20 Yanvar metrosuna PULSUZ çatdırılma

Hər gün yeni bir kitab

QANUN NƏŞRLƏR EVİ

Martin İden

Martin İden

Cek London

Ölçü

145x210

Cild

Yumşaq

Səhifə sayı

392

Tərcüməçi

İslam İbrahimov

Endirim faizi

20 %

Baxış sayı

8452

desc desc desc desc desc

1


7.997.99

9.999.99


Kitab haqqında


Kasıb təbəqənin nümayəndəsi olan 21 yaşlı Martin İden işçi, matros olur. O bir gün Artura sataşan avaralarla dalaşıb, onları yaxşıca əziş­dirir. Bunun müqabilində Artur ona təşəkkür etmək üçün evlərinə na­ha­ra çağırır. Artur Martinin yaşında olan yüksək təbəqənin, burjua ailə­sinin üzvüdü. Martin onlara qonaq gələrkən yüksək təbəqənin adamlarına, onların savadlarına heyran qalır. Elə burada da Arturun bacısı Rufu görür və onu sevir. Ruf yarıtəhsilli Martinə ingilis dilində gözəl danışmağı öyrədir, onda ədəbiyyata maraq oyadır. Martin öyrənir ki, jurnallar yazıçılara on­ların əməyi müqabilində yaxşı qonorar verir. Ona görə də qəti qərara gə­­lir ki, yazıçı olsun və öz sevgilisinə layiq olan təbəqənin adamları sı­rasına qatılsın.


https://www.qanun.az/blog/327



 



Facebookdan gələn rəylər

Rəylər

comment

Həyatımdan Bir Cek London Gəlib-Keçdi

Kitabın tərkibi barədə digər oxucular məlumat verdiyi üçün sizi izahatla yormayacağam. Amma onu deyə bilərəmki Mardin İden Əzmkar, Məqsədyönlü bir şəxsdir. Amma sonda, Mənə İradəsiz və həyatdan zövq almağı bacarmayan, Yalnız pis təəsuratlara sığınaraq yaşayan bir adam təəsuratı bağışladı. Hər nə olursa olsun, mümkün olan hər şeyin çarəsi vardır.

comment

Martin İden

Cek London və "Martin İden" Mən bu iki adın bir-birilə “səhv”, daha doğrusu “qarışıq” düşdüyünün çox şahidi olmuşam. Yəni dəfələrlə təhsilli, yarımtəhsilli və təhsilsiz adamlardan eşitmişəm: “Martin İdenin Cek London romanı”... Və yaxud, əksinə... Çek Londonun kim olduğu əksər ədəbiyyatsevərlərə məlumdur. O, Amerikan yazıçısıdır. Cəmi 40 il yaşayıb. “Martin İden” romanının eyniadlı qəhrəmanı da müəllifin özü kimi yazıçıdır. Martin İden təkcə ədəbi qəhrəman yox, həm də həyat qəhrəmanıdır. Özü də sərt həyatın sərt qəhrəmanı. Martin İden moryakdır, dənizçidir. O, fiziki cəhətdən güçlü bir gəncdir. Cəmi 21-22 yaşı var. O, “yüksək” dairədən olan Ruf adlı qıza ilk baxışdan vurulur. Ruf savadlıdır, həssasdır, şıltaqdır, ağıllıdır. Bu xanım qız gənc dostuna ədəbiyyat, dil, mədəniyyət haqda ətraflı bilgi verir. “Qaba” Martin get-gedə elit həyata nüfuz edir və... yazıçı olmaq qərarına gəlir... Bundan sonra ədəbiyyata gəlmək istəyən gəncin ağır, məşəqqətli, həmçinin maraqlı həyatı başlayır. Martin İden dəniz fırtınalarından uzaqlaşıb həyat və yaradıcılıq fırtınalarına baş vurur. Sən demə, həyatın fırtınaları daha təhlükəli imiş. Bunu qəhrəman və oxucu bütün çalar və rəngləri ilə görür. Gənc, güclü, əzmkar Martin gecə-gündüz yazır. O, yüksək cəmiyyətə can atır. Kitablarından bolluca qonorar almaq istəyir. Vurulduğu qızın- Rufun rəğbətini qazanmaq istəyir. Bir sözlə, o, cəmiyyətdə özünü təsdiq etmək istəyir. Nədənsə bu qəhrəman mənə hər zaman təkcə müəllifin (Cek Londonun) özünü yox, həm də dahi fransa yazıçısı Balzakı xatırladıb. Çünki Onore de Balzak da bu “de” titulunu və sevdiyi qrafinya Evelina Qanskayanın rəğbətini, əslində məhəbbətini qazanmaq üçün çox məşəqqətlərə düçar olur. Martin İden gecə-gündüz yazır və öz arzusuna çatır. O, artıq məşhur, imkanlı bir şəxsdir. Bütün Amerika ondan danışır. O vaxtlar cəmiyyətdə ədəbiyyatın və yazıçının hörməti böyük idi. İndiki vaxt olsaydı ola bilsin ki, Cek London öz əsərinə ya siyasətçini, ya idmançını, ya da müğənni və ya da hansısa mafiozu, indiki anlamda “biznesmeni” qəhrəman seçərdi... Mən əsərin məzmununu danışmaq niyyətində deyiləm. Vaxtilə Fəlsəfə tarixi ilə paralel Dünya ədəbiyyatı tarixi üzrə də mühazirələr demişəm. “Martin İden” romanını bir neçə dəfə oxumuşam. Əlbəttə, təkcə dərs dediyim üçün yox. Mən hələ orta məktəbdə oxuyarkən bir neçə dəfə bu əsərin o başından vurub bu başına “çıxmışam”. Martin İden sonralar evdə, işdə, səfərlərdə də mənimlə çox “dostluq” edib. Hər oxuduqca da heyran olmuşam bu qəhrəmana. Mən indi onunla “mübahisələrimi” də xatırlayıram. Əslində o, intihar etməyə də bilərdi.Onun yaşamaq limiti hələ tam tükənməmişdi. Belə bir nəhəng enerjiyə malik adam mövcud cəmiyyətə uzun müddət müqavimət göstərə bilərdi... Amma Cek Londona və ya Martin İdenə “bəraət” verdiyim vaxtlar da az olmayıb. Axı bu zalım oğlu Cek London özü də sonda öz qəhrəmanı kimi intihar edir. Belə çıxır ki, yazıçı bu əsəri yazmaqla özünü bir növ ölümə hazırlayırmış. Mən sonralar cəmi qırx il ömür sürmüş bu böyük ədibin “Həyat eşqi”, “Dəniz canavarı”, “Dəmir daban”, “Meksikalı”, “Aylı vadi” və digər əsərlərini də oxudum. Amma “Martin İden” dəniz rəgləri və dənizçi xarakteri ilə yaddaşımda əbədi iz qoydu. Yeri gəlmişkən, “Martin İden” romanını mərhum İslam İbrahimov dilimizə çox yüksək səviyyədə çevirib. Ədəbiyyata gəlmək istəyən adamlara, xüsusən gənclərə daim bir neçə yazıçının əsərlərini mütləq oxumağı məsləhət görmüşəm. Onlardan biri də Cek London və onun “Martin İden”idir. Bu əsər həm də ədəbi fırtınanın qoynuna atılmaq istəyənlər üçün bir dərslikdir, bir xrestomatiyadır. p.s. Qəribədir. Hətta, olduqca qəribə. Mən indi bu qeydləri yazarkən qəfildən xatırladım ki, bu il Cek Londonun doğumundan 140 il keçir. Və bu da yadıma düşdü ki, böyük yazıçının ölümündən düz yüz il keçir. Cek London əsərləri dünyada ən çox tirajlanan, deməli ən çox oxunan yazıçılardandır. Elə bu gün də Cek London öz əsərləri ilə müasirdir, maraqlıdır, aktualdır.

