əmin olun, siz tək deyilsiniz! Körpəsi olan bütün valideynlərin bunu yaşamalı olduğunu düşünürsünüzsə, bir daha götür-qoy edin. Amerikalı ana Pamela da Fransaya köçənə qədər belə düşünürdü. Lakin o, Fransadakı restoranlarda uşaqların ağlamadığını, valideynləri ilə eyni şeyləri yediyini, gecələr yuxudan oyanmadığını, ata-analarına qulaq asdığını görəndə bunun sirrini öyrənmək qərarına gəlir və bu məlumatlandırıcı və əyləncəli kitabı yazır. Siz də uşağınızı fransız kimi böyüdün və həyatdan zövq alın!
Amerikalı yazıçı və jurnalist Pamela Druckerman 1970-ci ildə doğulmuşdur. Hal-hazırda ailəsilə birlikdə Fransada yaşayır.
On ildən artıqdır “New York Times”ın bestselleri hesab edilir.
Sevmək çox asandır. Sevgi ilə qalmaq – bax, bu, hünərdir! Sevgi hisslərini necə məsum saxlamalı, gündəlik həyatın tələbləri və ziddiyyətləri fonunda, yaxud, sadəcə bezmədən, yorulmadan bu hissləri necə yaşatmalı? “Sevginin beş dili” qarşılıqlı münasibətlərin bugünkü mürəkkəbliyini əks etdirən təsirli kitabdır.
Doğma bir adamın dizinin dibində oturmaq... Nəsildən nəslə ötürülmüş müdrik deyimləri eşitmək... Şaman,müəllim və şəfaverici təbib olan Don Migel Ruiz özünün inandığı həqiqətlərdən danışır. Əcdadlarından öyrəndiyi şəxsi davranışın sadə, effektiv normalarından bəhs edir. Nəfis tərtib olunmuş bu kitab öz həyatında dəyişiklik etmək istəyənlərə gözəl hədiyyədir. Danışılanları sanki bizə şaman səsi ilə pıçıldayırlar. Məşhur dörd razılaşma isə budur: sözlərinizin qüsursuz olmasına çalışın; özünüz şəxsən heç nə etməyin; ehtimal etməyin; əlinizdən gələni əsirgəməyin.

Voltaire Candid e, ou l’Optimi sme

Bəşəriyyəti xilas edə biləcək ən böyük xoşməramlı yaşantı – sevgi və qan-qada, ölüm, od-alov, dağıntı mənbəyi – müharibə... Frederik Beqbederin “Una və Selincer” romanı yazarın bu iki mövzunu tarixin yaddaşına köçürmək istəyindən yaranıb. Amma buna bənzər bütün yaradıcılıq nümunələrindən fərqli...
Əsərdə bu iki mövzu bir-birini təqib etmir. Heç biri digəri ilə məcburi bağlılıqda – vəhdətdə də görünmür. Hərəsi öz spesifik çalarlarının axarında inkişaf edir. Bağlılıq... bağlılıqsa, hər iki mövzunun eyni insanın taleyində kəsişməsindədir.

Yuval Harari anlaşılması gündən-günə çətinləşən yaşadığımız bu dünyadan yazır. İnsanlıq özünü nüvə müharibəsi, ekoloji fəlakət və texnoloji qəzalar təhlükəsindən necə xilas edə bilər? Yalan xəbərlər epidemiyası ilə mübarizə aparmaq iqtidarındayıqmı? Dünyada hansı sivilizasiyalar dominantlıq edir – Şərq, Qərb? Terrorizmə qarşı hansı tədbirləri görməliyik? Müəllif özünəməxsus aydın fikirlərlə diqqətimizi bugünkü dünyamızın heyrətamiz problemlərinə cəlb edir. Kitabın əsas hədəfi oxucunun fikrini dünyadakı daimi və təhlükəli dəyişikliklərə yönəltmək, həm də onda həyat qabiliyyətini gücləndirmək, rəhmdillik hissini və kritik düşünmə vərdişlərini inkişaf etdirməkdir.
“Qoca və dəniz” Ernest Heminqueyin dünya şöhrətli əsəridir.
Əsərdə ucsuz-bucaqsız okeana xırdaca bir qayıqla ova çıxan tənha qocadan bəhs edilir. Öncəki bütün ovları uğursuz nəticələnən qoca bu dəfə nəhəng bir balıq ovlayır. Bu zaman isə o, öz şikarını köpəkbalıqlarının hücumundan qorumaq üçün gərgin mübarizə aparır. Baş qəhrəman prototipi müəllifin yaxından tanıdığı kubalı qoca balıqçıdır.

