Aygün Əziz 11 noyabr 1974-cü ildə Bakı şəhərində anadan olub. 1981-1991-ci illərdə Bakı şəhər 158 nömrəli məktəbdə təhsil alıb. 1991-1996-cı illərdə Xarici Dillər İnstitutunda (indiki ADDU) ali təhsilə yiyələnib. İnstitutu fərqlənmə diplomu ilə bitirib. 1997-2007-ci illər universitetin "Ölkəşünaslıq və nitq praktikası" kafedrasında tam ştatlı müəllim, 2003-2007-ci illər Britaniya Konsulluğunda həmin vaxtın ən böyük layihəsi - BP işçilərinə ingilis dilinin tədrisi - üzrə təlimçi işləyib. 2003-2005-ci illər ABŞ səfirliyində diplomatlara Azərbaycan dilində danışıq səviyyəsinin artırılması layihəsində iştirak edib. 2007-2010-cu illər LBSD şirkətində korportariv müştərilərə (MTN, FHN, Bakcell, BP işçiləri) ingilis dilini tədris edib. 2010-2021-ci illər TEAM Industrial Services LTD-də (neft-qaz sektorunda təmir işləri aparan ingilis şirkəti) ofis menecer vəzifəsində işləyib. 2023-cü ilin sentyabr ayında "Qanun Nəşriyyatı”nda fəaliyyətə başlayıb, 2024-cü ilin avqust ayında nəşriyyatın baş redaktoru təyin edilib.