Lalə Rəhmanova-Muxtarlı 1993-cü ildə Biləsuvar rayonunda doğulub. Orta məktəbi bitirdikdən sonra Azərbaycan Dövlət Mədəniyyət və İncəsənət Universitetinin "Sənətşünaslıq" fakultəsində təhsil alıb. Respublikanın dəyərli professorlarından filoloq Nizaməddin Şəmsizadə, redaktor Asif Rüstəmli, filologiya elmləri doktoru, füzulişünas Gülşən Kəngərli, yazıçı-publisist Atababa İsmayıloğlu, Əməkdar jurnalist, yazıçı-ssenarist Zakir Abbas, dramaturq Əli Əmirli kimi ustadlardan dərs alıb, onların yaradıcılıq təcrübələrindən yararlanaraq biliklərini inkişaf etdirib. Azərbaycan, Türk, Rus dillərini bilir. Tərcümə etdiyi kitablar: "Qırmızı saçlı qadın" - Orxan Pamuk "Bəyaz qala" - Orxan Pamuk "Eşq və qəm" - Rauda Jamis "Dəyirman" - Səbahəddin Əli "Hərcayi" - Sümeyye Koç "Məftun" - Sümeyye Koç "Pəncərədəki qız" - Gülsərən Budayıcıoğlu "Dəlisov" - Jose Mauro De Vasconcelos