Göytəpə və Göytəpəlilər

Bu kitab Rusiya-İran müharibəsi başa çatdıqdan sonra uzun müddət Çar imperiyasının hərbi sərhəd məntəqəsi kimi tanınan Göytəpənin (Prişib) nümunəsində respublikamızın cənub bölgəsində baş verən ictimai-siyasi hadisələrdən bəhs edən maraqlı tədqiqat əsəridir. Bundan əlavə, kitabda elm, mədəniyyət, təhsil, idarəçilik və ictimai həyatın digər sahələrində özünəməxsus yeri olan tanınmış göytəpəli ziyalılar, onların həyat yolu barədə də söhbət açılır. Ümid edirik ki, qədim və müasir tariximizin kitabda əksini tapmış taleyüklü hadisələri, acılı-şirinli xatirələrlə zəngin səhifələri oxucuları zaman-zaman düşündürəcək və Vətənə, torpağa məhəbbət hissimizi daha da gücləndirəcəkdir.