Hər bir aforizm özü bir ön söz, sirli-sehrli düşüncə dünyasına açılan fərqli bir qapıdır.
Kitaba Şərqin və Qərbin tanınmış mütəfəkkirlərinin dərin fəlsəfi məna kəsb edən aforizm və kəlamları daxil edilib. Aforizmlərin böyük əksəriyyəti oxucuya ilk dəfədir ki, təqdim olunur.
Dəyərli oxucularım, kitabların əvvəlindəki bu “müəl­lifdən” bölümünü heç sevmirəm. Həmişə kitab oxu­yan­da, bu yerini sonraya saxlayıram. Bütün kitab elə müəllifdən deyil ki? Buranı adlayıb yazmaq istəmirdim, amma sonunda belə qərara gəldim ki, müəllifdən müqəddimə mütləq yerini almalıdır, çünki oxuyacağınız fərqli bir əhəmiyyəti olan bədii əsərdir. İthaf olsa da, bu, mənim, yəni müəllifin yaradıcı təxəyyülünün məhsuludur. Bəzi faktlar da var əlbəttə, amma mən tanıdığım insanlardan prototip olaraq bəhrələnərək, yaratdığım süjet xəttini bildiyim faktlarla zənginləşdirərək, onu daha da həyatiləşdirməyə, reallığa yaxınlaşdırmağa səy göstərmişəm. Alınıb-alınmadığına siz qərar verəcəksiniz. Təsəvvür edin ki, qaranlıq zalda popkorn yeyərək bədii film seyr edirsiniz. (Popkorn yeni dəbdir. Bizim vaxtımızda açıq havadakı kinoteatrlarda qarğıdalı partlağı yerinə çox vaxt tum çırtlayardıq.) İzlədikdən sonra isə təəssüratlarıızdan məni bu və ya başqa yolla agah edin. Zəmanəmizdə təyinatı bunun üçün uyğun olan o qədər sosial şəbəkə var ki.
Beləliklə, kino başladı!
Kitab Koreyanın yeni və ən yeni tarixini əhatə edir. XIX əsrdə açıq liman siyasətindən sonra köhnə və çürümüş sistemi qoruyub saxlamaq istəyən feodal qüvvələrlə işğalçı imperiyalara, Yaponiya imperializminin müstəmləkəçi qüvvələrinə, azadlıqdan sonra milli parçalanmaya və hərbi totalitarizmə qarşı ardıcıl mübarizə aparan Koreya xalqının bu tarixi uzun müddət tədris vəsaitlərindən, o cümlədən elmi araşdırmalardan kənar tutulub.On beş Koreya tarixçisinin qələmə aldığı və yaşlı nəslin ümid və düşüncələrinin əks olunduğu “Yeni və Ən yeni tarix” kitabı gələcəyə ötürülən “hikmət hesabatı”dır.

İnsanın günahsız olduğunu təsdiqləməsi çox çətindir, xüsusilə də, kriminallar ölümlə hədələdiyi zaman. “Zahirə çıxarılmış” müqəssiri Sibirə göndərmək və ya onun üçün ölüm hökmü kəsmək uşaq oyuncağıdır. O da belə bir həyata məhkum olunub. Başqası tərəfindən törədilmiş qətlə görə mühakimə edilib, üstəlik, həyat onunla başqa oyunlar da oynayıb; indi onu ya vərəmdən ölmək, kiminsə tərəfindən öldürülmək, ya da güllələnmək təhlükəsi gözləyir. Ən yaxşı halda isə ağlını itirib ömrünün yarıdan çoxunu qapalı divarlar arasında keçirmək qorxusu var.
Məşhur gürcü ssenaristi və rejissoru Temur Babluaninin birnəfəsə oxunan “Günəş, ay və buğda zəmisi” (Manuşak məni gözləyir) adlı romanı tiflisli bir gəncin həyatdaqalma mücadiləsindən bəhs edir.
Kitab Gürcüstanda xüsusi ədəbi mükafata layiq görülüb.



