Sofiya

Sofiya uşaq evində böyüyür. Ata-anası haqda heç bir məlumatı yoxdur. Uşaq evində onun öz doğmaları var: Jalə və Tağı. Bu üç uşağın ən böyüyü Jalədir. Sofiya və Tağı daima Jalənin məsləhəti ilə hərəkət edir. Həyat öz axarı ilə getdiyi vaxt bir xeyriyyəçi iş adamı peyda olur. Uşaq evinin kollektivinə Yeni il şənliyini restoranda keçirməyi təklif edir. Vədə yetişir. Hər şey gözəldir. Uşaqlar xoşbəxtdir. Hamı geyinib-keçinib restorana gedir. Gecədən xeyli keçənədək davam edən şənlik Sofiyanın həyatını dəyişir. Arzularını başqa səmtə yönəldir. Sofiya həyatın bu cür gözlənilməz sürprizlərinə davam gətirə biləcəkmi? Onun axtarışları, həyatla mücadiləsi nəticə verəcəkmi? Kitab bu maraqlı suallara ağlagəlməz cavablar verir.