"XX əsr Azərbaycan ədəbiyyatı tarixi 1-2" kitabının imza günü keçirilib

X Bakı Beynəlxalq Kitab Sərgində "Qanun Nəşriyyatı"nın təşkilatçılığı ilə professor Bədirxan Əhmədlinin "XX əsr Azərbaycan ədəbiyyatı tarixi 1-2" kitabının imza günü keçirilib. Tədbirdə tanınmış alimin həmkarları, yazıçılar və ədəbiyyatşünaslar iştirak edib.

Xatırladaq ki, XX əsr Azərbaycan ədəbiyyatı tarixi üzrə çoxlu sayda fundamental elmi araşdırmaların müəllifi professor Bədirxan Əhmədlinin bu dərsliyi son otuz ildə ədəbiyyat tarixçiliyi ilə bağlı aparılan ən yeni tendensiyanı, təmayülləri özündə ehtiva edir.

Dərslikdə Azərbaycan ədəbiyyatı tarixinin çox az tədqiq olunmuş bir mərhələsinin (1890-1920) hadisə, istiqamət və keyfiyyətləri çağdaş mövqedən araşdırılır. Müəllifin icmalları, təhlil və portret oçerkləri bundan sonra aparılacaq araşdırmalar üçün yeni bir nəzərimetodoloji istiqamət açır. Dərslik bakalavr və magistrlər üçün nəzərdə tutulmuşdur. Bununla belə, ədəbiyyat tarixinin müxtəlif problemləri ilə maraqlanan tədqiqatçılar üçün də zənginmənbə hesab oluna bilər.