Daron Acemoğlu və Ceyms Robinsonun “Millətlər niyə tənəzzül edir” kitabı son dövrlərin ən mühüm siyasi-iqtisadi bestsellerlərindən biridir və öz əhəmiyyətinə görə Semyuel Hantinqtonun, Cared Daymondun və Frensis Fukuyamanın tədqiqatlarına bərabər tutulur. Müəlliflər əsrlər boyunca tarixçiləri, iqtisadçıları və filosofları narahat edən bir suala cavab axtarırlar: dünyadakı ədalətsizliyin kökü nədədir? Niyə dünyamızın zənginliyi və sərvətləri ayrı-ayrı ölkələr və regionlara görə bərabər paylanmayıb? Bu suala bütün dövrlərə aid və qeyri-adi dərəcədə geniş tarixi materiallardan istifadə edilərək cavab verilir. Bu kitabı siyasi-iqtisadi fikirlərin əsl ensiklopediyası saymaq olar.
Niyə bəzi ölkələr inkişaf edərək zəngin olur, digərləri isə daim tənəzzül və yoxsulluq içində çırpınır? Bu nədən asılıdır? Görəsən, Afrikanın yoxsul ölkələri bir gün, məsələn, İngiltərəni müstəmləkəyə çevirə bilərmi? Gücün, hakimiyyətin və inkişafın sirri nədədir? Bu suala müxtəlif cavablar verilir. Bəziləri zənginlik və yoxsulluğun meydana gəlməsində coğrafi şəraiti və iqlimi, digərləri milli, dini və kultural xüsusiyyətləri əsas amil sayır. Lakin eyni iqlim qurşağında yerləşsələr də, inkişaf səviyyəsi müxtəlif olan ölkələr çoxdur. Bəs, nə üçün eyni mədəniyyətə, eyni dəyərlərə sahib olan, lakin həyat standartlarına görə kəskin fərqlənən ölkələr mövcuddur? Deməli, məsələyə başqa cür yanaşmaq lazımdır.
Müəlliflər “Niyə bəzi ölkələr zəngin, digərləri yoxsuldur?” şək­lin­də bir sual irəli sürüb, quldar cəmiyyətlər, feodalizm, müstəm­ləkəçilik, kapitalizm və sosializm haqqında geniş məlumatlar verərək maraqlı və düşündürücü bir tədqiqata başlayırlar.
Sənaye İnqilabı niyə Bolqarıstanda deyil, İngiltərədə başladı? “Qara Ölüm” adlanan Vəba krallara, mülkədarlara, təhkimli kəndlilərə necə təsir etdi? Cəmiyyətlərdə elita ilə aşağı təbəqələr arasında dəyişən və dəyiş­məyən əlaqələr hansılardır?
Bu suallara cavab tapmaq istəyirsinizsə, “Millətlər niyə tənəzzül edir” kitabını mütləq oxuyun. Oxuyun ki, dünyaya baxışınız dəyişsin.
Bu kitabda barəsində insanlar arasında danışılması xoş olmayan, çox vaxt kölgədə qalan, amma çox vacib məsələlərə toxunulur: mədə, bağırsaq, həzm, həzm prosesinin gedişatı, həzmin əhval-ruhiyyəmizə təsirindən, həzmin nəticəsinin vücudumuzdan xaric olunması və s. Həmçinin kitabda tabu mövzusu olan böyük bayıra çıxmanın düzgün qaydalarından və bu qaydalara riayət olunmasının insan sağlamlığına necə müsbət təsir göstərməsindən danışılır. Bütün bunlar elə bir elmi-bədii üslubda verilir ki, kitabı oxuduqca insan həm zövq alır, həm də elmi bilgilərə yiyələnir. Kitab həm tibb sahəsində oxuyan tələbələr üçün əhəmiyyətli olmaqla yanaşı, eyni zamanda bütün insanlar üçün də faydalıdır, çünki hər bir insan öz sağlamlığının qeydinə özü qalmalıdır və bu kitabda da bununla bağlı dəyərli elmi məsləhətlər yer alır.
Qaradərili olsa da, imkanlı ailədə dünyaya göz açan və tamah­kar atasının, sevgidən məhrum anasının himayəsində “yağ içində böyrək kimi” böyüyən, həmyaşıdlarından fərqli həyat sürən Süd­əmərin ərköyünlüyü get-gedə harınlığa çevrilir... Və xə­ya­lındakı qızıl sorağıyla evlərindən xeyli uzaqlara – dədə-baba yurduna üz tutur. Burada isə gözləmədiyi halda, öz əcdadlarının izlərini aşkarlayır... Heç demə, Amerikanın ayrı-ayrı ştatları da, şəhər-qəsəbələri də, dağ-dərələri də elə onun ulu baba-nənələrinin, mənsub olduğu nəsil-qəbilənin, torpağın adını daşıyırmış... Beləcə, geriyə qızıldan da qiymətli sərvətlə – əcdadları haqqında xatirələr və zatı-kökü haqqında ilginc həqiqətlərlə dönür... Bu onun həyatını büsbütün dəyişir... Və daha çox gerçəkliyə qovuşmaq – gec də olsa, öz kökünə qayıtmaq, əski nəsil-nəcabətinə tapınmaqdan ötrü özünü mövcud ab-havanın ağuşuna atır – həyatı yarıda qırılacaqsa belə... “Çünki o, artıq bilirdi – Şalimarın bildiyini dərk edirdi, Solomonun qayəsini əxz edirdi – yetər ki, özünü havanın ağuşuna verəsən, onda onu fəth edə bilərsən!”