comment

Naile Quliyeva

Uzun zamandır oxumaq istədiyim əsəri nəhayət ki, oxudum. Klassik əsərlər içərisində Cek Londonun əsərlərinin xüsusi yeri var deyə bilərəm. Kitab Martin adlı gənc, güclü, savadsız gəmiçi oğlanın həyatından bəhs edir. Həyatı dənizlərdə keçən, bilək gücünün hər şey olduğunu hesab edən, elmdən uzaq gənc oğlan bir gün təsadüfən əsilzadə ailəsinə qonaq olur. Dəvət olunduğu malikanədə kübar cəmiyyətin mədəniyyəti, yaşayışı, xüsusilə ailənin gözəl qızı Rufun savadlı danışığı Martini silkələyir. O öz qaba və mədəniyyətdən uzaq qalmış həyatını dəyişmək, elm öyrənmək, savadlı və mədəni insan olmaq üçün özünə bir söz verir. Xüsusilə ona yuxarıdan aşağı baxan insanların münasibəti ona çox təsir edir. Demək olar kitab da bundan sonra başlayır. Sonrasında çox maraqlı hadisələr yaşanır. Martinin qarşısına qoyduğu məqsədi onu apardığı yer çox düşündürücü idi. Həqiqətənmi insanın pulu və ya təhsili daha önəmlidir? İnsanın öz mənəvi dəyərləri, şəxsiyyəti ikinci dərəcəlidirmi? Çox maraqlı, təsirli və axıcı əsərdir. Oxuduqca düşünürdüm ki, illər keçib əsr dəyişməsinə baxmayaraq bu gün də bu cür məslələr davam etməkdədir. ???? Martin nəvazişlə kitablarına baxdı. Bunlar onun həmişə sədaqətli qalan yeganə yoldaşları idi. ???? Həyatda hər hansı bir şey sona çatmışsa, nöqtə qoymazdan əvvəl cümləni tamamlamaq lazım idi. ????Məhəbbət addımbaşı büdrəyən və yıxılan cılız, eybəcər bir xilqət deyil, əsl böyük məhəbbətdirsə, heç bir zaman yolunu azmaz. -

Rəy yaz

comment

Oxşar kitablar

Abunə Ol