Yuval Noah Harari Bakıya səfər edib

3 October 2023 1623

Kitabları 23 milyondan çox tirajla satılan bu yazıçının Bakı səfəri əlamətdar hadisəyə çevrilib.

Qanun nəşriyyatının direktoru Şahbaz Xuduoğlu bildirib ki, tarixi kitablarının bu qədər nüsxə ilə satılması adi hal deyil, bu həcmdə adətən bədii kitablar satılır.

"O, tarix haqqında səlis oxunan və həyatımıza toxunan və bizə güc verən, gələcəyi dizayn etməksə bizə yardım elə bir kitab yazdı ki, bütün tarix kitabları haqqında təsəvvürləri dağıtdı".

Hararinin komandasında on beş nəfər işləyir: əksəriyyəti israilli olsalar da aralarında irland, çinli, alman da var. İldə bir dəfə komandasını hansısa ölkəyə özü ilə aparır. Onlar əsasən Hararinin proqramını tərtib edir, həm də kitablarının nəşrini genişləndirməyə çalışırlar. Hər kəs öz işini yaxşı bilir. Əsası isə professoru yaxşı qoruyurlar: işləmək, dincəlmək, meditasiya - vaxt rejiminə əməl edirlər.

Şahbaz Xuduoglu qeyd edib ki, Harrarini ən çox maraqlandıran məsələ Azərbaycanda mövcud olan sekulyar cəmiyyətdir.

"Bu necə baş verdi sizdə? " - deyə təəccübünü gizlətmədi. Dedim ki, maarifçiliyə minnətdarıq. XlX- XX əsr maarifçiliyi bu ölkədə sinaqoq, kilsələr və məscidlər, teatrlar, operaların olmasına şərtləndirdi. Maarifçilik olmasaydı biz də İran ola bilərdik".

Harrari Azərbaycanın Türkiyə və qonşu ölkələrlə münasibətlərindən söz açıb, Azərbaycan dili ilə Türk dillərinin bənzərliyini qeyd edib.

İki saatdan çox davam edən görüşdə müxtəlif məsələlər müzakirə olunub, sonda isə qonaqla xatirə şəkilləri çəkdirilib.