“Eleanor Olifant çox yaxşıdır” kitabı son illərin ən yaxşı romanlarından biri hesab olunur.
Eleanor Olifantın həyatında, doğrudan da, hər şey qaydasındadır: o, mühasib işləyir, bazar günləri içki içir, çərşənbə günləri isə uzaqlarda yaşayan anasına zəng edir. Günlərin birində konsertə yollanan Eleanor gözəl geyimli, yaraşıqlı bir musiqiçiyə vurulur və bundan sonrakı həyatını öz təsəvvüründə dəyişir.
Əslində isə o, keçmişi unutmağa, kədərin və yuxusuzluğun öhdəsindən spirtli içki içərək gəlməyə çalışır.
Sosial həyata adaptasiya ola bilməyən Eleanor Olifantın incə yumorla nəql edilən həyatı tədricən uşaqlıq travması, sevgi və tənhalıq haqqında kədərli və təsirli hekayətə çevrilir – heç bir oxucunun laqeyd qala bilməyəcəyi bir hekayətə...
Heather Morris hazırda Avstraliyada yaşayan Yeni Zelandiya vətəndaşıdır. Bir neçə il Melburnda böyük bir dövlət xəstəxanasında işləmiş, bu müddətdə ssenarilər yazmışdır. Morris 2003-cü ildə "danışılmağa dəyər hekayəsi ola biləcək" Lale Sokolov adında yaşlı bir kişi ilə tanışır. Bu tanışlıq onların ikisinin də həyatını dəyişdirir. Sokolov həyatının ən özəl xatirələrini Morrisə əmanət edib danışaraq həm də özünü tanıma yoluna çıxır. Morris “Auşvitz döyməçisi”ni roman olaraq yazmadan öncə Sokolovun əhvalatını beynəlxalq yarışmalarda ilk sıralarda yer tutan bir ssenari kimi də yazmışdır.
Morris “Cilkanın yolu”, “Ümidin hekayəsi”, “Üç bacı” əsərlərinin müəllifidir.

Kitab əsasən uşaqlara ünvanlansa da, yaşlılar üçün də maraqlı olacağı şübhəsizdir. Fəlsəfə kimi ağır bir mövzudan bəhs elədiyi halda son dərəcə cəlbedicidir. Fəlsəfəylə maraqlanan, ən azı ümumi şəkildə fəlsəfə tarixini öyrənmək istəyənlər üçün bu kitabı qiymətsiz saymaq olar.
Əsərin qəhrəmanı Sofi adlı 15 yaşlı qız naməlum və sirli filosofdan məktublar alır. Və bir gün onlar görüşürlər...

Dünya şöhrətli Amerika yazıçısı Teodor Drayzerin 1925-ci ildə yazdığı “Amerika faciəsi” onun şah əsəri hesab olunur. Romanda küçə vaizlərinin oğlu olan, sıravi amerikalı Klayd Qriffitsin taleyindən danışılır. Müəllif göstərir ki, saxta idealların hökm sürdüyü bir quruluşda ruhu xilas etmək mümkün deyil. Vaizlərin oğlu valideynlərinin yolu ilə deyil, nəfs yolu ilə gedir. Əxlaqı pozulur, namuslu həyat sürən məsum Robertanı yoldan çıxarır. Cəmiyyətdəki “yüksək təbəqənin” üzvlüyünü qazanmaq istəyi səbəbindən Robertanı öldürməklə nəticədə özünü də məhv edir. Yazıçı bu əsəri ilə Amerikanın sosial həyatının, kapitalizmin eybəcər və dəhşətli üzünü göstərmişdir.  
Atasının oğurladığı pullarla varlanan Adam Trask... Öz zəhmətiylə başqalarını varlandıran Şamuel Hamilton... Və dəhşətli ailə faciəsi... Müəllif hadisələri çox canlı təsvir edir...
Roman sevgi və nifrət, etibar və xəyanət, cinayət və cəza haqqında böyük rəvayətdir. Adam Traskın iki oğlu səmavi kitablardakı Habil və Qabilin çağdaş prototipləri kimi ortaya çıxır. Hər ikisi dünyada öz yerini axtarır. Ancaq onların axtarış üsulları bir-birindən kəskin şəkildə fərqlənir.
Sən xeyirxah, yaxud bədxah əməllər törədə bilərsən. Bu, aydındır. Lakin unutma, hər seçimin öz bədəli vardır.
Mühafizəkar tənqidçilərin qəzəbinə tuş gələn roman ABŞ-da milli bestseller siyahılarında birinci oldu. Hollivud roman əsasında film də çəkdi.


Kitabın təklif etdiyi səhər ritualları on minlərlə insana həyatını dəyişdirməyə, özünü daha yaxşı hiss etməyə və daha çox şey əldə etməyə kömək edib. Maraqlı həyat hekayəsi olan müəllif hesab edir ki, insanın bütün həyatı hər günün ilk saatını necə keçirməyindən çox asılıdır.



Bu kitab sizə nəyi və necə etməli olduğunuzu söyləmək üçün qələmə alınmayıb. Bu kitab digərlərini ilhamlandırmaq və ya ilham alacaqları birini tapmaq istəyənlər üçün qələmə alınıb. Məqsəd sizə hansısa ardıcıl addımlar silsiləsi təqdim etmək deyil, hərəkətə keçmək üçün səbəb yaratmaqdır. Bu kitabda qeyd edilənlər yeni ideyalara açıq olanlara, qalıcı uğur axtaranlara və uğurlu olmaq üçün digərlərinin yardımına ehtiyacı olduğuna inananlara ünvanlanıb. Siz bundan sonra hər işə “niyə” sualı ilə başlamalısınız
Bir səhər yuxudan oyanan kimi ağlına illərdən bəri gör­mədiyin dostun gəlir. Bir saat sonra onunla küçədə rast­la­şır­san. Səncə, bu, təsadüfdürmü?
Heç lotereyada udmusan? Yox? Amma udanlar var. Həm də davamlı! Onlar səndən daha şanslıdırmı? Ümumiyyətlə, şans deyə bir şey varmı?
Sənə sirli şəkildə tanış gələn predmet və hadisələr necə? San­ki əvvəllər hardasa görmüsən. Bu, keçmişdir, yoxsa gə­lə­cək? Yuxudur, yoxsa gerçəklik?
Bütün bu suallara cavab tapmaq istəyirsənsə “Ağlasığmaz” romanını mütləq oxu. Bu, insanı düşündürən, riyazi nəzəriy­yə­lərlə macəranı birləşdirən bir kitabdır. Romanın sonunda bir tərəfdən şizofreniyanın həqiqi səbəbləri haqqında dü­şü­nəcək, o biri tərəfdən adi bir hərəkətin insan həyatını necə dəyişdiyinə təəccüblənəcəksən.


Cəmi 9 ay əvvəl terrosrist hücumuna məruz qalan Malala Yusəfzay 16-cı ad gününü Birləşmiş Millətlər Təşkilatının Gənclər Assambleyasıında çıxış etməklə qeyd etdi.

"Bir uşaq, bir müəllim, bir kitab və bir qələm bütün dünyanı dəyişə bilər". Onun mesajı belə idi.


Şotlandiyalı yazar Ken Follettin “Dünyanın dayaqları” tarixi romanı 1989-cu ildə dərc olunub və əsərdə İngiltərənin müəllif tərəfindən uydurulmuş Kinqzbric adlı şəhərində kafedral kilsə tikintisindən bəhs edilir. On ikinci yüzillikdə baş verən hadisələr “Ağ gəmi”nin batması nəticəsində İngiltərə taxt-tacının varisi Tomas Beketin ölümüylə başlayır, ancaq diqqət daha çox anarxiya üzərində cəmləşdirilir. Romanda əski Romanesk memarlığından Qotik memarlığına keçid mərhələsi təsvir olunur və dövrün qanla, savaşla dolu tarixi hadisələri fonunda Kinqzbricin bəxti gətirmiş olur: nəhəng kilsə tikintisi bu şəhərə çoxlu insan cəlb edir. Oxucu bütün əsər boyu yoxsul bənnanın iş tapmaq üçün öz ailəsiylə birlikdə çıxdığı ağır səyahəti, yolda başına gələn macəraları və nəhayət, kiçik Kinqzbric qəsəbəsində məskən salaraq, nəhəng kilsənin tikintisində iştirakını izləyir. Yoxsulların ağır, məşəqqətli həyatı, onların fonunda qrafların və yüksək titullar daşıyan din xadimlərinin var-dövlət uğrunda apardığı intriqalar, ixtilaflar oxucunu əsərin sonuna kimi həyəcanda saxlayır.

Bu kitabda Azərbaycanın XIX əsr maarifpərvər tarixçiləri Mirzə Adıgözəl bəyin, Mirzə Camal Cavanşir Qarabağinin, Əhməd bəy Cavanşirin və Azərbaycanın XIX və XX əsr salnaməçiləri Mirzə Yusif Qarabağinin, Mir Mehdi Xəzaninin, Rzaqulu bəy Mirzə Camal oğlunun, Mirzə Rəhim Fənanın, Baharlının, Həsən İxfa Əlizadənin, Həsənəli Qarabağinin Qarabağ haqqında tarixi, əbədi-bədii, publisistik oçerkləri toplanmışdır.
“Yаşıl evin Ennisi” kаnаdаlı yаzıçı Lüsi Mod Montqomerinin ən məşhur əsəridir. Övlаdlığа oğlаn uşаğı götürmək istəyən qаrdаş-bаcı Metyu və Mаrillаnın plаnlаrı bir səhv ucbаtındаn аlt-üst olur. Onlаrın “Yаşıl ev” kimi tаnınаn evlərinə oğlаn yerinə həssаs, səmimi, kürən sаçlı, hər şeylə yаxındаn mаrаq­lаnаn sevimli bir qız uşаğı göndərilir. Enni Şirli аdlı bu qeyri-adi qız təkcə tənha bаcı-qаrdаşın deyil, ünsiyyətdə olduğu hər kəsin həyatını rəngli tаbloyа çevirir. Dünyanı həm sevinci, həm də kədəri ilə uşaqlara sevdirmək, humanizmi, həyatsevərliyi aşılamaq, çox oxumağın, öyrən­məyin uğurun ən başlıca şərti olduğunu göstərmək baxımından olduqca faydalı kitabdır.

“Kukla ustası” kitabında biz özündən hekayələr uydurub danışan 60 yaşlarında dilçi-filoloqun əhvalatına şahidlik edirik. Əhvalatlarını danışdığı insanlar çox böyük maraqla onu dinləyirlər. Amma o özü çox tənha bir insandır. Heç kəsi yoxdur – nə oğul-uşaqdan, nə də qardaş-bacıdan; bircə yaxın sirdaşı, dostu Pelledən başqa. Pelle isə heç də adi dost deyil… müxtəlif vəziyyətlərdə Yakobun dadına yetişən Pelle xüsusi və qeyri-adi dostdur. Yalnızlıq, təcrid olma, cəmiyyətdə tənhalığın törətdiyi fəsadlardan bəhs edən bu roman “Sofinin dünyası” kitabının müəllifindən yeni kiçik bir möcüzədir. Bir çox anlamda kitaba həyatın mənasını axtaran, möcüzələrini çözməyə çalışan dilçi-alim Yakobun faciәsi kimi də yanaşmaq olar. Qaarder bu kitabı elə bir tərzdə yazıb ki, bütün sirli sualların cavabına oxucu kitabı oxuduqca yolüstü cavablar tapır. Bu səbəbdən oxuduqca oxuyacağınız və başladıqdan sonra heç əlinizdən yerə buraxmayacağınız kitabla qarşı-qarşıyasız…
Sadə bir insanı cəllada çevirən nədir? Amerikalı sosiopsixoloq Filip Zimbardo müxtəlif ölkələrdə, o cümlədən İraq həbsxanalarında baş verən real hadisələrdən təsirlənərək tələbələr arasında keçirdiyi Stanford təcrübəsi ilə bu çətin suala cavab axtarır və təcrübənin həm gedişini, həm nəticələrini “Lüsifer effekti” adlandırdığı bu kitabda geniş qələmə alır. Az vaxtda böyük marağa səbəb olan kitab bestsellerə çevrilir. Zimbardoya görə insanı şər qüvvəyə çevirən onun düşdüyü mühit və onu yönəldən sistemdir. Bəs çıxış yolu varmı? Kitab bu suala da cavab axtarır və çıxış yolunu qəhrəmanlıqda görür. Qəhrəmanlıqsa çoxunun düşündüyü kimi seçilmiş insanların deyil, hər kəsin bacaracağı bir işdir. Qəhrəmanlıq qeyri-adi ola bilər, qəhrəmanlar adi insanlardır. “Lüsifer effekti” təkcə məzmun və ideyası ilə deyil, təhkiyə və üslubu ilə də oxucuları ovsununa salır.

Roman bəşəri mövzu olan qadın-kişi münasibətlərinin bəzən mürəkkəb, bəzən də olduqca sadə görünən məqamlarından bəhs edir. İnsanın həyatında rastlaşdığı hər bir halın onun üçün ilk və təkrarsız olduğunu, qərarını sınamaq şansının olmadığını, yaşamaq təcrübəsinin yaşadıqca yarandığını deyən yazıçı, əslində, bütün bunların olmamaq ehtimalının varlığını da inkar etmir. İnsan daim seçim qarşısındadır, bu seçimin yüngüllüyü və ağırlığı onun gələcək həyatının trayektoriyasını cızır.



İnsan sevgi, ailə, din, siyasət, əyləncə, təhsil, karyera, pul, azadlıq və s. ilə ünsiyyətdə həyatın məqsədini öyrənməyə çalışır. Əsl bilgi isə şərtlərin diktəsinə boyun əymək deyil, əxz etdiklərimizlə daxili harmoniya yaratmaqdır. Bununla içimizdəki şiddəti yox edib, ətrafımızı və dünyanı dəyişdirmək mərtəbəsinə yüksələ bilirik. Kitab insanın öz daxili “mən”i ilə qovuşması haqqındadır. Həyata dair rəngarəng mövzular dinləyicilərin Krişnamurtiyə ünvanladığı suallara verilən cavablar əsasında işıqlandırılır.

Abunə Ol